，印象中好似淨係拍拖第一年有送禮物！但係今年話晒係牛生牛太第一個情人節，又即管慶祝吓囉，其實只係我想食buffet嘅藉口
！！尋晚我哋倆口子就去咗西環盛貿飯店Cafe 508預祝情人節，2月14貴啲嘛，又多人！（牛師奶幾識精打細算！
）
可能大家都唔識呢間酒店，聽講以前叫仁民飯店，我哋上個月尾第一次去食，今個月又忍唔住要再去，全因一個字“抵”！visa埋單有8折，即係weekday $214一位，weekend $232一位！食物選擇唔多，但係淨食我哋最中意嘅海鮮都夠回本！！同埋呢間酒店唔多人，坐得舒服，攞嘢食又唔洗同人搶！
先嚟碗沙律開吓胃先．．．呢係並唔係普通碗，而係一個大湯碗！個salad bar超多配料任你夾，最新奇係竟然有新鮮馬蹄！
蕃茄湯and竹笙蟹皇湯～係新鮮蕃茄唔係罐頭湯，竹笙真係有的
冷盤＋芝士～有三款cheese，啱晒我呢個芝士怪！
輪到海鮮環節喇～～生蠔﹑長腳蟹﹑麵包蟹﹑翡翠螺﹑三文魚．．．我不停重覆食呢幾樣嘢．．．．．．
無錯！碟碟都係一樣的！我食咗14隻生蠔﹑12條蟹腳﹑12件三文魚！生蠔唔係好大隻，但係好鮮甜濃味，蟹腳都ok唔會太咸，三文魚好肥美，翡翠螺勁大隻，不過太飽肚唔敢食咁多！
熱盤都係普通款式，選擇唔算多，味道一般！好彩我一向對buffet熟食冇咩興趣！較為欣賞係pizza同埋即炒pasta
每樣攞少少試吓好喇．．．
pizza有四款，都係薄批，襯熱食仲脆架！！
即炒pasta可以自選麵底／配料／汁
鐵板燒係即燒嘅，不過攤凍咗就唔好食！
甜品就少少失望，上次有兩款chocolate cake and chocolate mousse都幾正，今次冇咗！其他款式一般，喜歡dessert嘅朋友都會失望呀！
呢款chocolate mousse味道ok不過唔夠滑，下面係木槺mousse，唔要木槺仲好！
朱古力噴泉我冇玩，too heavy！最下面嗰兩條我唔知叫咩，好脆好好味，我食咗好多條！
每日兩款雪糕，chocolate同cookie n cream都唔錯，有時會係strawberry我唔食嘅！仲有cheese cake味道ok不過唔夠滑！
buffet時間係630-930，到930啲人已經走晒喇！
樓梯口對鏡自拍．．．．．．覺唔覺得牛牛肥咗！！
同牛牛一齊食嘢好開心，因為佢都我都係好中意食and大食！想當年我哋拍拖時仲比朋友改咗個外號叫“大食夫婦”，而家成真啦，哈哈！！
睇相都幾okay喎!! 食海鮮回本喇....
回覆刪除有機會等我都試下先...
[版主回覆02/12/2011 00:39:00]即日book枱都有位呀,真係值得一試哩!
又真係幾抵食wor~~
回覆刪除[版主回覆02/12/2011 00:38:00]如果中意食生嘢都好ok架!
都幾抵食喎~情人節當日食西餐真係好貴....
回覆刪除所以我同老公一齊去打邊爐過情人節
HAHA~
[版主回覆02/12/2011 23:21:00]情人節得9度打邊爐都好喎!!
牛生牛太，預祝你地情人節快樂呀~~~
回覆刪除14隻﹑蟹腳﹑翡翠螺<~~~全部我都唔食得，你好衰架!!放咁多相黎，引死我啦!!!
[版主回覆02/12/2011 23:29:00]我地祝你哋最後一個單身情人節快樂呀!!
仲有一個月咋,忍埋佢啦!唔好亂食嘢喇!!
e... 好似唔錯喎, 睇下有冇機會去試下先, 不過地點唔太岩我地呀~
回覆刪除[版主回覆02/12/2011 23:30:00]西環真係幾唔方便架,不過我地放工去就近少少!
D生蠔都唔錯喎, 好掛住D魚生同蟹腳....遲D帶老公黎食先....
回覆刪除[版主回覆02/12/2011 23:32:00]中意食生蠔就一定回本呀!抵!!
好似幾ok喎~~會唔會好難去呢??
回覆刪除[版主回覆02/14/2011 09:40:00]銅鑼灣渣甸坊有西環小巴,過咗石塘咀市政大廈/McDonalds就係酒店喇!
等我都去試下先~
回覆刪除[版主回覆02/14/2011 09:40:00]你放工去就好近啦!!
生蠔真係OK??? 而架好多酒店都唔得呀!
回覆刪除我都想去試下, THANKS!!
[版主回覆02/14/2011 09:41:00]係呀,呢間生蠔真係幾得架!!所以淨食生蠔都抵呀!
依間未改名前仲抵, $200一個...不過依家都唔貴
回覆刪除[版主回覆02/14/2011 14:19:00]係?我以前唔知有呢間酒店,睇嚟都可以keep住捧場!!
你食極都唔肥~~~ 你就好啦~~
回覆刪除[版主回覆02/23/2011 15:02:00]你都唔係肥呀,仲好靚女添!!