DIY結婚相簿

好多人都想出去整相簿，因為平好多，唔洗比攝影公司賺咁多！不過都唔見有人share邊度整﹑整得好唔好，以下幾間係小妹search到嘅online公司，不過未試過唔知好唔好呀！（因為根本未影相！！）比大家參考吓啦，最好有人整完可以share吓靚唔靚吖！！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

有詳細steps教你點整，有sample睇，自己排版，最平$280～免費送貨

http://www.photobookasia.com/products.htm

相薄印製Photobook Printing ～8"x8" 20pages 基本排版，最平$180

http://hk.88db.com/Wedding/Gift-Gift-in-return/ad-1307271/

台北公司～A4 size厚皮,約2000元台幣(連運費)

http://customer.ingtouch.com/flash-index.php?product_class=6&mode=&T_MID=&page=7

可整水晶簿面，不過好似貴啲

http://hk.myblog.yahoo.com/honhon-b/article?mid=310

My dream wedding bouquet

早兩日confirm咗花球喇，係上網訂嘅絲花球，最後都冇用到鬱金香，用咗白玫瑰﹑紫色繡球花﹑紫色風信子﹑紫色桔梗＋漸變小牡丹，新郎襟花本身係紫桔梗﹑薰衣草＋漸變色小牡丹，不過牛牛唔中意紫桔梗做主花，所以request改用白玫瑰﹑薰衣草＋漸變色小牡丹，仲有絲帶改銀色，而家等confirm埋襟花就ｏｋ晒喇！

未改前嘅襟花

http://hk.myblog.yahoo.com/Only-Love

有興趣可以睇睇，Only Love啲花球都幾靚架！

真係做咗業主??

尋晚去咗簽約喇！迷底終於解開！原來根本唔係罰息問題，係個業主低能仔喺第二間地產放獨家盤到2月28，所以3月1日之前都唔可以經其他地產公司簽約賣樓，如果唔係就要比兩邊佣！其實我哋都係咩都唔識，所以就打咗去幾間bank問罰息期嘅問題，幾間都話可以照簽約，只要3月1日之後交吉就ok，再同番個agent講先揭發真正原因！！所以凡事都要主動問清楚哩！

而家我哋就照簽臨時買賣合約﹑比埋細訂先，到3月1日先改番臨時買賣合約個date，其他比大訂﹑收樓時間就postpone到4月尾，咁呢段時間我哋就唔可以問mortgage住，因為張合約比agent keep住唔可以公開，而業主到時撻訂唔賣都要照賠比我哋，咁對雙方都有保障！

當然呆等個半月對我哋都好唔方便啦！又要比多兩個月租，過年前好多傢俬電器減價我哋都買唔到！個業主仲話想短租比人兩﹑三個月，如果到時租咗比啲麻煩友賴死唔走，或者住到間屋殘晒咁弊！都驚驚哋喎!!不過agent又再減多二千蚊佣比我哋，即係差唔多計５折佣，咁都開心番啲！！希望個業主租唔出，唔會再有其他問題，可以順利收樓啦！！

有緣無份．．．做業主無我份．．．

好嬲呀！！個死人業主都唔知係咪有心玩嘢唔想賣！

早兩日同埋媽咪﹑牛爸等一行7人去麗晶睇多次 last confirm，大家都覺得冇咩問題，最緊要裝番啲窗花就ok，就算業主企硬唔減價我哋都照confirm買，不過佢唔肯出嚟一齊簽約，要我哋簽咗臨時買賣合約﹑開埋支票fax比佢，佢睇過OK先簽，真係幾大支嘢都有！我哋都照做，點知第二日agent話個業主08年買層樓到而家未過罰息期唔賣得住，要3月1日之後先可以簽臨時買賣合約，4月中比大訂，4月尾交吉，即係咩都要postpone個半月！咁我哋而家租緊果度又要比多兩個月租，即係被迫比多萬五蚊！

根本個業主冇可能唔知自己未過罰息期囉，但係又唔一早講，淨係識得諸多要求，到而家我哋confirm晒先講，擺明夾我哋就佢啦！叫佢減番一萬蚊樓價都唔肯，仲要話自己唔急住賣，睇好樓市會再升！咁你就唔好咁ｘ街一早放盤出嚟又唔通知人要postpone成交期啦！咁巴閉咪等到升到二百萬先賣囉，都低低哋嘅！！

其實我check過佢係08年2月27日買，如果罰息期係兩年，即係過咗10年2月26日就可以轉手，咁可唔可以而家簽咗臨時買賣合約先，我就可以問定mortgage，返正都要6個星期先approve，跟住3月頭比埋大訂，3月中交吉，咁得唔得？

我哋再問番之前睇過16X 嘅盤，全部都17X 賣咗喇，睇嚟我哋同麗晶都係有緣無份．．．．．．

又係又係麗晶!!

今日又去睇多次，好彩agent勁nice又唔嫌我哋煩！其實我哋都預咗冇得平，不過差幾萬都唔係咁大問題，所以都係睇多次係咪真係中意先！第三次睇呢間屋，都覺得幾舒服，之前最擔心係一樓會爆屎渠、塞廁所，點知agent話啲渠係由頂樓去到二樓，一樓係獨立渠嘅，所以一樓好過二樓！嘩！一聽到呢個消息，即刻覺得講唔到價都ｏｋ，果兩萬蚊就當係用嚟解除爆屎渠嘅憂慮！！

當然我哋都有盡最後努力叫agent打比業主再講價，不過尋晚有另一個買家還價１５０開埋支票個業主都唔收！咁我哋又試吓１５１囉，平得一萬得一萬啦，結果當然係失敗啦！之後我哋就向agent埋手，見佢咁nice咪叫佢減佣囉，今次我哋好叻呀，講到齊頭一萬，即係７折左右啦，都慳咗$5200架！！

聽日帶埋媽咪同牛爸去睇多次，如果佢哋都冇問題就扑鎚喇！

又係麗晶!!

今日放工即刻衝去麗晶，因為約咗agent睇樓(又睇！)，佢搵多咗個平單位比我哋，又係一樓，開150，agent話14x都ok，不過客廳望籃球場，房對住馬路仲少咗個窗，雖然唔會好多車，但係都會嘈少少，我又唔like睇人打籃球（因為牛牛係踢波架！）之後仲發覺樓下係垃圾房！幾平都唔洗諗啦！！

另外睇咗幾個單位都over 165，只係6﹑7樓咋，又over budget！10樓以上起碼170，20樓以上要180喇，呢排真係貴咗好多！之後再睇多次上次間一樓，樓下公園果間，好似真係幾ｏｋ，於是叫agent即刻打比業主講價，我哋prefer145，但係業主企硬152，之前都有人還150，業主都冇confirm！唉．．．我哋都係要再諗諗先！

如果真係講價失敗，就唯有考慮番山翠苑喇，不過上網search過，原來之前業主夾錢維修攪到好大穫，都唔知而家攪掂未，好似好危咁，如果第日又要夾錢維修咪弊！！雖然同麗晶樓齡差５年，不過好似舊好多咁！

如果喺而家樓價咁高嘅時候倉卒買間貴屋，咁不如租住第二度細啲、平啲、方便啲，但係牛牛好似真係好想有個“家”！！咁點算？？

天蠍座 ﹝10月23日-11月22日﹞

天蠍座

天蠍，生於秋深。性喜靜，意清幽。愛之切，怨亦深。本質輕名利，但擁有成名得利的天賦。


　　偏重靈與肉的完美結合。直覺力之準之銳，行動力之瀟灑之特,常令徒有虛表之人忌憤不已。天蠍，一個別具一格的星座。格調分明有別常人，心胸高妙不露於表。常容人難容之事，亦笑人可笑之處。 

　　對於朋友，重質不重量，高度要求知心。寧可孤獨，也不違心。
對於愛情，寧缺毋濫。寧可抱憾終生，也不苟且湊合。風流不羈的言行下，執著追求一種宗教意識的愛情信仰。內心具有高度責任性，忠誠性，自律性以及矛盾性。浪漫儒雅，風趣超脫。擁有奇異誘人的容貌氣質。根本上，提倡由愛生性的性愛模式，鄙視純粹的獸性性行為，但，自己卻又常在意志薄弱時，自虐般地沉溺其間。


　　天蠍大多恩怨分明，黑白絕不混餚。猶如包公，寧可得罪眾官，也要獎懲公道。多思少言的特質，齊全透徹的智慧，使一切真相假面恐慌不已。因此，本質靜默孤僻的天蠍們極易招惹他人的非難和灌上莫須有的罪名。而其強硬又柔弱的本質，常使其背負黑鍋也不辯護，不低頭。典型的  "獨當千古錯，冷漠自逍遙"  的天蠍風格。只有在忍無可忍時，天蠍才會真正採取報復行為。可也因其很多時候過於忍辱負重，好比老實人發火，報復也就更顯突兀強勁，反令圓滑的小人真正的禍首們惱羞成怒，藉機大肆渲染。由於天蠍有隱忍為善的一面，更有別緻的獨特氣質，從而也導致了天蠍倍受他人嫉妒卻常被反咬一口的現象出現。也因為典型的天蠍，並不擅長疏通改善人際關係，更不善於有效地表達澄清自己，從而成為了十二星座裡最具爭議的一個星座。


　　天蠍們擁有天賦般靈性的思維，結合現實的洞察，產生了異於常人的思索角度。愛情觀，友情觀，人生觀，皆如此。由於意識超常，天蠍們總是：苦於紅塵無知音，不如隱形愛孤獨。天蠍的確就是這樣極端：不是最另類的現代人，就是最另類的原始人。


　　人們研究天蠍的誤區在於沒有能力到達天蠍的心理根本。


　　其實，天蠍們一生都在尋求知心的朋友，同時他們也容忍對手的存在，但，並非製造敵人。要知道，天蠍本性不好戰，但具備戰鬥的智慧和能量。請注意：這是關鍵。所以你可以成為天蠍的對手和朋友，但，不要把天蠍當敵人。因為，天蠍從不主動侵犯他人的利益。你也不要做些低層次的敵對事情，那只能顯得你自己無聊挫敗。比如：如果你煽動眾人，想用流言蜚謠打擊算計，甚至孤立天蠍，那麼不久你就會發現天蠍依舊活得很灑脫，很獨特。因為，他們本來沒有把你當敵人，某種意義上，是你自己 "自作多情"，以小人之心度君子之腹了。而這種俗不可耐的敵對伎倆，對於天蠍們來說，無疑是一堆可笑差勁的破招。天蠍生性渴望理解,卻不奢求理解，安於孤獨，更能樂於孤獨。

        天蠍的優勢在於，對於別有用心的人，能夠一眼看穿，並完全做到視若無睹。也許，當你自鳴得意時，天蠍想的正是——不和這頭牲口一般見識！看，天蠍就是這樣的心態，清高地忍讓，憂鬱地承受，卻，酷得乾脆利落，宛如一位高超的劍手，不是不過招，只是你非對手。為什麼你非對手，因為你已經把自己立意為敵人。對於敵人，不用過招。興趣無時不屑一顧。興趣來時，一劍定勝負。這種徹骨的冷靜和孤高，也正是天蠍人雖不招惹別人，卻還是招致陰險有毒的惡名的根本。而，也只有天蠍自己知道，真正惡毒的其實是你！但是，一切也都沒有用，要知道，能夠忍受孤獨的人，也就是最無所畏懼的人了。這也就是天蠍為什麼可以在鋪天蓋地的惡名謠傳裡，依舊活出自己風格的原因。某個角度來說，才思橫溢的天蠍人，正是從別人不切實際的攻擊誹謗裡，看到了自己與眾不同的價值。因為，沒有人會化很大的心血很多的精力，對一個平庸無常的人做太多的關注。顯然，天蠍是別具一格的。

        我本善良，我本真實，這樣的句子，用在天蠍身上是最恰當不過了。每隻天蠍似乎從出生那天起，就注定要為自己的獨特而歷經許多風波。對於人性，天蠍從來看得比所有人透徹。 

　　可以說他們極端，但是，他們無法不真實地活出自己。也許，只有"曲高合寡"這四個字，才是孤獨奇特的天蠍們最好的詮釋。


　　
天蠍。星象書上說，誕生在深秋的蠍子是最複雜的。同意這句話。因為蠍子可以根據需要在具體環境把自己塑造成適合的角色，是個善於戴著面具生活的人。但內心本我的強大力量又讓他們在某個時刻不由自主地顯現出其蠍子冷酷陰鬱的一面。幾乎沒有任何一個蠍子座的人可以逃避這點。因為，本質的東西，深植於骨髓，扎根於靈魂。


　　這裡，我希望通過自己的一點薄見，和大家一起認識這最複雜的蠍子
感強烈是蠍子座的人最普遍的特點。我至今沒有發現感情因子欠乏的蠍子。他們有著異常熾熱的感情，但大多藏得較深，平時看來是個比較和氣的人，一般不爆發，爆發時絕對是噴湧而出的，有著強大的震懾力.

　　能促使蠍子爆發深藏的感情的事情其實並不多。我總結了三種情況。


　　一是欺騙，這種欺騙也許不是很大，也許發生在很好的朋友甚至親友之間，也許只是一樁小事，但蠍子看來，重要的不是欺騙造成了什麼損失，而是欺騙這種行為本身，他認為這是強烈的不信任感，是對他的不尊重。一個小小的欺騙在蠍子的心中會激盪起巨大的不快，天性陰冷的蠍子習慣將它放大來看，也可以說這種與他們處事風格準則背道而弛的行為是他們輕蔑並排斥的。用欺騙傷害蠍子產生的裂痕一般是不容易消除的。當事人在蠍子心中的地位可以說馬上會大幅下降。經觀察，沒有哪個星座的人像蠍子這樣如此深地看重信任和尊重這兩個詞，他們一般對此都很敏感。敏感得容下不在他許可的小小範圍內出現一粒沙。越是親密關係間的欺騙對蠍子的傷害就越大。因為他們對朋友往往交出真心，而這種付出償來的若是欺騙和背叛的話，蠍子的心會冷到極點。


　　二是侮辱。敏感的蠍子其實並不那麼開得起玩笑，當然他們能敏銳地分辨出你話裡的真實含義，善意的玩笑他們還是不會拒絕的。但帶刺的話他們絕對能馬上聽出，他能感受到你語氣中的真實的感情成分。很自我的蠍子絕對不容忍別人侮辱他貶低他。也許一件事情讓他糟糕，讓他吃虧很大，但如果需要的話他能壓抑住自己的情緒，裝作若無其事。惟獨侮辱不可以，你可以感受到蠍子那一刻表情越發陰冷，牙關緊閉。那是他在積蘊力量，你能感受得到他強壓怒火的眼神，開始起伏的胸膛，只需要一個小小突破口，巨大的能量就要噴薄而出。這個時候，瞭解他們的人還是趕緊收口吧，否則誰都不知道會發生什麼可怕的事情。我自己就經歷過多次這樣的情景，從來都是是猛烈的瞬間爆發，不明白的人奇怪怎麼突然發這麼大脾氣，其實真實情況是，他忍著氣已經很久很久了，只是你硬逼他爆發的。 


　　三是為了他認為重要的人。蠍子是活得孤獨的人，他們自己都會發現，自己和許多人是格格不入的，他滿臉的笑容很多時候都不是發自內心的，只是為了場合的需要，真正談得來並懂得他們的朋友一般很少很少。生命中他重視的人他一定會傾力保護，蠍子為了保護那個人時，顯現出的感情是強大的。這個人最大的可能就是曾在蠍子需要時給過真正理解溫暖關愛的人。哪怕是一點點。像會記恨一樣，蠍子對那些對他真心好的人絕對是記在心上的，沒有太多的表面的東西，關鍵的時候，真正肯為你犧牲的那個朋友，肯定是他。對他最愛的那個人而言，蠍子有可能的話甚至肯為她去死。如果他心中的那個她被別人傷害的話，蠍子會有剜心的痛，這個時候，他可能會暴露出最陰暗的一面，如果要把報復和蠍子聯繫起來的話，那麼這種情況當屬第一。蠍子這時候可能會在巨痛的驅使下，用最黑暗的力量為她去復仇去摧毀敵人。在我看來，蠍子最最強烈感情表現出來的時候，應該就是他為了保護她的時候。

        水象之王的蠍子外表看來往往不那麼強硬，甚至有點軟弱，這是很多人對他們的印象，但瞭解他們的內心的人就會發現，他們是討厭被指使的人。可以說，蠍子是吃軟不吃硬的，平等對他的話，他便是個性子很好的人，要是想壓制他，蠍子內心馬上會排斥，並且潛意識裡他們是很厭惡習慣對他們指手畫腳的人的。他們心中多數是不服，但不會明顯表現出來，也許暫時地順著對方，背後則默默積累力量，也許乾脆用冷漠直接表示拒絕和厭惡。蠍子確實是喜歡掌控別人的人，但不像火象的獅子那種氣焰上統領一切的感覺，蠍子能用一種獨特的暗藏的力量影響人，因為他有著洞穿別人內心的敏銳力和堅定沉靜的氣質。如果蠍子具備一些火象性格的話，則會是個讓人感覺非常凌厲的人，冷靜的外表下說起話做起事來霸氣十足。蠍子如果學著性格張揚一點的話，會馬上顯現出強大的領導力。


        蠍子對自己的愛人也有著強烈的掌控欲，只有當那個她只對他一個人好的時候，他才感覺安心，他希望她能常陪在他身邊，希望她能經常依靠他，所以小鳥依人般的溫柔甜蜜的女孩子最能激起蠍子愛的感覺。這就解釋了為什麼他和水象的魚兒和巨蟹很和得來的原因。
蠍子比較喜歡不帶表情的說話做事，可以說，蠍子很難學會用表情表達他們豐富的內心世界，他們是不善於利用表情的人。蠍子本質是不愛笑的，尤其不習慣在一大堆人之間肆無忌憚地笑，蠍子習慣淺淺地一笑，讓他們在眾人面前表情誇張地保持10秒鐘我相信是件困難的事情。


　　他們確實常給人缺乏親和力的印象，哪怕是他已經認識到了這點並試著去改變了，結果還是會發現，一不留神，他和人的距離感又莫名地產生了。可以說蠍子的笑保留著人類某種原始的東西，蠍子笑起來會帶著絲羞澀，特別是在人多或異性面前。看起來非常孩子氣，讓人感覺純真，顯得乖巧。但蠍子多笑真的比較重要，蠍子笑起來純樸真誠的樣子可以很好地打消他們在別人心中不好的印象。蠍子可以多對著鏡子練習練習。敏感的蠍子有時會莫名地收住笑容，這會給別人不好的印象，他們會納悶並猜想你突然沉下臉的原因，很多時候，蠍子和人的隔閡就是這麼產生的。


　　在蠍子的生命中總有一種嚮往孤獨的特質。

　　他們即使在受不了淒寂的同時，又渴望得到只有在孤獨時才能享受到的自我極致發揮和無絲毫保留的面對現實。 


　　所以，孤獨的蠍子是矛盾的。

　　孤獨中他們的心靈像眼睛，誠實敏銳得揉不進一粒塵沙。

　　所以，孤獨的蠍子更能洞悉謊言與人心。他們只有在孑然一身的時候，才有機會登上精神的高峰，望得遠，看得清，障礙盡除，思維如月光染雪，剔透通明，理智與感情皆回歸到最純淨的狀態，能清楚的照亮自己。


　　所以，孤獨的蠍子睿智。

　　當蠍子被身邊的孤獨包圍的時候，他們的內心卻是在釋放。他們的身體和靈魂變成了過濾器，吸取著潮濕冰冷的空氣，滲透出清澈甘甜的水滴，那就是他們的思想。思想無限流動，不受空間和時間的限制，抵達所有相通的靈魂。


　　所以，當到達你的靈魂時，請你好好珍惜。

　　當你看到陌生人面前孤僻而冷淡的蠍子時，請你見諒，因為即興發揮不是蠍子的強項，蠍子一向預熱很慢，感情需要很大的安全感才能活潑的施展。

　　
        所以，當你想要瞭解那些外表形單影隻，獨來獨往的蠍子時，請細心的感受他們內在活動的勃放如春。


　　對於天蠍座的激情別人已經寫得夠多的了，以致再寫就顯得有點多餘了。其實那些描述嚴格地來說，也不完全正確。天蠍座的人確實擁有過量的激情。但是這些熱情不一定是用一種顯而易見的方式來表達的。對於天蠍座的人來說，性是一種表達的途徑，它是一種達到秩序的方法，而不僅僅是肉體上激情的釋放。


　　天蠍座對性和愛的渴望，通常與它們能提供的轉變有關。他們喜歡把性與愛稱作自己所喜歡的名字：一次神秘的經歷、一次深層次的體會。性與愛讓天蠍座向比他們自己更強大的事物投降。天蠍座的伴侶有一種巨大的容忍力，他們為了愛情和忠貞可以犧牲一切。他們甚至可以做出巨大的自我犧牲。在他們身上有一點狂熱，這會滲透到他們與別人建立的關係中，並且影響他們的精神和態度。


　　天蠍座是不會在淺的池塘裡划水的。他們縱身跳入遠遠淹過他們的頭的深度的汪洋。但是有時候可悲的是，在天蠍座所處的關係中釋放出來的狂熱，有時候會導致他們極端的猜疑，並且會讓他們產生強烈的佔有慾。假如天蠍座的人正陷入在愛情當中的時候，這種情況往往就會發生。假如他們沒有真正談戀愛的話，那麼他們情感的大門就永遠不會在你面前出現，你將面臨真正的情感上的堅冰。

雖然講得好深，有啲誇張，不過又幾準咁喎！！

（唔好意思，借咗ｂｌｏｇ友嘅ｐｏｓｔ！）

製成品 - 成功??

繼上次"失敗之作"之後，我再去搵花園街伯伯，買多咗一扎白玫瑰同一扎薰衣草，跟住去埋銅鑼灣買絲帶，真係幾認真都有！不過買晒嘢之後掛住搵屋睇樓，啲材料就攤咗兩個禮拜，尋晚終於"的"起心肝"迫"牛牛同我一齊砌咗個花球！無錯！！係"迫"！！因為我唔比牛牛瞓覺，一定要佢陪我！！哈哈．．．

以下就係我哋嘅傑作喇！！

好似幾圓！

其實一啲都唔圓！有啲古怪！！

我諗影相都係唔好帶去喇！

睇樓第四擊

星期日我哋再走多轉麗晶花園，今次特登搭地鐵去，原來彩虹站行去屋苑外圍都要10分鐘，傳說中嘅8分鐘應該要行得好快！

我哋去另一間地產鋪話搵平價盤， ard150萬，低層都ok！ 睇咗5個，有一個2樓516呎開價165萬其實好抵，其他同size都賣緊180幾，不過呢間對住馬路，雖然係紅綠燈位同埋裝咗隔音玻璃，不過開窗有巴士經過都有啲嘈！ 因為我中意開窗，同埋474呎果啲單位都夠住，所以呢間都係唔考慮！

有一間agent只係帶我哋去參觀，無諗過我哋會買嘅，16樓474呎，全新豪華裝修連家電，基本上買埋張床同梳化，行入去就住得！原先業主搬咗去柏麗灣，而家呢度開180萬，講明最多減一萬！講價免問！！真係幾寸都有！ 其實179萬都算抵，買幾件傢俬就住得，可惜係呂字廳冇改間格，咁呢間又唔考慮啦！

另外兩間150萬左右，一間一樓一間二樓，一樓果間都ok喎!！下係公園，好清靜，另一邊窗係入園馬路要慢駛，所以唔嘈！不過佢有兩個窗都整咗防蚊網，應該公園多蚊啦，我咁皮薄餡靚又惹蚊憐愛！！好似都驚驚哋！ 不過可以行樓梯落街唔洗等 lift都幾好喎！但係我唔係幾like門口對住後樓梯囉，驚多人出入同倒垃圾，牛牛又話關門唔驚喎！

最後都係叫agent幫我哋搵啲4﹑5樓殘裝價錢平嘅！

之後我哋再行埋過啟業邨街市，原來3分鐘就到，仲有酒樓同好多鋪頭，隔離又有學校幼稚園，勁方便！之後再試埋搭巴士出尖沙咀，車程ard18分鐘，又係好方便！

睇睇下除咗返娘家唔方便之外都冇咩缺點！睇嚟九龍區應該都冇其他choice喇！

睇樓第三擊

睇樓已經變咗我哋weekend嘅例牌行程！本來星期六諗住去小西灣睇睇，始終住咗咁多年又近媽咪！心水屋苑有曉翠苑同佳翠苑，點知去問咗幾間地產都話冇盤！因為兩個屋苑都係得兩座，單位少自然放盤少啦！之前見曉翠有514呎單位成交143萬好似好平，但原來個agent話實用得7成幾，咁咪4百呎都冇！？仲要間格唔好，大門對住廁所，即刻覺得好唔掂，都係唔考慮喇！另外，富欣﹑富怡﹑富景就更加唔洗諗，補埋地價要成二百幾萬！

之後我哋再去山翠苑睇多次，今次想搵啲再平啲嘅，target under150萬，得兩個盤，一個155萬一個142萬，都係低層冇海景，不過都算開陽，始終山上面景觀點都好啲，5樓已經等於人哋15樓甚至25樓！agent話142萬果間可以講價平多幾萬，不過好似"化妝樓"咁囉，一踩落啲木地板"咦咦"聲，廁所對出啲地板仲好似晦晦黑黑咁！！ 所以都係唔多啱，唯有再等其他盤！

不過睇嚟柴灣區除咗山翠苑都冇咩其他choice啱budget囉！

Wedding bands 到手喇!!

提早咗今日去攞戒指，咁耐冇見都係咁靚，都係咁閃！哈哈．．．浮誇！！(但係我個心仲有少少掛住六福果隻囉！)

原來PN加咗價，我哋對戒指加咗千二蚊呀！好恐怖！！只係相差一個月！不過即刻覺得我哋抵咗！好在早咗咁多買！仲有對bear bear熊都跟咗我返屋企lu！

仲諗緊點樣改裝bear bear熊做戒指枕．．．用絲帶掛頸好,定用大頭針拮手指好呢？

以下就係bear bear + Hand in Hand 喇！

 

"家用"問題

睇咗人地咁多wedding blog，都冇見過人寫關於"家用"嘅post，係咪而家已經唔興"比家用"呢？？唔係錢唔錢嘅問題，而係我覺得老公比家用老婆係天經地義嘅事，咁先有家嘅感覺！！就算而家嘅年代好多都係老公老婆一齊share供樓，甚至所有家庭開支雜費食飯等等都係share，可能因為大家收入差唔多，even老婆多過老公！但係老公象徵式比一千幾百老婆做家用買吓衫都好似好溫馨咁囉！

於是乎早兩日我問牛牛結咗婚之後係咪會比家用我，我冇講比幾多架！結果係---佢帶我遊花園唔知去咗邊！！哈哈．．．牛牛就係咁，成日迴避我嘅問題，尤其係一啲冇諗過嘅問題！不過我覺得佢會比架！因為佢爸爸到而家都好錫佢媽媽，我諗有遺傳嘅，佢都應該係呢種人！哈哈～～可能我又諗多咗！！

結婚戒指有得攞喇!!!

今日PN打嚟，話我哋對wedding bands有得"試"，咁有得"試"係咪等於有得"攞"？唔知呀！不過唔理喇，總之星期六去啦！因為呢兩晚都唔得閒，所以要等多兩日，好期待呀～～仲比預計嘅23號早咗17日，yeah！！

睇樓第二擊

上星期六又去咗睇樓，今次係娘家區域 ～ 柴灣，可以放工返娘家食飯，真好！為咗盡快搵到我哋嘅〝牛比之家〝，要努力努力！

睇樓第二擊 --- 高威閣 + 山翠苑

高威閣係私人住宅，樓齡26年，得好少盤，睇左個484呎單位，望到灣景園，不過都唔係好開揚，屋同屋之間都幾近！但係感覺間屋好大，因為兩個房同廳都有窗台，但係窗台係唔計入建築面積，即係送嘅！計埋窗台即係有5百幾呎，好抵咁喎！好似多咗幾張檯擺嘢咁，咪覺得間屋大啲囉！樓下都有個商場仔，有酒樓，行去地鐵站5分鐘左右，不過巴士站好似遠啲(我哋冇試行)，最大問題係價錢唔係幾OK囉，要185萬．．．so 可以再揀吓先！之後我哋就轉戰價位比較適合我哋嘅山翠苑

山翠苑係居屋不過都唔洗補地價，樓齡28年(好似老咗啲！)，所有單位都係4百幾呎，我哋睇左4個474呎單位，第一個就係頂樓28樓，個view勁正！有啲海景，望到對面將軍澳(如果唔大霧！)，空氣勁好，不過山頂，冬天會好凍！另外有兩個都係海景 + 山景，不過全部都要160萬！係得一間低層望樓景開145萬，不過呢間我一入到去見到對面樓就reject咗！揀到山頂咁凍嘅屋苑都係貪個景啫！樓景梗係唔諗啦！！比起之前真係貴咗好多，所以都係再睇睇先！

下一站 --- 小西灣

睇樓第一擊

睇樓第一擊．．．就係麗晶花園啦！

點解？因為係屋苑同埋近牛牛屋企囉！又唔洗補地價，環境都幾清淨，幾開陽，agent話啱啱維修完唔知咩水渠果啲，又有個舊商場仔超市﹑餐廳﹑麥記﹑診所﹑牙醫咩都有！行過隔離村就有街市，仲有小巴去旺角觀塘，巴士去銅鑼灣。不過我返工同返娘家就要搭地鐵，行去彩虹站都幾遠，或者小巴去九龍灣地鐵站，少少唔方便啦！不過牛牛都話ok！

我地睇左4個單位都係474呎，大約都係165萬，有長方形廳同呂字廳，長方形廳可以改半開放式廚房，睇落空間感大啲，呂字廳就直情改開放式廚房，個廳就大好多，橫掂我哋呢啲"無飯夫婦"都係煮下公仔麵啫！最緊要個廳夠大可以開檯，hehe．．．

不過都係再睇下其他區先！下一站．．．柴灣

心思思......想影多輯婚紗相

我見好多人都影幾輯結婚相，最多嗰個影成7輯，如果我都影多輯都唔係好過份啫！

而家香港同台灣都會影，如果最經濟就梗係影大陸啦！search咗左一排，見最多人影係3v，不過可能真係太多人影，而家好似多左bad comment！另外深圳現代經典好似幾平，不過啲衫唔靚，仲有少少娘味！not my cup of tea！最後搵到一間勁少bad comment，一啲都唔大陸feel，好似幾得喎！就係 --- 麥田映像

http://www.love-99.com/

佢個website話 "取得東部華僑城私家拍攝權"，私家係咪即係獨家呢？咁又好似真係唔覺其他公司有得影喎！啲人多數影青青世界﹑百萬葵園，但係我去台灣都有花田同樹林啦，不過我都未必會去呢啲景點，因為確實唔係好like花花草草！所以東部華僑城都幾新鮮吖！或者世界之窗都可以考慮,可以扮下歐洲，哈哈！！

不過唔知牛牛比唔比呢！我sell佢話我地影FB同台灣堅持唔加相，唔整相簿(自己出去整平好多！)咁慳左嘅錢錢就可以影多輯大陸啦！仲有3輯唔同style嘅相添

我諗住join $3999個plan，平平地!影200張以上全部比番晒我，有40張可以相入2本相簿，一幅油畫等等，仲有3套衫加一套便服，4個造型，造型師全程跟妝，,好似好抵咁．．．諗到真嘅一樣！牛牛真係approve先算啦．．．．．．

東部華僑城

世界之窗

大家覺得點呢？