等我解說吓啦！一入門口就係open kitchen，所以會用屏風遮住個爐頭。門隔離係小餐檯同鞋櫃。右面係客廳，因為拆咗廚房個廳就大好多可以開檯打牌！LCD電視座檯唔掛牆，因為幅牆想拆咗再砌過，一來薄啲，二來移出啲幅牆先可以放大衣櫃。電視櫃側邊有落地燈，打麻雀唔夠光可以用。睡房有床﹑衣櫃同梳妝檯（我咁大個女都未試過有自己嘅梳妝檯架！！）另一間電腦房就真係得張電腦檯同電腦囉！因為第日留番比阿B，所以盡量唔擺咁多嘢喇！同埋唔想成屋雜物又亂又污漕！仲有廁所由浴缸改方形企缸，因為要放埋洗衣機入廁所，洗手盤都要盡細！（間屋細冇辦法！！）重點係企缸入面要鋪紫色紙皮石，仲有全屋窗簾都係紫色，不過未揀深紫定淺紫，牛牛approve咗喇！兩間房都油淺紫色wall，廳同全屋傢俬都係白色，except梳化！
其實都係我自己幻想出嚟咋,唔知最後係咪真係咁呢？
http://zh.floorplanner.com/
大家有興趣可以試吓哩！
好勁呀你!!!
回覆刪除[版主回覆02/04/2010 09:48:00]哈哈...其實唔係真係好難!!你攪成點呀?淨係出一個post應酬咗我就算!!
Woo~~好勁呀!!! 有埋3d floor plan感覺真實好多, 預位都好d
回覆刪除你用咩software整ka?
[版主回覆02/04/2010 10:42:00]http://zh.floorplanner.com/
試吓吖,都唔係好難,不過我差不多整完時hand機要重新整過!激死!!
好似好正又好好玩咁。
回覆刪除[版主回覆02/06/2010 23:04:00]都幾得意架!同埋方便諗裝修囉!!
好勁呀你~ 我之前都有玩過, 不過最後都係失敗:p
回覆刪除[版主回覆02/06/2010 23:03:00]好都整咗幾次呀!都幾有滿足感架!
你個電腦白痴都識整! 估你唔到喎!!!!
回覆刪除[版主回覆02/06/2010 23:02:00]我進步咗好多喇!!
又幾好喎, 等我都學下先!
回覆刪除嘩, 我試左la,我完全整唔到呀.咁難整o既~
回覆刪除好勁ar 你,究竟你點整ga?
[版主回覆04/04/2010 17:45:00]你要有尺寸先容易整架,用米做單位喎!
入咗開始"我的第一個項目"版面,右邊有個"建設"框框,按第一個icon就可以間房喇,下面"圖書館"框框就比你揀傢俬囉!
你好勁呀!!!等我又去試下先
回覆刪除[版主回覆04/18/2010 23:03:00]都好幾玩架,不過我都攪咗好耐先整到呀!
我都有整到呀...但係唔知點解2D 圖save 唔到出黎...反而3D圖又得, 你知唔知原因呀?
回覆刪除[版主回覆04/28/2010 13:42:00]save唔到? 唔知喎!! 不過我試過兩次整好晒之後hand機要重新整過!!
我都有玩ar...e原本地板都有得揀...等我得閒再整先hee
回覆刪除[版主回覆11/05/2010 19:30:00]係呀,都幾得意架!
原來你都係去Maldives honeymoon,補番句"新婚愉快"