Day3 ~ Koh Lipe - Snorkeling Programme 2 ~ Part 1

尋晚喺Walking Street book咗Snorkeling tour，聴講話Programme1浮潛點較近，比較淺水冇咁多魚所以我哋揀 Programme 2，THB650@，百幾蚊一位九點玩到四點包埋lunch真係好抵！今日7點鐘就起身食早餐準備出海喇，Yeah~~~

Sita嘅buffet早餐唔係好得，款式日日都差不多，味道麻麻！勝在餐廳環境唔錯！

最好嘅係每日都有貓貓狗狗陪食！！第一日係可愛小貓！

好八掛呀！！

牛牛出去拎嘢食，貓貓霸咗佢個位！

食飽飽就去walking street 間tour shop報到，然後行出沙灘集合，分派好浮潛用具，點完名就上船出發喇！我哋隻船有9個人，都唔算好迫！

船程起碼有半個鐘，第一站去咗睇呢舊石，中間裂開架,好似就嚟跌咁。。。

跟住就去浮潛喇！yeah～～有珊瑚有海膽有魚，魚唔算好多款，唔係好大條，不過數量都幾多！之前上網睇啲人話見到mo仔，我哋見唔到囉！！

珊瑚都好多，不過唔係好colorful 囉！

之後睇番啲相發覺好多都係影海膽，我問牛牛點解影海膽唔影魚，佢話＂因為海膽唔郁容易影，啲魚游嚟游去好難影囉！＂激死我喇！！！我要魚魚呀！！！

淺藍色唔知咩魚

神仙魚

一大群魚毛

最多係呢種間條魚，因為隔離船有人帶咗麵包去餵魚，引晒呢種為食魚埋嚟，我哋即刻游過去＂痴＂人啲魚狂影相

啲魚多到睇唔到前面囉。。。

我同條魚一齊望鏡頭呀！！

佢哋完全唔驚人！！直頭當你透明咁！

啲水唔係好深，見刑地下架，唔識游水都唔洗驚！

去咗兩個浮潛點，睇嘅嘢差唔多，玩完一輪就食飯喇，食飯地點係一個荒島！

我哋就係喺呢個島開餐喇！！

環境唔錯，只不過呢個荒島真係＂百無＂，連枱櫈都無囉！

是日午餐～炒飯！雖然賣相唔得，但係仲暖暖哋唔難食囉！

我哋就係咁坐喺石上面食

仲有生果～菠蘿＋西瓜，你睇牛牛似唔似強國人！？

對住呢個view食炒飯都幾唔錯，我食晒成盒哩！！

食飽飽就影吓相啦，成個島就係得3隻船帶人嚟食飯，唔通呢度係遊客飯堂？

今日好厚雲呀，如果天氣好一定超靚囉！！

我哋隻船呀！

待續。。。