大家有冇發覺個花球唔同咗色？原來就係for我下一個造型架！我而家先發覺．．．
呢條裙影到我好高咁！
點解我有咁多單人相？其實仲有多幾張架，因為牛牛去咗吹氣球囉，一邊影一邊聽到砰砰聲！帶咗8個去吹爆咗3個，激死！董主任問我哋氣球點識飛上天（人哋係用輕氣球架嘛！），我話叫牛牛扮囉，所以張張相都係“一二三舉手”，真係辛苦晒牛牛！
後面果座係酒店，我見幾靚咪叫董主任幫我哋影吓囉，嘉嘉睇到啲相話冇見過人影呢個景，以為係新景點！咁得意？座嘢就喺正隔離咋喎！
呢個鐘要行去後面先見到，都唔係好多人去影，真係敲得嚮架！
牛牛好似上咗身，又開始扮鬼馬！
我哋唔知呢度有沙灘，拖鞋放咗喺車冇攞，行番出去勁論盡！
呢兩張回頭望都幾中意！自然feel～
不過太凍所以冇玩水同埋冇扮奔跑！哈哈！算啦，反正香港都影咗咁多！
牛牛真係好鬼馬，勁多表情!!!
回覆刪除[版主回覆04/20/2010 01:17:00]連攝影師都讚佢呀！！
有氣球個feel好正丫. 加上我都好鍾意紫色, 你地尼輯相我覺得係最正既.
回覆刪除[版主回覆04/20/2010 12:08:00]我都覺得呢一part好sweet呀! 好彩有自備氣球同恤衫咋!!
我都係好中意紫色架, 呢part 靚靚呀~
回覆刪除[版主回覆04/20/2010 13:35:00]如果個天藍啲就仲正啦!!
依part紫色裙靚wor..............
回覆刪除[版主回覆04/20/2010 13:51:00]咦...似乎好多人中意紫色喎!! good taste!!
你男朋友件紫色T恤衫好靚, 係邊度買架? 我又想買件
回覆刪除[版主回覆04/20/2010 17:17:00]旺角荷里活中心呀,百幾蚊咋!
牛牛真係夠晒自然!!
回覆刪除大家都係紫色好match，仲有私伙波波，掂呀!!
睇你試呢件衫時覺得好普通，但化o左妝，加埋個景，感覺又唔錯喎!!
執相後應該會更靚
[版主回覆04/20/2010 22:23:00]呢part我都好like呀!!又估唔到牛牛今次咁叻,哈哈!!
你地的紫色衫好襯呀!!!
回覆刪除besides... 我台灣輯相.. 有幾個景係同你一樣架~~ ^^
[版主回覆04/21/2010 14:20:00]係呀係呀!!
你哋個藍天白雲係加工定真架?我冇request加呀,驚佢哋整得好假,不過而家白雪雪又好似好dry!!
我o個日好好彩~~ 個藍天白雲係真ga~
回覆刪除不過你都可以叫佢加ga~ 如果整得唔好睇咪還原返lor! 台灣影相有呢樣好~ d相可以改到滿意先出相簿~ ^^
[版主回覆04/21/2010 18:23:00]我嗰間冇架！佢一整好就寄嚟架喇，好似話睇排版嗰啲要比幾百蚊一本相簿！
咦~個時我影完有得睇美編同排版~
回覆刪除你幾時收到相?
[版主回覆04/22/2010 22:42:00]其實我冇問可唔可以睇美編同排版呀,不過有JM話要比錢先有得睇!
要兩個月先收到相呀!
我鍾意你呢輯~~~好開心,好自然~~~
回覆刪除[版主回覆04/23/2010 10:08:00]我哋都係中意開心sweet feel 多過有型嗰啲,所以非台嘅style都幾啱我哋!