之後同cf 傾埋電制位，25個啱啱好！不過發現細房兩幅牆滲水，仲發晒添（下圖紅色箭咀）！可能因為早兩日落大雨，cf 即刻叫我哋影晒相比管業處睇，如果係外牆滲入嚟嘅，同管業處講就好快會有人攪，cf 話我哋屋苑維修管理好好，咁都冇咁驚！不過都可能係上手整得唔好，好彩cf 喺度，唔係我哋兩個實嚇死都唔知點算！cf 話我哋呢間係化妝樓，個電箱都有問題，唉．．．我都估到，唔係個女人點會咁好死換過地磚油埋油先放盤！好彩我哋一早決定大執間屋，唔係真係失晒預算！
不過個分體冷氣都係攪唔掂，因為橫樑阻住，唔想掛喺電視機上面，而家要改用窗口式分體，貴少少啦，唔知邊隻牌子好呢？窗口式分體係咪冇一級能源標籤呢？環保雪種又有冇用呢？？咩空氣淨化又係咪真係淨化到呢？？？冷暖變頻又會唔會好嘥電呢？？？？
夜晚上去已經拆咗好多嘢，所有地磚拆晒，個廚房唔見咗lu，連個電箱都唔知去咗邊，所以我哋摸黑影咗幾張相就走，廁所啲瓦仔都拆晒，聽日應該換鋁窗喇！
大工程終於展開~~~
回覆刪除好期待新面貌出現!!!
[版主回覆05/12/2010 18:23:00]yeah...我都好心急呀!!日日都打去煩住cf,希望佢哋快靚正啦!!
嘩...睇嚟真係好大工程喎 ~
回覆刪除我呢兩日都開始裝修啦, 預計下個禮拜尾可以送傢俬嚟, 到時全屋要大清潔, 真係有排忙 ~
[版主回覆05/12/2010 23:40:00]你就好啦,咁快送傢俬,我仲未諗掂呀!!
恭喜你, 開工大吉. 咁你跟緊 d 啦.....
回覆刪除[版主回覆05/12/2010 23:40:00]嘻嘻...多謝!到時大把嘢問你呀!!
你d師父手腳好快喎，可能唔使2個月就可以收樓
回覆刪除你廚房個窗諗住用磚封左佢?你要考慮清楚，管理署可能會話唔可以而比人投訢
[版主回覆05/13/2010 10:16:00]佢話個半月攪掂,希望係啦!
窗出面係天井,正常係行唔到過去同埋望唔到架,我又冇諗過管理署會唔比喎!等我再問問cf 先! thanks~
開工大吉，睇來你間屋都好大工程bor,努力呀，之後仲有好多野要跟
回覆刪除[版主回覆05/13/2010 10:20:00]原來你都係啱啱開始裝修,咁我哋可以交流吓喇!!一齊努力啦~~
好快手呀~~已經開始裝修啦~要整幾耐丫??加油丫~田園牛比屋
回覆刪除[版主回覆05/13/2010 10:21:00]哈哈...多謝支持! cf 話個半月,我預兩個月啦!
因為我廚房都係天井，不過就街可以望得到，我裝修時師父講如果窗有改動管理署可能唔會退回按金，所以你問清楚管理署好d呀，最重要係怕佢滲水入黎
回覆刪除[版主回覆05/13/2010 10:40:00]咁我今日問咗先,唔該晒你!!
我都覺得你個cf好快手, 拆野拆得咁快, 我o個個好慢呀~
回覆刪除[版主回覆05/13/2010 11:43:00]可能佢冇第二單job,淨係做我一間咪快啲囉! 同埋你間屋大好多哩!!
你間屋都拆到好爛......真係大工程~~
回覆刪除希望你快d收到樓啦~^^有靚屋住~
[版主回覆05/13/2010 11:30:00]多謝! 我都希望可以7月入伙呀!
嘩!開工大吉呀!祝你一切順利呀~ 期待上去你新屋呢!
回覆刪除[版主回覆05/13/2010 22:08:00]多謝呀!暑假前應該上得嚟啦!
嘩, 間屋拆成咁!!!你裝修都好大工程喎!!
回覆刪除[版主回覆05/13/2010 23:25:00]係呀,咩都唔要喇!!舊樓冇辦法,咩都要換新囉!
哇好~~大工程，成間屋全改，你要小心d窗口位呀，因為做得唔好，好容易入水，有咩問題可以寫比我，我可以幫你問下我bf(佢都係做裝修工程架)。同你打下氣，加油~~~~~~
回覆刪除[版主回覆05/14/2010 09:57:00]好呀!多謝你呀!
祝妳一切順順利利，我實在太親身感受到果種煩惱，果種擔憂......不過放心啦，我信我地可以一齊努力，好快就變成我地嘅love house，加油
回覆刪除[版主回覆05/14/2010 16:53:00]多謝!你嗰度應該都冇事啦!我要星期一先知點處理呀!一齊努力......yeah!
點解個爐唔洗拆? 咁後面咪冇用新磚lor.
回覆刪除[版主回覆05/20/2010 22:41:00]開頭諗住慳啲錢唔換個爐,不過而家都係換電熱水爐喇,所以拆咗lu!!
咁好啦~~我唯有再搵過啦, 唔該晒你呀~~
回覆刪除[版主回覆10/13/2010 15:27:00]唔好客氣!