，生咗B之後就唔可以好似以前咁一年去兩次旅行喇，可能頭幾年都唔可以去添．．．．．．
咁多年嚟同牛牛去過13次旅行，其中9次都係陽光與海灘的，因為我哋都中意游水曬太陽嘛
！「結婚一週年旅行」當然唔例外啦，但礙於budget問題，我哋只可以選擇東南亞地區，未去過而又想去嘅地方有泰國喀比﹑菲律賓保和島﹑馬來西亞樂浪島，點知上個月睇到報紙廣告～馬爾代夫直航幸福島乜馬爾代夫有直航架咩？？幸福島喺邊度呢？？
原來呢個package係一間叫信成假期嘅旅行社出嘅，搭美佳航空直航，每6日一班，機程6.5小時，轉20mins船，即日就到達幸福島Herathera Island Resort
幸福島位於赤道上，所以比較多魚，有兩個自助餐廳，上個月package價錢係$8888，今個月變咗$8988喇！不過已包燃料附加費，仲包埋11餐自助餐，雖然唔係水上屋，係住beach villa，不過呢個價錢可以去Maldives真係好抵哩！最好就係直航唔洗搭通宵機咁攰咁嘥時間！唔知到10月仲有冇優惠呢！？
