佢哋掠乾水喇！
唔睇真啲真係唔知cf今日做過乜，原來係批灰，仲自備掛窗牛角扇～～型！
廁所又整咗啲黑蚊蚊唔知係乜，所以「不准進入」！
cf 放低咗窗花圖紙比我揀，原來有blog友仔隻心心款（右下角第三隻），我之前問cf 又話冇！不過客廳用心心驚太fancy，cf 又話好少人會廳﹑房唔同款，同埋怕屋苑唔准，我哋嗰度唔知得唔得！所以最後揀咗一個心款（紫圈），好唔好呢？？定係（紅圈）花紋田園啲呢？
仲有馬賽克間嘢終於都覆咗我，唔係．．．係我打上去追佢！好彩佢都知衰，話hold住其他order即刻做咗比我先！星期六就可以上去換喇，不過安全起見，都係唔拼色喇，費事做出嚟又唔啱又唔靚，改咗全部用晒深紫色！淨紫色係dry啲又冇咁sharp，不過勝在穩陣！！可惜佢隻紫色有少少偏紅，同睇色版隻深紫色有啲出入，算啦，都唔會有辦法架喇～～
加油呀 !! 我都好明白你既感受, 因為我之前都勁煩....... 希望你工作無咁忙, 咁你就可以多d 時間睇間屋啦 !!
回覆刪除[版主回覆05/26/2010 23:06:00]多謝你！呢段時間真係好煩，日日對住間爛屋．．．好期待去造傢俬呀，起碼要等多２個星期！見到你啲田園傢俬就開心！！
窗花紫色款幾好~~^^
回覆刪除咁你會唔會換埋深灰色的地磚??
好期待你的新屋~~^^
加油~
[版主回覆05/27/2010 10:03:00]多謝~~地磚唔換喇,反正都係廁所地下,算啦!費事又要同啲人攪一輪,都唔知等幾耐!
我支持紫圈!!
回覆刪除紅圈整體睇, 好花~
日日都追你個裝修進度, 好期待你屋企入伙之時!
[版主回覆05/27/2010 17:09:00]哈哈!!多謝支持呀!不過你要追多一個月喇......
支持紫圈窗花 (^.^)v...你地個企缸既大小係唔係就係圍起既範圍咁大呀?
回覆刪除[版主回覆05/27/2010 23:56:00]好啦,confirm紫圈窗花!
係呀,咪就係個企缸囉,好似係28寸x37寸,因為要塞埋個洗衣機入去,所以企缸咁細囉!
廁所黑果d應該防水黎嫁~~
回覆刪除[版主回覆05/28/2010 00:04:00]哦......咁即係cf冇偷工減料啦,嘻嘻!
你間屋都好大工程喎!
揀返紫色個隻心心款啦, 紅色個隻太花啦, 窗框都係簡單d好, 大複雜既話, 抹窗好難抺架 ~
回覆刪除間屋裝咗咗 d 心心窗框, 間屋睇落去 warm d, 好 sweet ~
[版主回覆05/28/2010 10:04:00]我都係考慮到清潔問題!confirm咗紫色個隻心心款喇!!唔知裝咗之後係點呢!
Hei, 原來你都鍾意心心款, 你講個 blog 友仔唔會係我吧??? 哈哈....
回覆刪除[版主回覆05/28/2010 10:10:00]個 blog 友仔咪就係你囉!! 我一早已經睇中你個窗花喇...呵呵!! 不過bf 話房就good,廳就唔係好襯,所以最後揀咗一個心嗰款簡單啲囉!
原來要浸磚既 真係唔知 ~ €
回覆刪除[版主回覆05/30/2010 01:59:00]我以前都唔識架,係呢排睇得多裝修資料先知道!
你個馬賽克燈好靚呀!!
你揀嗰隻心心款窗框靚啊~
回覆刪除[版主回覆06/01/2010 21:44:00]但係實物長咗啲就唔係好心型喇!!