2009年11月7日 星期六

Wedding expo

去wedding expo其實得一個mission,就係join pre-wedding!一開門我哋就去,都冇咩人!第一間睇芝柏,可以影數碼港﹑玫瑰堂﹑外景﹑遊艇。上次林生註冊去過一次,玫瑰堂真係好靚,不過數碼港就唔中意,唔特別,個海又唔靚,外景就間間都係果啲地方!而且芝柏價錢偏貴,我哋傾左一陣就閃。

Zara Bride sell越南沙漠,係幾特別,啲景都靚,不過衫同造型就唔得!同埋sales勁hard sell,話冇其他公司去越南影(越南你買左咩!有錢邊個都可以去影啦),又話洪欣﹑陳國邦同羅敏莊唔係收錢做代言人,係比錢搵佢地影(不過衫同造型唔掂囉),個sales就話係佢地要求簡單,但係全部相都係咁,唔通個個搵佢地影嘅都要求簡單?個package仲要兩萬幾蚊,因為要包埋攝影師化妝師機票酒店!最攪笑係個package嘅資料係寫係張單上面,唔比攞走!

其實我哋係諗住睇新天地and法國,因為新天地有紫色木馬,法國有水池綱琴。去到新天地個booth竟然冇人!so scary!!原來佢哋個影樓已經摺咗,得番外景,好似5千幾影3個地方,3套衫,38張相,不過冇油畫,要加千幾蚊,雖然我哋唔擺酒可以唔要油畫,不過感覺好似冇咁抵!

去完toilet出黎,有個幾靚仔好好笑容嘅男仔叫我地坐低睇下相,係台灣公司,佢哋話冇諗住去台灣影唔緊要,都睇吓當參考吓!就係咁我哋就坐低咗,一男一女分別係攝影師同造型師,佢哋口才勁好,好有熱誠!我做咗咁耐TM都自愧不如!佢仲話我哋好襯(我知!),好上鏡(我都知!),叫我哋影完啲相比佢哋做sample,下年公司可唔可以再嚟香港expo就係靠我哋(勁誇張!)又話牛牛留鬚好型,到時影相可以兩個look(替鬚前後),好特別!又話我哋好sweet,影出嚟會效果會好好,好自然!仲送咗好多嘢比我哋,就係咁,我哋乖乖比錢......

package請看下篇

沒有留言:

張貼留言