擇吉日?

我同牛牛都唔迷信，我諗唔洗睇通勝or搵師父擇日掛！其實我心目中一早已經揀左一日．．．就係2010年10月27日．．．有咩特別？之唔係我同牛牛拍拖9週年囉！諗住group埋一日慶祝唔洗煩，又啱啱趕得切deadline！我都有睇過下日曆架，果日都係吉日，不過唔係大吉日同埋冇寫"宜嫁娶"囉，不過都冇寫"不宜嫁娶"喎！咁OK啦！

不過都要問問媽咪先！！

菲比終於嫁比牛牛喇~~~

我哋終於confirm咗結婚喇！！其實都係爭個名啫！不過當然都好期待and開心啦！！

事源2個月前嘅一日，我突然間醒起自己就嚟生日，亦就嚟到deadline！！咩deadline？咪係N年前睇相佬話我嫁得出嘅deadline囉！哈哈！！見deadline就嚟到，跟住當然係胡思亂想一番啦，又驚自己趕唔切，又驚唔知再要等幾耐！！雖然都係爭個名啫，而家都好似老夫老妻咁，不過有就梗係好過冇啦！所以我就提議去wedding expo，冇錯！係我提議！！

之後我哋就去左11月會展個wedding expo，仲無端端join咗個pre-wedding package，咁就confirm咗結婚喇！！成件事大概就係咁。

新嘗試^o^

呢排成日上網睇wedding嘅資料，見好多人都寫wedding blog，咁我又試下啦！不過我打字咁慢，都唔知可以堅持幾耐，可能寫兩篇就冇下文lu．．．

其實都唔知有冇人會睇到我個blog，不過可以記錄低結婚嘅心情and大小事件，第日睇番又好似幾好！