星期日同牛牛去咗海洋公園，因為壽星仔免費呀
！仲會送幾張coupon，食嘢8折，買紀念品85折，抵！一早天文台已經話會落雨，我哋梗係唔理，照去可也啦
！朝早陰陰天唔曬唔熱又冇落雨都幾好架！因為冇陽光，我哋勁影lomo效果．．．．．．
因為天氣唔好唔係好多人，玩機動遊戲都唔洗點排隊，真係好呀！玩晒機動遊戲就去食嘢喇，以前去海洋公園例牌食麥記，最平嘛！今次竟然坐喺餐廳食，仲叫啤酒飲添，有8折優惠唔好嘥嘛！不過都要$30杯！
食完嘢3點幾惡夢開始喇，行雷閃電，傾盆大雨，我哋企嘅廁所門口被雨．．．．．．
之後雨細咗就去睇水母館，雖然唔係第一次去，仍然覺得好靚，喪影相！
落山時仍然毛毛雨，窗都濕晒！
牛牛頭髮tee恤都濕晒，我好彩有件風褸遮住個頭咋！
又去探我嘅朋友～熊貓！大家覺得佢“下面”似咩呢？一隻熊貓兩個樣～～哈哈～～
最後一站係買紀念品，有電視框嘛
！睇吓牛牛幾低B！
我梗係揀隻可愛架啦．．．不過冇買！
好想帶呢隻肥嘟嘟企鵝返屋企呀，不過冇床位喇．．．
my friends～～～
panda ice-cream
我哋幾似樣！
最後只係買咗件鯊魚tee比牛牛
水母cap帽係我嘅，紫色呀！
可能又要幾年後先會再去Ocean Park喇，希望到我生日牛牛會帶我去迪迪尼啦！
代我向壽星仔講生日快樂啊!!!同我結婚同一日, 有d 親切感...haha
回覆刪除冇錯...我聽人講話下晝好大好大雨, 不過我已經係酒樓...好彩咋.....
[版主回覆04/21/2011 09:24:00]多謝你呀!下年老公生日我都會記得係你哋結婚一週年,哈哈! 果日下晝狂風雷暴好恐怖呀,你哋真係好彩big day咁順利!
Happy Birthday to your hubby ar......
回覆刪除狂風雷暴o係海洋公園...真係夠晒難忘呀~~
[版主回覆04/21/2011 09:25:00]我都同老公講"你以後都會記得今年生日",哈哈~~
遲左既祝福，幫我同牛哥講聲....生日快樂!!!
回覆刪除開頭既相好懷舊feel呀.....唔知以為係70年代岩岩開幕時影!! 生日可以去ocean park玩真係好.........搞到我都心思思好想去添!
0個隻企鵝....我早年前已經幫你帶左佢返屋企....hehe
[版主回覆04/22/2011 20:43:00]多謝你呀!!哈哈...原來你一早就買咗企鵝仔!!我早幾年買咗熊貓仔咋!
happy birthday呀^^,係囉呢日天氣極差,我去syk100都冇乜嘢睇到=.=
回覆刪除[版主回覆04/26/2011 12:31:00]好彩上晝冇落雨可以玩機動遊戲咋,唔係就得個"行"字喇!!
我見到你呀...不過我湊住呀仔好狼狽所以冇叫你..
回覆刪除[版主回覆04/26/2011 23:41:00]哈,又會咁啱!!咁仔仔有冇比雨淋濕呀,果日真係好大雨呀!
水母CAP幾靚WOW~~85折之後貴唔貴?
回覆刪除[版主回覆04/28/2011 01:34:00]原價都係百五蚊咋,抵!
佢有BB車同雨擋當然冇事啦..
回覆刪除[版主回覆05/13/2011 16:35:00]最辛苦梗係你同老公啦!