喪淘保暖物品

最近天氣都好凍，當然要做足準備啦！又有藉口淘寶！Yeah！

兔仔暖水袋好可愛吖！攬住佢上網唔怕冷親！rmb$36

紫色班馬紋毛毛拖鞋，搵咗好耐得一間有得賣咋！rmb$15 超抵！

仲買咗其他款送比朋友，對對都好靚呀！其他款係rmb$18.8

珊瑚絨睡袍，又係紫色，長到小腿，正！rmb$58

紫色心心珊瑚絨床單四件套裝，有兩個枕頭袋﹑床單﹑被套，洗衣機洗完都唔甩毛，軟綿綿好舒服，朝早唔願起身添！rmb$153

上年已經淘咗對A貨UGG雪地靴，呢對毛毛靴出面都有毛，仲要勁平，忍唔住又入手！rmb$26

仲有呢對4吋半高嘅毛毛靴，好彩趕得切朋友仔結婚前收貨，聖誕嗰日得10度咋！！前面有platform都幾好著！rmb$108

呢個三用毛毛袋買咗好耐先買到，因為開頭怕甩毛，考慮咗幾日，點知斷貨了！等咗兩個星期先有貨，終於都買到了，銅鑼灣賣緊$5xx,太過份了！rmb$86 包郵

下個月係農曆新年，淘寶賣家開始收爐喇，我都要小休一排，留返啲錢錢派利是嘛！！！

我終於有聖誕樹喇～～～

又踏入十二月喇，第2年喺迷你田園屋過聖誕，當然又要佈置吓啦！家姐一早認頭話送聖誕樹比我，我當然唔客氣啦！一心諗住要棵白色聖誕樹，襯返間屋嘛！多謝blog友仔Kathy提醒，去淘寶淘一淘，又搵到好嘢喎！原本想要嘅白色聖誕樹連埋裝飾rmb$55，好抵！點知睇吓睇吓．．．光纖聖誕樹好似靓啲喎．．．．．．登登登登～～～白色光纖蝴蝶聖誕樹，真係愛到不得了！多謝家姐！

紅色波波係自己加上去的！

雖然貴咗少少，rmb$135，計埋運費約HK$200，但真係好中意哩！！
http://item.taobao.com/item.htm?id=13212743709

仲有12隻會變色嘅蝴蝶哩!

另外仲買咗隻聖誕小鹿，好迫真架！！中size rmb$15
http://item.taobao.com/item.htm?id=13092542141

其他裝飾reuse上年嘅，環保and慳錢嘛！！佈置方法同上年唔同，咁就新嘅一樣啦！我係知慳識儉嘅牛太！呵呵～～～
不過3尺好似真係迷你咗啲！早知買4尺啦！！用多兩年先換棵大嘅，唔好嘥嘛！

聖誕節仲有一個大project，就係好友結婚哩！！北角海逸君綽酒店lunch buffet．．．好靚架！好期待哩！！相信佢哋一定都會好似我同牛牛一樣咁幸福快樂！！

結婚禮物～我的蛋糕店

一年前朋友仔送咗盒蛋糕店模型比我做結婚禮物，佢話兩公婆一齊砌好sweet，同埋個蛋糕店好襯我間屋！但係我一直都的唔起心肝砌，直至呢幾日好無聊攞返出嚟，一砌就砌咗三日，用咗12小時終於完成了！不過一啲都唔sweet囉，因為係我自己一個砌，牛牛只顧打機！只係最後幫我駁電線囉！

呢單工程大到要霸晒梳化﹑茶几同摺枱！而牛牛．．．打機進行中．．．．．．

好混亂．．．．．．

不停剪剪貼貼．．．．．．


登登登登．．．．．．我的蛋糕店完成！


真嘅一樣哩！！


開咗燈好靚呀！


放咗喺電視櫃都幾大箱喎！

結婚一週年禮物～DIY photobook

幾個月前團購咗本photobook，見好多blog友仔一早整好仲拎埋製成品添！懶惰的我上個月才開始動工．．．其實係諗咗好耐整咩主題呀！pre-wedding？big day？honeymoon？最後決定整一本“10年回憶”！！下個月就係我哋結婚1週年 + 拍拖10週年嘛，就整本Our 10 years sweet memories送比牛牛啦！

葡萄園嘅software都幾user friendly，電腦白痴的我都識用，不過冇咩藝術天份就要用多啲時間喇，好似我咁攪咗成個月都好似唔係好滿意，如果整pre-wedding﹑honeymoon應該容易啲，但我整10年回憶嘛，勁多相，又新又舊咩都有，好難炒埋一碟囉！！

排版暫時定咗，本相簿包26頁（連底面），但我整咗30頁，多咗每頁加$11，最遲下星期就要confirm喇，因為印相簿大約要10個工作天，預鬆啲好！

右邊封面用咗Maldives honeymoon相做background，左邊封底就用咗我哋最中意嘅長灘島日落

左右係當兩頁架，第一頁唔可以放相，因為葡萄園會加自己logo！一齊慶祝生日梗係唔止咁少啦，不過頁數有限呀！

拍拖初期．．．同而家差不多樣啫！

拍拖中期．．．都係咁sweet！不過牛牛淨係識得“申脷”扮可愛！冇新意．．．

甜蜜之旅開始喇～～～

最中意長灘島呢兩頁，相又靚排版又靚，呵呵！！

WMLaw輯free pre-wedding冇做相簿，所以整咗4頁留念！

Big day梗係唔少得啦！

最後一頁又係唔可以放相！葡萄園會加自己logo！

咁就30頁喇，真係唔多覺！！一睇就知我貪心啦，頁頁都排到full晒！不過honeymoon嘅相冇放入去，因為想整一本honeymoon特輯，放晒post-wedding喪跳30次啲相入去！唔知幾時再有團購優惠呢！？

最可惜係舊嘅hard dise壞咗，有好多好多舊相喺晒入面拎唔返出嚟，06年之前嘅相大部份都冇晒！如果唔係真係40頁都唔夠呀！希望朋友仔可以打救我個壞鬼hard dise啦！！