好多blog友仔都幫自己個blog換咗新衫喇，我都襯吓熱鬧先！RoseBlog有勁多教學，我呢個電腦白痴都整到，大家一定得！一齊玩吓啦！不過有冇人可以話比我知，點解右邊最新網誌﹑相簿﹑留言板﹑我的blog友呢幾個字係白色？點可以變返黑色呢？？
除咗blog之外，今年係牛太第一次同牛生喺迷你田園屋過聖誕，梗係要佈置吓啦！帶大家參觀吓聖誕版田園屋．．．．．．
門口屏風～紫色＋幻彩蝴蝶
C字櫃～呢幾個紫色水滴純粹因為唔洗錢唔好嘥就掛埋出嚟
掛鐘～鹿仔聖誕 bell
房門口～最肉酸係呢幾條，因為我揀咗好多紫色裝飾唔夠聖誕 feel，所以求其買多幾條紅紅綠綠嘅
TV wall～又係紫色＋聖誕波波
粉紅色嗰兩個係Melody嚟架，紅色係雪人
結婚Monchhichi＋小可愛
燈燈燈燈．．．．．．我恨咗好多年嘅聖誕燈呀！！第一晚“亮燈儀式”嘅時候，有個小朋友喺樓下大叫“好靚呀！”
如果牛牛早過我返屋企，佢就會開定聖誕燈，然後落巴士站接我，喺樓下望上去好靚架！！
仲有仲有．．．我哋今年嘅聖誕主題係“落雪田園”
，我貼咗大大小小嘅雪花喺幅線簾上，紫＋白，Good！
仲有呢個聖誕老人同聖誕樹係咪好鬼得意呢！係膠嚟架，貼係玻璃窗，朝早望住佢哋食早餐好開心！夜晚出面黑麻麻就睇佢哋唔到架喇，不過唔緊要啦，夜晚可以“點燈”吖嘛！
最可惜係間屋太迷你喇，放唔到真正嘅聖誕樹啦！
沒有留言:
張貼留言