最近幾個weekend都係周圍睇傢俬﹑睇電器﹑搵裝修，雖然4月尾先收樓，不過趁呢排得閒咪睇定囉，唔係嚟緊又過年，3﹑4月又影相又去台灣就冇咁多時間喇！諗咗成個月都大概諗咗整咩style，不過保持神秘唔講住（我知我好快忍唔住會post啲相出嚟！）其實梳妝檯﹑衣櫃﹑鞋櫃﹑電視櫃﹑廚櫃﹑餐檯﹑燈都睇啱咗幾個款喇，係爭度埋尺寸就可以confirm買邊款！仲有電視﹑電磁爐同抽油煙機已經買咗，因為“Best”有優惠，$7880有三樣嘢，真係平到喊！！我哋揀咗46吋TOSHIBA電視﹑尚朋堂雙頭電磁爐同埋西門子抽油煙機，我哋呢啲“無飯夫婦”對於煮食爐同抽油煙機都冇咩要求！
另外，裝修都問咗三間，而家等緊報價再決定揀邊間！
不過梳化就唔知點算，因為睇咗好多次都未決定買布藝梳化定真皮梳化！原本我哋已經諗定買紫色布藝梳化（係一定要紫色！），點知同事仔話：「一個唔該倒瀉可樂就賴嘢喇，會滲晒落底，個套拆出嚟洗又可能縮水用唔番！」雖然我戒咗可樂好耐，不過我已經諗定第日阿Ｂ啲口水流到成張梳化都係．．．．．．（好似諗得遠咗！）總之就係唔襟污漕啦！不過布藝梳化又多款又靚又有深紫淺紫色，最緊要係平！而芝華仕真皮梳化又確實好舒服同易打理，不過價錢係布藝梳化嘅double！！我嘅“選擇困難証”又病發喇，今次連牛牛都話呢條係“一百萬嘅問題”，咁點算？好彩嘅係我哋仲有時間，遲啲去試坐多幾次先！！
唔介意真皮梳化可以考慮宜家丫，我都睇中左嫁，不過太貴所以唔買，都係買布藝梳化可以平d best個d真係好抵，可惜我電磁爐唔岩我，你買雪柜未？未買就要去吉吉島睇下啦
回覆刪除[版主回覆02/03/2010 15:51:00]宜家嘅價錢我寧願買cheers喇,好似出名啲口碑好啲!
我就係因為本身有雪柜,如果唔係可以買多個package仲抵,有埋洗衣機﹑微波爐﹑暖風機,而家買得一套!!
個d package都唔岩我，雖然我係要買，但心有所屬了，可惜 宜家有張皮幾好坐，不過都6千幾，cheers都幾好坐，但我覺得宜家好d，不過個個人感覺唔同，但買cheers可以買電較喎，好似好正
回覆刪除[版主回覆02/03/2010 16:25:00]6千幾好貴呀～cheers都唔考慮電較喇，聽講要成萬！一次過要買咁多嘢真係好傷呀！！
係呢, 你打算花幾多錢搞你間love house?
回覆刪除[版主回覆02/08/2010 18:17:00]裝修連傢俬電器希望20萬ok啦,因為整廚房廁所好貴呀!!