呢間就係友春喇，五百幾蚊一晚有按摩浴缸，企企理理都ok啦！
第一次搭捷運，梗係買張優悠咭啦，即係台灣八達通，搭捷運平啲架，7仔都可以用！
第一日晚餐士林夜市攪掂！豪大大雞扒係牛牛最愛！
苦瓜汁．．．正！牛牛唔like，真係唔識貨！
大腸包小腸都ok，不過我最愛係入面條腸！
左邊係“十全排骨”，人哋話好似肉骨茶，我覺得搵笨，又貴又唔好食！！右邊係麻辣豆腐，又係搵笨，一啲都唔辣！
大餅包小餅，有咸有甜好多種味，我哋揀咗黑芝麻，怪怪哋，應該咸味會好食啲！
第二日早餐～～肥前屋鰻魚飯，冇錯．．．係食早飯！11:30am開門，我哋11:15am去到已經坐滿人仲要排隊，好誇張！！不過唔係等好耐！
鋪頭入面寫日文架，好似好正宗咁！當睇唔到我個黑眼圈啦唔該！！
叫咗個大鰻魚飯share超好味！！！
燒鰻肝，牛牛唔敢食，我自己食晒，唔知會唔會膽固醇過高呢？？
好多人推介蛋卷，我覺得“漁一丁”好食啲，哈哈！！
之後去咗附近買鳳梨穌，好似話好多日本人中意買呢間“李製餅家”，平過“維格”一倍仲好食一倍！Good！！
之後搭捷運轉shuttle去美麗華，不過等好耐，都係直接搭捷運去劍南路站好啲！
想睇靚酒店就睇下篇啦～～
哈..多謝介紹呀!我知邊邊D要去邊D唔駛去....
回覆刪除但我星期三就出發，行程都未編~~~~
[版主回覆05/02/2010 23:18:00]其實行街食嘢都洗編啦,除非你去遠啲浸溫泉嗰啲啫!到時到你匯報吓!!
我上次去台灣都有食豪大大雞排, 真係好好味
回覆刪除[版主回覆05/02/2010 23:18:00]係好味呀,不過我係影相前一晚食...好大膽!!
haha你食o左果d，我全部都冇食...
回覆刪除我去o左維格買鳳梨酥呀，返香港我家姐先話我咁蠢買呢間，佢話呢間係呃遊客架喎，唔好食又唔係平...
[版主回覆05/02/2010 23:19:00]係呀!我都比佢呃過!!所以今次唔買佢囉!!
豪大大雞扒~我未來老公的最愛,上次去台灣食o左好多間,都係e間最好
回覆刪除肥前屋-->燒鰻心,e個好似係燒鰻肝,苦苦地,又淋淋地,唔好食o既....
“李製餅家”GOOD~我都推介,不過佢而家都加o左價啦>.<
好羨慕你地,你老公成日幫你影相,我個....叫佢都唔想影...去影結照幫我影o左一張花"睡"咁大把....
[版主回覆05/02/2010 23:24:00]係喎...好似係燒鰻肝!!一般啦...唔想嘥嘢所以我食晒!!哈哈~“李製餅家”真係good呀,我啲同事都問我攞地址!不過我買嘅價錢真係貴過旅遊書!
我bf都係踢一腳郁一郁咋,唔肯幫我影咪嬲囉,哈哈!!
你好似好熟台灣喎!!
嘩, 我見到你去台灣, 我都好懷念啊, 想再同我honey 去多次!!!
回覆刪除[版主回覆05/03/2010 09:34:00]都好吖,去台灣唔係好貴,食吓嘢休息吓囉!
李家製餅真係好正的呢~
回覆刪除[版主回覆05/12/2010 18:18:00]係啦!我第一次買,好後悔買得一盒!!
我都係book 左友春..你地個間係咩房呀...其實都算不過不失啦..都係貪佢夠近... 李製家係邊度ga..好吸引呀..我好鐘意食鳯梨酥的
回覆刪除[版主回覆05/13/2010 15:55:00]呢間係"豪華商務房"呀,nt$2100一晚,都算企理啦!
李家製餅喺中山區林森北路156號(捷運中山站3號出口)
我book 左精品商務房...可能無你地間咁好...不過平lo同近..算啦..個兩晚咁累都唔得閒享受酒店
回覆刪除[版主回覆05/14/2010 12:38:00]係呀，最緊要近，之後幾晚先慢慢享受囉！
友春是不是係淡水, 近唔近捷運, 我想選間平平的住一晚, 邊間ok呢...因為第一晚我會 1:00am 先到....
回覆刪除[版主回覆04/26/2011 16:56:00]唔係淡水呀, 友春飯店 台北市中山區民權西路 55 號 http://yochun.ffh.com.tw/