又係又係麗晶!!

今日又去睇多次，好彩agent勁nice又唔嫌我哋煩！其實我哋都預咗冇得平，不過差幾萬都唔係咁大問題，所以都係睇多次係咪真係中意先！第三次睇呢間屋，都覺得幾舒服，之前最擔心係一樓會爆屎渠、塞廁所，點知agent話啲渠係由頂樓去到二樓，一樓係獨立渠嘅，所以一樓好過二樓！嘩！一聽到呢個消息，即刻覺得講唔到價都ｏｋ，果兩萬蚊就當係用嚟解除爆屎渠嘅憂慮！！

當然我哋都有盡最後努力叫agent打比業主再講價，不過尋晚有另一個買家還價１５０開埋支票個業主都唔收！咁我哋又試吓１５１囉，平得一萬得一萬啦，結果當然係失敗啦！之後我哋就向agent埋手，見佢咁nice咪叫佢減佣囉，今次我哋好叻呀，講到齊頭一萬，即係７折左右啦，都慳咗$5200架！！

聽日帶埋媽咪同牛爸去睇多次，如果佢哋都冇問題就扑鎚喇！