Sita入面有一隻貓三隻狗，成日中意跟住人，好得意架！之後仲陪我哋食早餐曬太陽添！
樹上掛咗好多唔同款嘅公仔
有間手信店，不過無入過去！
門口對正Pattaya Beach
Pattaya Beach啲沙好滑好似麵粉咁，我仲帶咗啲返香港添！
Sita附近嘅resort
唔洗10分鐘就行到walking street，即係島上最熱鬧嘅地方，有餐廳、酒吧、士多、massage shop、dive shop、洗衣店、賣衫泳衣手信嘅鋪頭，下午三四點好靜好少人，我哋求其入咗間餐廳食嘢。
一班當地人一齊睇緊拳賽
明明想叫乾炒金邊粉，唔知點解變咗濕炒河粉！
好彩味道唔差
咖哩炒飯都幾好
食飽就諗住去Sunset Beach 間Mountain Resort 飲杯嘢睇吓風景，上網啲人話經walking street大約行半個鐘就到，無敵大海景好正的！我哋唔識路，沿途又無咩人可以問，行吓行吓見到呢間resort，咁熟口面嘅？咪係Anda Resort？？唔係喺Sunrise Beach架咩？？？原來我哋行錯路，應該向北行，我哋行咗去東面。。。算啦唯有沿住沙灘繼續行，都係兜咗個大圈啫！
仲去埋Idyllic Concept Resort，原本係想住呢間，不過比人包起成間resort一個星期攪wedding，攪到我要再搵酒店，好彩Sita都唔差！
idyllic好似無上網睇相咁靚
Sunrise Beach有間學校，啲小朋友踢波，家長坐晒外面播泰文歌，仲要炸機咁大聲，真係O晒咀！
Sunrise Beach仲靜過Pattaya Beach，真係人影都唔多隻
今日唔係好好天，好厚雲
呢一段路都幾靚，但其中有段路好dirty，好多木頭木碎，又有當地人喺沙灘上造船，好嗅！我覺得Pattaya Beach比較好啲！
棵樹幾靚吖
啲沙無Pattaya Beach咁白咁滑
呢間resort好似無人住架！！
行咗成個鐘，終於到Sunset Beach喇！
呢度就係Mountain Resort，全部房都係sea view！但係我唔會住呢度，因為唔方便同埋廁所好似公廁！！
呢條路行上resort 間餐廳，我有猶疑過上唔上去，因為。。。我真係好怕行樓梯！！！
行到呢度我再問牛牛係唔係真係行上去？？
繼續上。。。
上到餐廳喇！！
無敵大海景真係幾無敵，可惜天氣麻麻，如果唔係就真係perfect 啦！
我哋喺餐廳影完相就走，無幫襯啲職員都無理我哋，因為5點幾驚天黑唔識路返去呀！
回程我哋決定行第二條路，其實都係靠估！竟然比我哋行到去Mountain Resort正門，呢條長命斜好彩係落山，如果要行上去都幾大穫！
行咗大約15分鐘就到walking street 喇！Yeah！！咁就行咗個幾鐘，行沙灘真係特別累！跟住去埋dive shop book 聽日嘅snorkeling tour，hea多陣又食晚飯喇！
燒魚好好味！
冬陰公一般啦，無咩特別
終於係乾炒喇！不過都係河粉，究竟金邊粉泰文係咩呢？？
晚飯時間都係得幾枱客，全部都係西人
食飽又買綠茶零食返resort，有free wifi，玩一陣就瞓lu，聽日出海浮潛，yeah～～
