！當然我都會努力搵工啦，唔可以要牛牛咁辛苦養埋我嘛！（雖然我好想！
）放長假最大娛樂就係返娘家跟媽咪學煮餸，其實我都好有興趣玩煮飯仔架，不過平時兩個人食得唔多又要買又要洗洗切切好麻煩！通常weekday都有3-4日返娘家or牛家食飯，weekend就出街食or朋友gathering，所以而家屋企住咗10個月都係連電飯煲都無，正宗“無飯夫婦”！（其實係我唔嗅米氣啫！
）不過趁有機會就跟媽咪學藝啦，第時生咗B可能會多啲自己煮飯嘛！
我最拿手嘅土魷蒸肉餅﹑番茄炒蛋﹑節瓜粉絲﹑烚菜，仲有豉汁蒸鱔，半條鱔都要百幾蚊，好貴哩！而藥膳雞腳係媽咪整嘅，我仲未升呢未學呀！！
另外仲有炒飯同冬瓜湯架！
另一晚係簡單嘅烚菜﹑蒸魚﹑涼瓜炒蛋，仲有栗子炆雞同豉椒炒聖子係新學的！好味！
次次都要返娘家先可以過吓煮飯癮，因為我哋個open kitchen不能煎不能炒不能炸！成叫牛牛買個穫，（一間屋連穫都冇問你死未！）佢次次都唔答我，可能驚我真係煮上癮，因為佢係負責洗嗰個！！
上星期同牛牛去咗西貢拍拖，只係行吓high吓 tea就走，但見到好多海鮮好想食，過幾日即刻自己喺屋企整海鮮餐！全部都係蒸蒸烚烚所以冇問題！白灼蝦﹑蒸聖子﹑貴妃蚌﹑最勁係自制辣酒煮花螺花甲
！其實都係靠估，不過又幾好味喎！點解海鮮餐會有碗肥牛喺中間？因為牛牛無肉不歡，仲要煮多個烏冬比佢先夠飽，真係激死！
