為婚紗相做準備～婚紗鞋 and 背心＋豬腸呔

下星期四就去法國婚紗影相喇，所以今日就去咗洗牙仔，之後同牛牛去有利買婚紗鞋，我都係揀咗最多人揀嘅lace款，$85真係好抵！開頭諗住唔買架，因為好多人都著波鞋影婚紗相，條裙咁長實遮晒對鞋，又行得舒服啲，不過諗諗吓著高踭鞋影得個人高啲瘦啲，去台灣又可能會揀短裙款，註冊食飯果日又可以著，所以都係買咗！

有利鞋店　地址:旺角彌敦道729號地下

之後就順便去埋金都睇背心and豬腸呔，因為台灣啲男禮實在太〝靚〞喇，為咗唔想加錢 upgrade（約HK$750一套，勁貴！）所以都係買定帶過去，牛牛想要銀色，黑白禮服都襯到。本來諗住去好多人推介喺地庫嘅〝君臨〞，$338一套背心＋豬腸呔，但係佢銀色款唔多，所以我哋上樓上再逛逛，最後去到２樓有間可以租，因為我哋唔擺酒，買背心豬腸呔only for台灣影相其實都唔化算，有得租就啱晒我哋啦，本來$150租3日，我哋話去台灣影相，姨姨又好好人比我哋租７日都係收$150，又抵咗！揀咗銀色“粒突”玫瑰花紋鏽閃銀線背心＋銀灰色豬腸呔，不過有其他客喺度所以冇影相！

雅仕禮服莊　金都二樓236A鋪