早兩日同埋媽咪﹑牛爸等一行7人去麗晶睇多次 last confirm，大家都覺得冇咩問題，最緊要裝番啲窗花就ok，就算業主企硬唔減價我哋都照confirm買，不過佢唔肯出嚟一齊簽約，要我哋簽咗臨時買賣合約﹑開埋支票fax比佢，佢睇過OK先簽，真係幾大支嘢都有！我哋都照做，點知第二日agent話個業主08年買層樓到而家未過罰息期唔賣得住，要3月1日之後先可以簽臨時買賣合約，4月中比大訂，4月尾交吉，即係咩都要postpone個半月！咁我哋而家租緊果度又要比多兩個月租，即係被迫比多萬五蚊！
根本個業主冇可能唔知自己未過罰息期囉，但係又唔一早講，淨係識得諸多要求，到而家我哋confirm晒先講，擺明夾我哋就佢啦！叫佢減番一萬蚊樓價都唔肯，仲要話自己唔急住賣，睇好樓市會再升！咁你就唔好咁ｘ街一早放盤出嚟又唔通知人要postpone成交期啦！咁巴閉咪等到升到二百萬先賣囉，都低低哋嘅！！
其實我check過佢係08年2月27日買，如果罰息期係兩年，即係過咗10年2月26日就可以轉手，咁可唔可以而家簽咗臨時買賣合約先，我就可以問定mortgage，返正都要6個星期先approve，跟住3月頭比埋大訂，3月中交吉，咁得唔得？
我哋再問番之前睇過16X 嘅盤，全部都17X 賣咗喇，睇嚟我哋同麗晶都係有緣無份．．．．．．
放心，有間更筍o既等緊你o地！
回覆刪除[版主回覆01/21/2010 09:43:00]以我哋嘅budget,呢個應該係冇選擇中嘅選擇!!
'寶物尋歸底',最後你一定會搵到心目中的dream house,千祈唔好比d無謂人激親!
回覆刪除[版主回覆01/21/2010 16:31:00]我都好想快啲有個安樂窩呀！！