買好定租好?

結婚嘅嘢都plan得7788啦，而家最煩就係住嘅問題！其實呢個topic都諗左好耐，不過好似仲有時間就hea住黎諗！點知突然間room-mate J小姐被proposed之後，就決定同classmate chu離開人煙稠密嘅MK，要誇區搬去"太太屋苑"，咁就剩番我同牛牛兩個喇！我地即刻叮一聲地醒左，要諗定去向 --- 租or買

如果租，兩個人住3﹑4百呎都ok，可以揀舊樓都冇問題，最緊要方便and平！

如果買，梗係想平靚正啦！(發緊夢！)

但係睇真啲，租第二度，好細or好舊or好唔方便都要5千幾蚊租，好少少都要6千幾！eg.旺角﹑油麻地﹑大角咀．．．港島區呢啲價位直情唔洗諗！仲要比幾千蚊佣agent賺，又要比千幾蚊搬運公司．．．好似唔係好化算！如果我地兩個keep住租而家呢度，$7xxx有9百呎，唔洗搬唔洗煩，住多一年半載等樓價平番啲先買，又舒服啲又可以繼續招呼朋友都幾好！雖然兩個人住三房兩廳係有啲嘥，但係維番條數都係差唔多！所以我地決定focus睇買盤，啱價就買，唔啱就以不變應萬變！做多一排MK人先！

花球製成品 - 失敗之作

以下就係小妹第一次自我研發製成嘅wedding bouquet ~~ 愛之花球！！

不過好明顯係失敗作啦！哈哈．．．

睇來睇去都唔順眼，究竟點解？係咪啲花少得滯？好似好稀疏咁！仲有冇其他原因呢？

 唉．．．weekend都係要去探多次花園街伯伯先得！但係買咩花加落去好呢？多啲主花白玫瑰？定多啲深紫襯花？還是加啲淺紫襯花呢？呢次真係諗到出年都諗唔掂！！

好彩上次唔記得買絲帶，鐵絲果啲，呢個花球我係就咁用手揸住影張相就當整咗，咁就可以整完又拆、拆完又整！哈哈．．．咪當練習囉！

2010年婚紗展

唔好意思，借左blog友嘅useful information！

2010年的婚紗展， 差不多每個月都有

日期：2010年1月9至10日
展覽名稱：第三屆婚展會2010
地點：九龍灣國際展貿中心匯星及展貿廳2

日期：2010年2月19至21日
展覽名稱：第58屆情人節婚紗、婚宴及結婚服務博覽
地點：香港會議展覽中心

日期：2010年3月19至21日
展覽名稱：香港婚紗暨結婚博覽2010/香港婚宴博覽2010
地點：香港會議展覽中心

日期：2010年6月4至6日
展覽名稱：第59屆夏日婚紗、婚宴及結婚服務博覽
地點：香港會議展覽中心

日期：2010年7月16至18日
展覽名稱：香港婚紗、婚宴暨結婚賀禮博覽2010
地點：香港會議展覽中心

日期：2010年8月27至29日
展覽名稱：第60屆秋日婚紗、婚宴及結婚服務博覽
地點：香港會議展覽中心

日期：2010年11月5至7日
展覽名稱：香 港 婚 紗 及 婚 宴 博 覽 2010
地點：香港會議展覽中心

日期：2010年12月10至12日
展覽名稱：第61屆聖誕婚紗、婚宴及結婚服務博覽
地點：香港會議展覽中心

INFORMATION

香港婚慶博覽網：http://www.wedding.expo.com.hk/

香港會議展覽中心：http://www.hkcec.com.hk

九龍灣國際展貿中心：http://www.hitec.com.hk

咁就求左婚喇!!

牛牛竟然喺我估唔到嘅時間求婚！！我竟然估佢唔到．．．真失策！因為地點係 － 屋企！佢呢啲咁低調嘅人連求婚都要低調！就喺冇其他人嘅情況下，佢攞咗左一支紫色玫瑰花出黎(係膠嘅！)，仲有隻engagement ring，跟住就跪低，同埋用平常嘅低B語氣話︰「你嫁比我啦！」咁我唯有話好囉！哈哈！！一如我所料．．．唔浪漫﹑無驚喜！不過睇左支紫玫瑰份上．．．算！

都算佢叻啦！知我唔中意鮮花(幾日就謝，嘥錢！)，尤其係紅玫瑰！竟然搵到一支我都未見過嘅紫色玫瑰膠花，都好靚架！係我中意嘅深紫色，仲可以擺一世都唔會謝！啱晒我呢啲咩都唔捨得"dum"嘅人！佢話朵膠花係佢自己砌架喎！至於隻戒指．．．梗係中意啦！係我揀同設計架嘛！好多人都話求婚戒指要一卡，我唔要囉！咁大粒唔會日日帶，而家呢隻可以成日帶，貫徹我"貴買平用"嘅宗旨！！

個托有心心架！

實物係深紫色架，張相變左紫紅色！



永恆嘅鑽石+唔會謝嘅膠花＝我嘅求婚禮物

唔識扮識之花球DIY

搵黎搵去都搵唔到我嘅dream bouquet，所以我決定自己動起來DIY！！襯尋日見完客可以早走，就走左去搵傳說中嘅『花園街阿伯』買絲花！揀左大半個鐘，阿伯掛住自己喺度睇報紙都冇咩點理我，揀揀吓佢連人都唔見埋！我亦都掛住自己喺度揀花冇理佢，因為實在太難揀喇！我又唔知咩花打咩花，識嘅花一隻手都數得晒！！淨係知道想買紫色加白色花，但係淨係紫色加白色又好似好dry，襯黎襯去都好似掙咁啲嘢咁，但係又唔係掙啲咩，又唔想要粉紅色，真係頭都大埋！最後都揀左一束白玫瑰，一束深紫色中間有啲黃色唔知咩花，同埋兩支黃色小花。

之後終於同阿伯有交流喇，就係埋單！盛惠$82， 阿伯主動話收我齊頭$80！梗係啦，我揀花時有個女人買左$32，夾梗塞左$30比阿伯話：「$30得喇」，阿伯就好無奈咁收左$30！咁即係平左7%比果個 "夾梗黎女人"，但只係平左3%比我！

返到屋企我就諗，點解我淨係買絲花！咁工具、絲帶果啲呢？答案係未買，因為根本無諗過要買！唉．．．又要走多轉！

唔知整出黎靚唔靚呢？

鬱金香花球

突然間發現．．．原來我中意鬱金香喎！

紫色鬱金香代表「永恆的愛」

呢張係blog友嘅相，個花球好紫好靚呀！不過我搵唔到呢隻紫鬱金香呀！！

呢個襯紅玫瑰就唔係我杯茶！

呢個紫鬱金香靚，不過我唔like個型，都係圓啲靚啲！

呢個型就好靚，不過係pink鬱金香，問緊seller有冇紫鬱金香，希望有啦！

鬱金香之外嘅選擇......

呢個幾特別，不過唔似花球，似插花藝術果啲！

以下兩個都幾靚，不過又唔係靚到叮一聲果啲

呢個白蕙蘭+桔梗好少有絲花，幾特別，不過襯花一般！

等......都唔知等到幾時

今日收到個好開心好開心嘅消息！ J小姐嘅男朋友決定向佢求婚喇！仲邀請左我地豬、牛、龍伉儷再加兩pair新成員一行十人一齊進行聖誕求婚大計！雖然唔係驚天動地果d，不過都有花心思安排好晒！應該都好sweet架!!

不過一諗到阿牛生仲係踢都唔郁就火都黎埋！！有幾難啫！我都好易滿足好低要求架啦！！(係被迫降低要求！) 都叫佢陪下我煲下台劇架啦！淨係追柴九宮心計有鬼用咩！！

唉．．．可能佢真係呢一世都諗唔到．．．咁我就呢一世都等唔到喇．．．．．．

你確定你的愛情股東是我嗎?

一開始,我覺得我一定不會愛你,跟你交往也只是交往而已,雖然我知道你是那麼愛我.可我隨時都會離去,不會放下感情.

但漸漸的,我變得什麼都放下去了......

那時我對自己說,那種感覺,只是習慣而已,不是愛;如果放下感情,我就沒有籌碼,一旦你去離,我將是徹底的傻瓜.

問自己,這輩子能再遇到這樣一個愛我的人機率有多少?  微乎其微.

那麼不愛你,要愛誰?愛一個不愛我的人嗎?還是都不要愛?

更何況,早不知在何時,我就已經很愛很愛你了,即使那時我還不相信自己心底真正的聲音......但一伸出手,你就在那裡.

兩個人能用愛經營一輩子,是可遇不可求的機會.

你確定你的愛情股東是我嗎?

請回答"是",而且不只是說說而已,這樣我才有勇氣跟你一起相信愛情.

錯晒嘅求婚戒指!!

等左兩個禮拜終於都有得攞喇！雖然同我心目中果隻唔一樣，不過佢都做到我形容嘅款同要求啦！但係．．．整錯size．．．係我錯．．．超低能！！原來我比左無明指嘅size佢！點解唔係中指呢？可能我都冇當"佢"係engagement ring啦！唉．．．改大兩個圈又要再等！算啦．．．戴一排厭左先攞番去鑲過啦！到時又可以轉size又可以轉款！！

不過，到左夜晚．．．隻戒指唔見左．．．．．．

聽日攞戒指喇~~

好緊張呀！聽日去攞戒指！本來上星期有得攞喇，點知老板娘去左旅行，所以要今個禮拜先攞，真係等到頸都長埋！！

唔知係咪我心目中咁樣呢？搵左好耐，終於比我搵到我想要嘅款張相！唉．．．如果早啲搵到就帶埋張相去就唔洗咁擔心啦！我唔理喇．．．如果聽日果隻真係唔係我想要嘅款，就即刻比張相佢再整過！最多比多少少手工錢，都唔爭在一千幾百啦，最緊要自己中意！可能呢一世就係得呢一隻鑽石戒指架喇！

我係想整中間果隻，個托度有個心架！

仲未揀到花球!!

原來要搵個靚嘅紫色花球係好難架！啲人多數用紅色or粉紅，但係我真係好想有個紫色花球影pre-wedding呀！！

如果呢個多啲深紫色花就好喇！

蕙蘭好似少見啲特別啲，不過係粉紅色！

呢個好似fancy咗啲！

呢個好似有啲亂．．．

呢個似藍色多啲？

seller話呢個繡球花已沒有，要換顏色，不過我都唔知邊一忽係繡球花！！

鬱金香都幾好，不過又係pink！！

下面兩款係一樣，不過一個拖尾一個圓形，但係綠色襯花多咗啲！

紅白漸變鬱金香加紫色襯花，呢個係心水，暫時最中意！不過seller好busy冇reply我，可能整唔切！！

呢個係一個blog友自己整黎影pre-wedding photo，呢張相好暗睇唔清楚，睇下遲啲佢有冇post相出黎先！

呢兩個都係白色主花，好似唔夠紫！

唉．．．仲未搵到一個係一見鍾情嘅．．．點算？？

2010年10月27日 我哋結婚喇！！

2010年10月27日就係我同牛牛嘅大日子喇！都算係吉日吖，唔迷信嘅我哋．．．ｏｋ啦！

結婚習俗/安排

有咁簡單得咁簡單！！

	一般安排	牛比安排
過大禮	禮金和利是	禮金和利是
嫁妝	龍鳳鐲, 金器, 鑽石飾品	唔知
上頭	由已婚(幸福)人士上頭, 食湯丸	唔知,未傾
回門	利是+乳豬	唔知,未傾
接新娘	開門利+遊戲	無
過門(回男家)	拜天地, 拜祖先, 敬茶	無
出門	撐傘, 撒米	無
註冊	教堂/自己請律師	婚姻登記處
婚宴	酒樓/酒店,最少一年前book定	親戚食飯,未安排
婚宴佈置	氣球+花花+華麗backdrop	無
新娘裝束	婚紗,晚裝及旗袍約5套	casual wear
伴娘	1個	無
姊姊	6-8個	無
伴娘/姊妹裙	做或買	無
喜帖	加婚紗相或中西式合併	無
攝影	攝影師連助手跟足一日	自己snapshot
Video	跟足一日	無
晚宴遊戲	mc 或姐妹安排	無
長輩敬茶	屋企出門或晚宴時候做	@酒樓

會唔會太簡單？？

改期??

今日返屋企食飯，媽咪攞個2010年年曆同埋蘇民峰2010唔知咩出嚟，好似有啲擔心咁話：「10月27唔係好日喎！睇吓呢兩本都係咁講！」佢好似好想我哋揀過第二日咁！但係全年都冇一日對我哋有特別意義or紀念價值，我哋又唔想是但揀一日好日！媽咪提議咗幾日我都話唔好，佢就問我：「點解揀呢日？有咩特別？」我咪話係拍拖9週年囉！咁媽咪就話：「好啦！你哋中意啦！」 yeah！！

其實我都有諗過改6月17日，係好日宜嫁娶，因為我同牛牛都係17號生日，我哋不嬲都覺得17係lucky number，不過牛牛話太趕同埋唔夠10月27咁有意義！！

最後我哋都係決定不變！堅持2010年10月27日

Engagement Ring

兩日後我真係忍唔住射波去睇多次！哈哈！！仲有媽咪同牛牛陪我一齊癲！！

今次佢拆咗74份果粒出嚟，洗乾淨咗又好似閃啲！雖然係VS2，不過大姨話乾淨過83份果粒！另外多咗粒73份，D colour，VS1，不過加咗價，要$31000！咁咪好唔抵！？平3千蚊但係少咗成10份！

而家即係有3個choice：

83份 D colour VS1--- $34000

74份 E colour VS2 --- $25000

73份 D colour VS1--- $31000

媽咪同大姨話靚嘅鑽石都保值(我唔知係咪！)，又話好嘢買一隻就夠，實唔會帶帶吓唔中意唔會後悔，第日又可以比個女做嫁妝(咁生仔點算？？)

最後我哋決定．．．唔講住！一星期後有得攞！！

仲有個托係之前喺PN見到嘅款，不過搵唔到相帶去，唯有用我高超嘅表達能力形容出嚟叫佢整，都唔知整出嚟咩樣！擔心．．．．．．

馬爾代夫之外嘅選擇

雖然牛牛堅持去Maldives，不過我都靜靜雞諗定其他choice以防萬一！

希臘 - 浪漫嘅愛琴海,藍白小屋，不過驚悶！

澳洲 - 大堡礁、黃金海岸，又係我哋中意嘅陽光與海灘

南非 - 睇野生動物，想去好耐，不過好似唔襯honeymoon，唔浪漫！

蘇梅 - 講咗幾年都未去，不過隨時都去得，honeymoon好似唔夠特別

峇里 - 又係講咗幾年都未去，因為成日有炸彈，有啲驚囉！

長灘島 - 又係長灘島，真係百去不厭！不過honeymoon又想去啲未去過嘅地方！

關島 - 又係陽光與海灘，咁不如去馬爾代夫？

諗嚟諗去好似都係Maldives好啲！！

決定左邊度註冊喇!

媽咪問我去邊度註冊，其實我哋都諗住慳啲，去政府婚姻登記處攪掂！唔洗比幾千蚊book場，幾千蚊請律師！反正都係weekday又唔擺酒，無謂嘥多筆錢，留番honeymoon好過！我哋諗住大會堂，咁媽咪就話不如紅棉路啦，最傳統！都好，橫掂我哋"擺酒"果晚諗住casual wear屋企人食飯攪掂---咁新潮！咁註冊就傳統啲啦！！ 不過政府果啲要Bday前三個月先可以登記，應該唔會登記唔到掛！又唔係大吉日又唔係假期！