企缸地下都攪掂，同馬賽克一樣用咗灰色掃口粉，不過唔係好覺眼，好似同白色差唔多！
之前喺大陸見到個心型地漏，諗住問吓cf 啱唔啱用，點知佢好快手已經幫我整咗個老土款地漏喇，算啦．．．
就係呢個喇，幾得意！
全屋換晒鋁窗，都係standard款！本來想做白色鋁窗，好似感覺乾淨啲靚啲，不過要比多二千幾蚊，都係算吧啦！
之前揀嘅心型窗花，唔知係咪個窗太長，好似唔係好心型！cf 話原來我揀呢個款貴啲，不過佢冇加我錢喎！
尋日去咗沙田名華軒諗住睇吓芝華仕梳化，之前有blog友仔話減價三座位 $3xxx，不過已經係月頭嘅事喇，我哋去到已經冇晒，$4xxx 嘅款都冇，睇嚟都要去番九展嗰間買！跟住過咗一田，多人到好似行年宵咁！買咗個電蚊機，可以滅蚊﹑滅鼠﹑滅爬蟲﹑滅小強！原來就係另一個blog友仔買咗嗰隻，特價$225，sales話可以長插，最少用5年，under 500呎兩房一廳都夠用，我見好多人買，有啲仲買兩個添，咁我又唔執輸買咗個，希望真係有效就唔洗整蚊網啦！
如果妳想買芝華仕梳化，去火炭名華軒個倉到睇下，隨時有驚喜。
回覆刪除[版主回覆06/01/2010 09:28:00]我都有聽過會平啲,不過好遠呀!要睇吓有冇時間先,唔該晒!
你個心型地漏應該用唔到，因為會影響去水，另外你廁所個枕頭，即係突出黎個度應該可以拆喎。
回覆刪除買芝華仕我覺得ikea有張梳化仲好座
[版主回覆06/01/2010 10:05:00]哈哈!我都係貪靚咋,最後都冇買到!! 廁所個枕頭??我唔知有咩用呀!都係等cf 安排囉!
我之前買過ikea梳化,係布藝梳化床,用咗唔夠兩年散晒,所以bf話唔買ikea,可能皮會好啲啦!
唔知係咪影相問題,d馬賽克真係好似變左紅色咁,但都幾靚丫!我覺得個心型地漏好靚呀~
回覆刪除[版主回覆06/01/2010 10:06:00]我諗係因為而家廁所用黃色燈囉!!個心型地漏又冇我份喇......
舖咗紫色磚, 又幾 grand 喎, 好靚呀 !
回覆刪除試吓去荃灣蘋果傢俬睇吓 (我買個間) , 我買個張芝華仕, 都係四千頭, 不過佢有限 colour。我上次行開家俬鋪, 見有d鋪頭都有賣芝華仕, 平過名樺軒 ~
你個電蚊機係邊到買架??? 我都想買返個, 我間屋近山, 好多蚊蟲 ~
[版主回覆06/01/2010 10:53:00]我去深水步訂傢俬順便問吓先! 電蚊機喺一田買架,原係好似$259
我都係買布藝梳化床，我都覺得好化學，但諗住用住先啦，因為ikea有張皮真係好好坐，但要成7000呀，如果你買梳化試下買馬化妮，係馬頭圍道有專門店，我以前坐過都幾好，用左成6-7年
回覆刪除[版主回覆06/01/2010 10:55:00]嘩...7000太貴喇!馬化妮...等我search吓先!
我最近都開始睇裝修D野~
回覆刪除不過都幾煩, 間間都話係黑店...
我都唔知邊間好
[版主回覆06/01/2010 11:51:00]係呀,要花好多時間做research,你諗住邊度造傢俬呀?
係呀, d DESIGN HOUSE食水好深, 仲聽聞好多手尾跟~
回覆刪除所以我而家都仲諗緊...可能會同你一樣出去搵人整就算~
[版主回覆06/01/2010 15:37:00]裝修好唔好真係睇你好唔好彩架!!所以我而家日日上去check住,辛苦啲都要,好過到時錯咗都唔知有冇得救!!
係呀, 我都聽人講要keep住日日去睇
回覆刪除起碼有問題都即刻知, 出錯機會相對少d
辛苦係辛苦d, 不過值得~
[版主回覆06/02/2010 00:12:00]咁你幾時開始裝修呀?
我尋晚經過賣 "電蚊機" 果part 都見到有好多人買呀......希望佢真係幫到妳啦 ^^
回覆刪除[版主回覆06/02/2010 00:13:00]係啦!如果真係work就唔洗加蚊網,好睇好多!
心型地漏好靚!!!!
回覆刪除[版主回覆06/02/2010 00:10:00]冇我份lu~~
哈哈~ 連個去水位都想心型?!!~ 好detail 呀
回覆刪除服左你呢~~
芝華仕sofa 好似好多度都有得買架...你行多幾間格下價好d 呀~
[版主回覆06/02/2010 00:09:00]哈哈!諗住襯番Love House嘛!
我weekend都會去傢俬鋪問吓,好似話會平啲!
回覆刪除其實...應該改到架喎! 方形只係一個面蓋, 下面都係圓形的!
呢D方形渠蓋MK都有得買, 不過係咪心形就無留意勒~
[版主回覆06/02/2010 09:39:00]算啦...整咗就費事改喇!遲咗一步添,哈哈!
我初初仲以為紫色馬賽石用黎舖企缸地下..~
回覆刪除我而家個電蚊機只滅到蚊咋~如果你而家呢個真係work記得通知我..等我返去時入返幾個看門口~
[版主回覆06/02/2010 09:41:00]馬賽克舖地下好難清潔呀! 本來想企缸兩面嘅牆都舖晒馬賽克,不過budget問題只可鋪一部份囉!!
你好呀，想問下你換鋁窗果間好晤好呀，貴晤貴呀？可晤可以介紹比我呀＾＾
回覆刪除[版主回覆04/06/2013 14:37:05]換鋁窗係裝修CF攪架,換晒全屋鋁窗連搭棚同窗花大約萬三蚊
13000好抵，裝得好晤好呀？方晤方便幫我問問佢接晤接散客呀><
回覆刪除