今日cf 好勤力，8點先收工，上到去仲見到佢做緊嘢，廁所泥水整咗大半，企缸都砌好，不過企缸比想像中細，因為有條好高嘅“博”，係原裝已經有，唯有用嚟放洗頭水沐浴露囉！
原來啲磚都幾多，廳又有﹑房又有
不過睇睇吓．．．點解啲磚大部份都包實晒？牛牛尋日又話check晒冇爛又啱數．．．．．．原來佢只係對過冇送漏貨﹑睇過“外露”嘅磚冇爛﹑同埋拆開兩盒馬賽克！咁究竟其他磚係唔係我要嘅磚呢？？我話唔得，一定要拆開睇，oh．．．第一盒已經錯咗！廁所地磚明明要深灰色，而家變咗啡紅色，牛牛仲堅持話係深灰色，激死！
我本來要左邊第二隻，而家變咗左邊第一隻！唯有安慰自己～～啲花紋現啲喎！！不過廳地台隻淺灰白色真係好靚哩！cf 都話係貴嘢喎！希望鋪完出嚟效果都係咁靚啦！
牛牛又話尋日同cf double confirm咗電制位，total 24個，但係我又明明記得係25個，今日我自己數一次，係廚房漏咗一個！cf 話聽日加番一個冇問題！
唉．．．．．．連牛牛都唔生性！我真係好累呀～～
加油呀!當完成好你地既love house之後,你會覺得而家辛苦d係值得架~(好似講到生仔咁...hehee)
回覆刪除[版主回覆05/26/2010 14:34:00]哈哈!多謝你! 仲有牛牛陪我入產房添!不過佢得個睇字,咩都做唔到!!
點解呢間野咁多野都錯既 ?? 你真係要跟緊 d 先得呀 !!
回覆刪除[版主回覆05/26/2010 15:50:00]買磚係兩間shop夾埋一齊送,一間錯一樣!激死!! 師父話之前裝修另一間屋,又係大陸運磚落嚟,錯咗大半!我算好彩......
加油呀加油呀....支持妳咼....不過都真係要小心身子呀^^
回覆刪除d 男人係咁架喇....次次話check左d 野多數都會有問題，我都唔知領過幾多次野 lu...heheeee....仲有我成日都懷疑佢地有d 色盲架....明明係唔同色，佢地都話差唔多....都唔知好嬲定好笑.....妳都唔好咁勞氣喇, 乖!!!!
[版主回覆05/26/2010 15:53:00]哈哈......多謝你呀!!
呢段時間真係可以訓練我嘅EQ,我又升咗呢喇
好彩你記得d電掣數量渣，遲咗發現要加就好麻煩又貴。
回覆刪除幫你打氣，加油呀~~~~~
[版主回覆05/26/2010 15:51:00]多謝你! 而家長期處於緊張狀態,一分鐘都不能鬆懈!
男人就係咁架啦, 做事粗心大意, 邊有女人咁細心, 咁清楚記得d細眉細眼野架, 原諒牛牛啦 !
回覆刪除[版主回覆05/26/2010 22:28:00]好彩都唔係好大問題,我冇發佢脾氣已經好好架喇,哈哈!!
錯有錯著, 啡紅色真係sharp d, 花紋現d !!
回覆刪除[版主回覆05/27/2010 17:11:00]唯有係咁諗啦!!不過都係覺得深灰順眼啲!
錯有錯著, 啡紅色真係sharp d, 花紋現d !!
回覆刪除幾時都係女主人數口最精
回覆刪除[版主回覆05/28/2010 23:40:00]哈哈!!係呀,有時女人都唔可以太依賴男人!!
你好! 睇完你的BLOG, 我發現裝修唔只要搵一個好師傅,
回覆刪除仲要一個好監工,我最近找裝修師傅,可以介紹嗎?你的師傅好不好呀?
[版主回覆02/23/2011 15:23:00]就係麻麻地,所以我唔介紹比人喇!