台灣婚紗相之旅～食住玩篇三

台北戀館夜晚好靚呀！



我book嘅係“車庫房”，6pm後先可以上房，入酒店房要經過停車場，夜晚都幾恐怖！右上角就係停車位，可以換埋鞋先入房



車房關咗閘就係咁靚喇！全部都有唔同公仔！



我住嘅係“海底奇緣”，一入房就係吧枱



仲有免費飲品小食杯麵，我哋唔知，仲自己買咗杯麵，最後梗係帶埋番香港啦！唔好嘥！！



房燈有得轉唔同效果

浴室係冇門嘅！



廁所都係冇門嘅！個坐廁係暖架，好似怪怪哋！仲有得洗pat pat，我冇試呀，牛牛話好唔自在！



好中意個洗手盆

呢個就係幻彩雙人按摩浴缸，會變色架！

雨淋花灑都係冇門嘅！



貝殼椅好靚！



最後一日喇，臨走前梗係要食留個正宗麻辣火鍋啦～“天外天”．．．我哋食大辣都唔係好辣，不過都好好味！勁多款任食，重點係Haagen-Dazs有12款．．．噢！趕住去機場，只係食咗4款．．．嘥晒！！

機場見到呢個衣車，我細個屋企都有呀，好懷舊！！



我諗我唔會再去台北喇，如果真係要去台灣，我會去墾丁啦！

台灣婚紗相之旅～食住玩篇二

住唔到Wego都要影番張相留念先！如果再有機會去台北一定要全“異想樂園”主題房！！

不過我住嘅台北戀館都唔差，外觀都好靚架！！

台北戀館對面嘅莎多堡好似都幾出名！

台北戀館lobby

呢個好似空中花園嘅地方其實係．．．．．．LIFT



check in完去西門町行街，朋友仔介紹去美華泰買化妝品，開架品牌85折呀，不過MJ除外．．．激死！



買手信比爸爸



蜂大咖啡超正！估唔到係個cheese cake都係超正！！門口唔似coffee shop，入到去原來有兩層！



high完tea就去行街街，都不外乎誠品﹑屈臣氏嗰啲啦，行完街就去“上閤屋”食buffet，喺市政府站嗰邊，好多人推介！話晒牛牛生日諗住食好啲，點知．．．垃圾！buffet 5點開始，我哋5點3去到，竟然好多熱盤係凍嘅！生蠔手掌咁大不過冇味！煲仔魚翅 / 蚧腳咸到食唔到！勁失望！牛牛話去番食夜市好過！！

走嘅時候見到有個叔叔帶住六隻金毛加一隻黑白唔知咩狗，有個牌話叫人收養，啲狗狗勁乖，六隻金毛一齊扮瞓覺！好得意！



夜景都幾靚，呢座唔知係咩呢？



搭捷運番酒店，捷運站都望到美麗華，幾靚吖！

想睇酒店房？又睇下篇啦～～

台灣婚紗相之旅～食住玩篇一

影完相番嚟十幾日喇，都冇咩意欲post影相以外嘅行程，可能台灣真係同我唔夾！不過都叫做住咗晚靚Motel﹑食咗餐貴夾唔飽嘅buffet，又即管同大家share吓啦！

呢間就係友春喇，五百幾蚊一晚有按摩浴缸，企企理理都ok啦！

第一次搭捷運，梗係買張優悠咭啦，即係台灣八達通，搭捷運平啲架，7仔都可以用！



第一日晚餐士林夜市攪掂！豪大大雞扒係牛牛最愛！



苦瓜汁．．．正！牛牛唔like，真係唔識貨！



大腸包小腸都ok，不過我最愛係入面條腸！



左邊係“十全排骨”，人哋話好似肉骨茶，我覺得搵笨，又貴又唔好食！！右邊係麻辣豆腐，又係搵笨，一啲都唔辣！



大餅包小餅，有咸有甜好多種味，我哋揀咗黑芝麻，怪怪哋，應該咸味會好食啲！



第二日早餐～～肥前屋鰻魚飯，冇錯．．．係食早飯！11:30am開門，我哋11:15am去到已經坐滿人仲要排隊，好誇張！！不過唔係等好耐！



鋪頭入面寫日文架，好似好正宗咁！當睇唔到我個黑眼圈啦唔該！！



叫咗個大鰻魚飯share超好味！！！



燒鰻肝，牛牛唔敢食，我自己食晒，唔知會唔會膽固醇過高呢？？



好多人推介蛋卷，我覺得“漁一丁”好食啲，哈哈！！



之後去咗附近買鳳梨穌，好似話好多日本人中意買呢間“李製餅家”，平過“維格”一倍仲好食一倍！Good！！



之後搭捷運轉shuttle去美麗華，不過等好耐，都係直接搭捷運去劍南路站好啲！



想睇靚酒店就睇下篇啦～～