結婚一週年旅行．．．I Love Saipan塞班島

繼上次直航馬爾代夫幸福島之後，又一新選擇，係朋友仔報料關島航空直航塞班島！！
星級假期Smart Holiday有個package好抵，5日4夜直航塞班島只係$2899，機程約4.5hrs，不過package只包每日早餐同一日韓式BBQ自助午餐，可以自費浪漫沙灘晚餐us$60，都唔算貴吖（比起Maldives），住Fiesta Resort & Spa Saipan，都幾靚架！持特區護照及BNO仲免簽證，話晒都衝出亞洲嘛！塞班島好近關島架，當初plan結婚都有諗過去關島旅行結婚影埋婚紗相一take過，當然因為種種原因唔成事啦！塞班島好似少人去啲，娜姐都係喺塞班島拍寫真架！

http://www.smartholiday.hk/detail/9GA05U.pdf

位處於呂宋島以東的塞班島，是連《Beach Boy》和各大日本寫真女郎也擁愛的陽光天堂；塞班島和相連的天寧島和羅塔島同屬北瑪利亞納群島聯邦，由於只屬美國聯邦，遊客可省郤繁複的美國簽證，想飛就飛。

塞班島四季如夏並沒有明顯的四季，全年平均溫度在28-30度，有雨、乾季之分。7月－10月為雨季，亦是颱風季節，11月－6月為乾季。都係嗰句啦．．．唔知到10月仲有冇優惠呢！？

壽星仔免費海洋公園狂風雷暴之旅．．．．．．

壽星仔免費海洋公園狂風雷暴之旅．．．．．．呢個title真係勁呀，直頭悲喜交雜啦！
星期日同牛牛去咗海洋公園，因為壽星仔免費呀！仲會送幾張coupon，食嘢8折，買紀念品85折，抵！一早天文台已經話會落雨，我哋梗係唔理，照去可也啦！朝早陰陰天唔曬唔熱又冇落雨都幾好架！因為冇陽光，我哋勁影lomo效果．．．．．．

因為天氣唔好唔係好多人，玩機動遊戲都唔洗點排隊，真係好呀！玩晒機動遊戲就去食嘢喇，以前去海洋公園例牌食麥記，最平嘛！今次竟然坐喺餐廳食，仲叫啤酒飲添，有8折優惠唔好嘥嘛！不過都要$30杯！

食完嘢3點幾惡夢開始喇，行雷閃電，傾盆大雨，我哋企嘅廁所門口被雨．．．．．．

之後雨細咗就去睇水母館，雖然唔係第一次去，仍然覺得好靚，喪影相！

落山時仍然毛毛雨，窗都濕晒！

牛牛頭髮tee恤都濕晒，我好彩有件風褸遮住個頭咋！

又去探我嘅朋友～熊貓！大家覺得佢“下面”似咩呢？一隻熊貓兩個樣～～哈哈～～

最後一站係買紀念品，有電視框嘛！睇吓牛牛幾低B！

我梗係揀隻可愛架啦．．．不過冇買！

好想帶呢隻肥嘟嘟企鵝返屋企呀，不過冇床位喇．．．

my friends～～～

panda ice-cream

我哋幾似樣！



最後只係買咗件鯊魚tee比牛牛

水母cap帽係我嘅，紫色呀！

可能又要幾年後先會再去Ocean Park喇，希望到我生日牛牛會帶我去迪迪尼啦！

牛牛生日食食食之旅

第一年同老公過生日，冇得去旅行，只係喺香港周圍食好嘢，星期五放工就約埋班朋友仔一行十人去試間新開嘅日式放題，真係唔怕幅射唔怕屎，哈哈！間放題喺佐敦叫「津野」，$180一位免加一，都ok啦！

我最中意食刺身﹑羊架﹑炸蠔

食飽飽就返屋企切蛋糕，終於都試咗傳說中好好味嘅Awfully Chocolate，呢個係All Chocolate，真係幾好味！

星期六一瞓醒就過海搵好嘢食，勝香園嘅檸蜜脆脆同蕃茄蛋牛麵想食咗好耐，我哋排咗差不多半個鐘，覺得為檸蜜脆脆排半個鐘係值嘅，不過蕃茄蛋牛麵就有啲失望，蕃茄太酸，我中意食尖沙咀星座冰室多啲！

夜晚同牛牛屋企人食大排檔，冇咩特別！最期待當然係飯後個birthday cake啦，呢個係太子餅店出品嘅黑森林，平靚正！

不過都係上次牛牛家姐生日嗰個dark chocolate好味啲（都係太子餅店），係勁好味！

星期日去咗海洋公園，壽星仔免費呀！仲有餐廳8折，紀念品85折，抵！下一篇再同大家分享！
星期一同牛牛一齊請咗假，其實冇咩做，只係hea吓食吓嘢，去咗中環豚王拉麵，兩點幾過咗lunch hour唔係好多人，等咗十五分鐘就有位喇！

一人一張紙自己剔，我哋第一次食所以樣樣都剔普通，諗住穩陣啲嘛！

普通湯底都好濃味﹑好杰﹑好鹹同埋湯面好油，冇傳聞中咁好食！食完之後飲咗兩杯水再出去買嘢飲！下次都係食番橫綱拉麵！

竟然飲唔晒啲湯！

夜晚又去咗西環盛貿飯店Cafe 508食buffet，今次準時六點半到，終於都食到麵包蟹蓋，勁多膏！

今次食咗拉麵打底，所以只係主攻生蠔﹑蟹腳

甜品幾飽都要食！！

又係門口合照．．．．．．

咁就完結咗三日四夜喪食之旅喇！