非常台北 BMW 揀衫篇～晚裝

呢件都係董主任為我準備嘅，不過冇咩特別，又唔夠FB嗰啲華麗！

之前上網見人著過一件婚紗好靚好中意，我save咗張相比華姐睇，不過原來比人著爛咗喇，失望！華姐就攞咗件一樣款嘅粉紅色晚裝比我，冇婚紗嗰件咁靚，不過都揀咗，扮吓可愛囉！



我話想試黃色，呢件好閃好娘！



呢件deepV blog友著過好靚，我梗係唔ok啦！後面又係有塊紗好飄逸，我諗董主任可能聽到我話中意有塊紗，所以揀咗最後嗰件婚紗比我！！

本來想揀一件黑色，點知佢哋得兩件，呢件釘滿閃片，浮誇！另一件華姐話好性感冇比我試！



呢件都係董主任為我準備嘅，其實一開始我已經見到掛咗出嚟，雖然似伴娘裙，又有啲睡衣feel（因為太鬆，未改size），不過我中意！



反晒光唔知想點！



我想試粉橙色，我唔知普通話係咪叫粉橙色，所以我話想要橙橙粉粉嘅，華姐話“長長”粉粉？即係咩？哈哈．．．最後揀咗呢件，都係似伴娘裙，不過著得好瘦！



佢哋啲晚裝真係好難揀，因為好多都係深色但係又冇深紫色，深紅深啡又勁老，有啲勁粉紅層層蛋糕裙又太可愛，所以試得上身嘅都冇幾多件，唯有揀啲簡單款！