生B煩惱．．．

琴日去咗黃大仙，求咗事業同家宅兩支都係中上簽，開心晒！事業唔講喇，家宅安寧﹑無病無痛﹑夫妻和睦！解簽叔叔好健談，知我啱啱結咗婚就叫我快啲生B，佢話而家開始plan下年生個龍B，龍虎之年出世都好喎！

其實結婚前我同牛牛都諗住婚後一年生B，玩多一年之後生個“小龍女”幾好吖！我好中意小朋友，牛牛更加係超中意小朋友！佢喺街見到BB就會眼甘甘望住人，唔理靚唔靚﹑得意唔得意都會撩人玩！所以生B is a must！但係諗諗吓．．．下年生B咪即係過多幾個月就要開始做人！？我好似未有心理準備展開「做人大計」喎！！我成日都要牛牛照顧，我係咪真係識湊仔呢？而家份工又唔係好穩定，養多個開支好大喎！！如果生個又醜樣又唔聽話嘅點算？？但係過多幾年就係高齡產婦喇，雖然我唔覺得我係！咁點算好呢？

好煩惱之際，睇返blog友仔C&S介紹嘅合成bb遊戲

http://mjclub.com.hk/bb/

http://www.morphthing.com/morph

如果真係咁可愛又乖又叻又孝順就話啫！如果唔係都唔知點算！一係激死我﹑一係我發顛掟佢落街．．．．．．講笑啫！ 睇嚟我都需要心理輔導，我唔想未懷孕就有產前抑鬱，有冇人幫到我呀！？

free pre-wedding @ 1881 The Heritage by WMLaw

等咗兩個半月，終於喺上個月尾收到WM寄嚟嘅CD喇，不過而家先得閒寫blog！我哋只係影咗1.5hr夜景，所以得56張相咋！睇到啲相有少少失望，冇預期中咁靚，加上嗰日勁大風，有啲吹到頭髮亂晒﹑有啲out focus，同埋個妝化得唔夠精靈，影夜景應該化得“行”啲！不過都有幾張幾中意架！

中意呢張，因為側面都見到牛牛笑得好開心，背景又靚

棵樹枝幾正l．．．仲有我 like嘅磚牆！


呢條樓梯完全影唔到我想要嘅效果，因為太多人！

呢張背景building靚不過人樣朦咗，out focus！

牛牛眼鏡趺咗落嚟，成個傻仔咁！

我隻眼望得太高．．．．．．反白眼！


扮跳舞 take 1．．．

支船杆好特別呀～呢個角度都幾好！




呢張都幾中意！其實我唔中意影樹，但係WM影出嚟嘅feel又幾好喎！

抄咗Alan & Kathy玩電梯，不過冇佢哋影得咁sweet呀！

扮跳舞 take 2．．．之前大家都見過啦，我都好中意！

似唔似拍MV？？

呢張隻眼有啲腫﹑手臂有啲粗，不過都幾 like．．．個倒影！

唔知想點！


比WM偷影了．．．


扮跳舞 take 3．．．．．．




我條裙同後面碼頭好襯


海港城條樓梯好得意呀，影得唔好嘥！

估唔到文化中心同懷舊tone又幾襯喎！

我哋好似矮咗！？


Like！如果後面把遮開咗仲good！


呢張都好like！雖然頭髮亂咗！

可能影相嗰日比較趕，佢哋支閃燈又失靈，加上大風．．．各種原因令到輯相冇預期咁好！但係我都好中意WM嘅style and colour tone，佢tune啲色好有feel，同埋佢super nice！我哋之前兩輯都係sweet & 開心feel，今次就浪漫啲，都算唔錯吖！

抵食buffet預祝情人節

我同牛牛一向都唔會慶祝情人節，印象中好似淨係拍拖第一年有送禮物！但係今年話晒係牛生牛太第一個情人節，又即管慶祝吓囉，其實只係我想食buffet嘅藉口！！尋晚我哋倆口子就去咗西環盛貿飯店Cafe 508預祝情人節，2月14貴啲嘛，又多人！（牛師奶幾識精打細算！）

可能大家都唔識呢間酒店，聽講以前叫仁民飯店，我哋上個月尾第一次去食，今個月又忍唔住要再去，全因一個字“抵”！visa埋單有8折，即係weekday $214一位，weekend $232一位！食物選擇唔多，但係淨食我哋最中意嘅海鮮都夠回本！！同埋呢間酒店唔多人，坐得舒服，攞嘢食又唔洗同人搶！



先嚟碗沙律開吓胃先．．．呢係並唔係普通碗，而係一個大湯碗！個salad bar超多配料任你夾，最新奇係竟然有新鮮馬蹄！

蕃茄湯and竹笙蟹皇湯～係新鮮蕃茄唔係罐頭湯，竹笙真係有的

冷盤＋芝士～有三款cheese，啱晒我呢個芝士怪！

輪到海鮮環節喇～～生蠔﹑長腳蟹﹑麵包蟹﹑翡翠螺﹑三文魚．．．我不停重覆食呢幾樣嘢．．．．．．

無錯！碟碟都係一樣的！我食咗14隻生蠔﹑12條蟹腳﹑12件三文魚！生蠔唔係好大隻，但係好鮮甜濃味，蟹腳都ok唔會太咸，三文魚好肥美，翡翠螺勁大隻，不過太飽肚唔敢食咁多！

熱盤都係普通款式，選擇唔算多，味道一般！好彩我一向對buffet熟食冇咩興趣！較為欣賞係pizza同埋即炒pasta

每樣攞少少試吓好喇．．．

pizza有四款，都係薄批，襯熱食仲脆架！！

即炒pasta可以自選麵底／配料／汁

鐵板燒係即燒嘅，不過攤凍咗就唔好食！

甜品就少少失望，上次有兩款chocolate cake and chocolate mousse都幾正，今次冇咗！其他款式一般，喜歡dessert嘅朋友都會失望呀！

呢款chocolate mousse味道ok不過唔夠滑，下面係木槺mousse，唔要木槺仲好！

朱古力噴泉我冇玩，too heavy！最下面嗰兩條我唔知叫咩，好脆好好味，我食咗好多條！

每日兩款雪糕，chocolate同cookie n cream都唔錯，有時會係strawberry我唔食嘅！仲有cheese cake味道ok不過唔夠滑！

buffet時間係630-930，到930啲人已經走晒喇！

樓梯口對鏡自拍．．．．．．覺唔覺得牛牛肥咗！！

同牛牛一齊食嘢好開心，因為佢都我都係好中意食and大食！想當年我哋拍拖時仲比朋友改咗個外號叫“大食夫婦”，而家成真啦，哈哈！！