因為牛牛唔想嘥錢整feature wall，所以我就諗住客廳油近乎白色嘅淺紫色，再加其他白色田園裝飾﹑田園傢俱冇咁DRY！
電視機牆加通花壁架用嚟擺結婚相架，淘寶價 $98，香港賣 $298，深圳暫時搵唔到！
雙面雀仔掛鐘，淘寶價 $68，深圳都係搵唔到！不過未諗到掛喺邊！！
電腦枱牛牛唔比我買，佢話用番而家嗰張，第時有阿B先一次過訂造書枱﹑衣櫃同床！不過而家嗰張電腦枱係兩年前 IKEA買，殘到甩晒皮！！所以我搵咗呢張平平哋，淘寶價 $288，希望牛牛approve啦！
因為一開大門就係open kitchen，好似話開門見到爐頭風水唔好，所以用屏風遮住！啲通花好靚架！淘寶價 $280，香港賣 $650
水龍頭我諗住買平嘢，因為壞咗都可以隨時換，最緊要靚！銅色幾襯田園feel又特別！
廚房用高身啲！淘寶價 $195
廁所用普通款，淘寶價 $115
貝殼型洗手盤，淘寶價 $109，「家合居」$360
電視櫃，淘寶價 $618，香港賣 $1799，之前淘寶睇中另一個浮雕款comment 嘛嘛，香港訂造又要成 $3000，呢個好似幾抵，考慮中．．．
大家估吓呢個廁紙架擺喺邊？？
答案係掛喺梳化側邊幅牆！點解？？因為上面可以放remote，重點係我同牛牛都有鼻敏感，呢個廁紙架方便我哋用廁紙！掛喺廳係好樣衰，不過方便同實用，哈哈！！淘寶價 $46
淘寶平好多呀~~!! 不過d傢俬咁重, 運費係咪好貴?
回覆刪除[版主回覆04/06/2010 16:08:00]運費都要$8一kg架,個電視櫃38kg,大約$300左右啦,不過只係送到樓下囉!
係lor! 好平呀! 最好就係唔駛講價tim!
回覆刪除我都好like 你個電視櫃呀! 好鬼想換左我而家果個!
請問個size 係幾大呀? 不過運費佢係點計架? 按重量??
[版主回覆04/06/2010 16:13:00]電視櫃170*41.5*48cm,重量38kg,運費$8一kg,即係大約$300左右啦,不過只係送到樓下, 要自己抬上樓同埋砌囉!
呢d款真係好靚...哈...不過真係好蝦人去打理的....呀!我朋友都有呢個鐘.但係佢話得一面行得好.所以你買時要小心check下佢2邊的鐘會不會有分別呀!
回覆刪除[版主回覆04/06/2010 20:45:00]我上網買冇得check呀!不過都係貪佢個靚樣,應該唔會好襟用!哈哈!
Wa...... 你好勁呀, 連水龍頭都做埋田園 feel 加油 !!!
回覆刪除[版主回覆04/06/2010 23:35:00]因為貪靚囉,不過今日見到旺角啲水龍頭有半價,好似好抵咁,都唔知點算!!
超正呀.....
回覆刪除[版主回覆04/06/2010 23:36:00]你都可以試吓吖!
全部傢俬都好靚呀~~~ 我都好鍾意白色... ^^ 不過.... 好似好難打理......
回覆刪除[版主回覆04/07/2010 00:20:00]係唔襟污漕架，為咗靚唯有勤力啲囉！！
我有見過個鐘係廣州河北萬寧廣場個度係專賣精品玩具批發落香港賣的, 幾$我無問過
回覆刪除萬寧廣場係海珠廣場附近, 橋的對面係出名的婚紗街(好多人都上去買緍紗, 如果要上去辨結婚用品的話, 你可以睇埋)
我都好like你的style~~^^配搭好靚!! 支持你~
[版主回覆04/07/2010 09:29:00]多謝你嘅資料呀!如果有時間我都想去睇吓!
哈哈.....原來有人同我一樣.....一日到黑都流連 "淘寶網"....wakakakaaaa
回覆刪除[版主回覆04/08/2010 13:04:00]係呀!我咩都睇架!!不過我係初級組,多數搭人買! 又可以慳d運費,哈哈!!
我鐘意你個牆架呀...好靚!!!原來你同我一樣都鐘意白色傢俬!
回覆刪除[版主回覆04/08/2010 15:34:00]白色睇落間屋光d大d 嘛!不過要好勤力清潔囉!
好田園feel wor!
回覆刪除[版主回覆04/12/2010 18:25:00]係呀! 我好like呢個白色田園style
HIHI~~
回覆刪除你買左未AR? 我都好LIKE,想搭你一齊買AR~
MY EMAIL: kajade@she.com
[版主回覆06/01/2010 10:57:00]未呀,佢地係唔同鋪要分幾次買! 不過我仲裝修緊,預計遲多半個月買啦!
睇左你的裝修BLOG後，我即刻向男友要求想將未來家居做到好似你咁，但~~~~~~比佢 BAN左呀~~ CRY CRY ~~
回覆刪除[版主回覆06/26/2010 18:54:00]田園家居真係唔係個個男仔都接受到架，佢哋要型要潮嘛！！係我ｂｆ先咁冇意見冇所謂．．．
can u send me the link of TV set? It's much cheaper than other shop
回覆刪除[版主回覆09/29/2010 00:02:00]真係唔好意思,原來之前miss咗你個留言,見你間屋整得好靚,恭喜晒呀!!!
ps.你可以做designer呀,哈哈!!