點解睇咁耐？因為一開始想買布藝梳化，有深紫色，不過媽咪極力反對，話布藝梳化難清潔，唔襟用！咁我哋就focus睇真皮梳化，芝華仕﹑茲曼尼﹑歐化﹑梳化倉﹑傢俬鋪．．．．．．睇咗好多次，牛牛都係鍾情Cheers，不過我哋間迷你屋唔係張張梳化都擺得落，但係又想要三坐位！芝華仕大部份款式都over 80吋長，就算我哋擺得落都唔夠位拉手制，即係得一邊腳位可以彈出嚟，咁咪嘥咗另一邊！轉電較又好似要加$1500，唔合乎經濟原則，no way！
唯有名華軒有張三坐位長度只有77吋又幾靚仔喎！好多人話名華軒貴過出面傢俬鋪，所以我哋又問吓裕興發呢個款賣幾錢，點知回覆係－－呢個型號check唔到，應該係新款同埋係名華軒獨家嘅！
Oh．．．即係焗住買貴嘢啦！所以星期日都係去咗名華軒乖乖比錢，好彩而家有世界杯優惠，新客戶減$300，舊客戶減$500，頭等艙啲款減$1000添呀！好似做到7月中世界杯完結。舊客戶嘅定義係有張單嘅copy或者cheer sofa嘅照片比佢哋已經可以！！仲可以之後email / fax 後補比佢哋，Good！
多謝blog友仔肯借出相片一用，又慳多$200！
我哋買嘅係型號 #8853米色，雖然冇頭等艙嗰啲咁舒服，又未至於一坐低就唔願起身，不過勝在夠纖巧，左右兩邊都夠位拉手制，我坐上去又唔會吊腳！！同埋芝華仕梳化全部都有塊膠紙貼喺腳位，印住Cheers，聽聞話撕咗出嚟就冇保養，即係要幫佢賣廣告！sales哥哥話大部份型號腳位都係用仿皮（唔知係咪因為仿皮所以要用塊膠紙遮住），而我哋買個款冇呢塊膠紙架，同埋連腳位都係真皮，咁又好似抵咗！！
原價$5380，舊客戶減$500=$4880
下...原來果張膠紙係for保養架?! 唔怪得好見好多人都唔搣啦...仲以為佢地懶巴閉話比人知係芝華仕添...sorry, 我怪錯左佢地...
回覆刪除[版主回覆06/22/2010 16:16:00]哈哈！！我都唔知係咪真架，不過上網見有人咁講！！
我都打算買 cheers，不過都要等收左樓先!
回覆刪除[版主回覆06/22/2010 17:18:00]可以買咗先遲啲送貨架！
我屋企張芝華仕梳化都係名華軒買, 仲要係頭等艙~ 雖然好貴, 但我地返到屋企, 好自然就坐係梳化度睇電視, 真係除左張床, 梳化係用得最多既傢俬, 真係貴買平用~ 計落都抵返~
回覆刪除[版主回覆06/22/2010 17:21:00]頭等艙真係好正呀！我同ｂｆ成日都去試坐！ 不過我間屋冇可能擺得落！！唯有揀啲細細張嘅款，不過都舒服過其他牌子（我覺得！）
雖然我個間迷你屋擺咗張 cheers 真係仲細咗, 但係坐落真係好舒服。而家個位都係拉開哂成張 sofa 剛剛好咋 ~
回覆刪除[版主回覆06/23/2010 09:20:00]我而家諗緊個茶几唔知點擺...我哋又冇餐枱!!
我都係買cheers ka.....你唔去佢火炭廠看下先..., 不過, cheers 都真係唔錯既, 我反而一target 就係cheers, 無看其他
回覆刪除[版主回覆06/23/2010 09:39:00]因為火炭好遠呀!!本來我睇中一張好似你買嗰張架,不過都係大咗啲...
哈哈......我放咗張 cheers 係廳之後, 已經放唔落茶几啦 !!! 我哋買咗摺得埋既餐枱+摺椅, 唔用既時候, 摺椅收係雜物房, 張餐枱就推埋牆, 咁樣慳位好多 !!!!
回覆刪除[版主回覆06/23/2010 10:19:00]摺枱我都會買呀!不過諗住第時自己整早餐,如果有張茶几仔就方便啲囉!
hi Phobe, 我依家都係裝修緊新居準備2011年初結婚, 我成日睇你個blog, 你d資料真係好有用, Thank you!
回覆刪除[版主回覆06/23/2010 12:32:00]唔洗客氣！ 多謝你睇我個blog，d資料幫到大家我都好開心架！
唔係喎，我張梳化，送黎已經無膠紙係腳位？！ 咦，唔通有人手痕搣左，定係......我個張係 A 貨？
回覆刪除[版主回覆06/23/2010 15:59:00]可能某啲新型號係冇，我見舊款就全部都有喎！！
我都買左芝華仕梳化,係名華軒買
回覆刪除[版主回覆06/23/2010 16:00:00]芝華仕真係幾好坐，不過出面有嘅款就最好出面買喇，平一千幾百都好！！
yi~ 呢張sofa 幾靚咁wor! 又fit 到我間屋0既size~
回覆刪除你搞到我好想買呢張sofa 呀!
[版主回覆06/24/2010 09:43:00]你去試坐吓先啦!!優惠去到7月中,可以訂咗之後遲啲先送貨架!
張 sofa 好靚呀, 一定好舒適 tim
回覆刪除[版主回覆06/24/2010 11:12:00]款就一般啦，不過真係幾舒服架！
因為我地自己油油,我訂造傢俬嗰到話淨拆門同改電制好難搵師傅.
回覆刪除好彩,最後都搵到師傅改電制~
自己攪都好既~起碼d款啱自己心意d嘛~~~
yes!一齊努力~
[版主回覆06/24/2010 13:26:00]你哋好勁呀!自己拆門﹑油油!!我都好想快啲睇到你哋間屋裝修完成呀!!
我在傢俬店買傢俬時一齊買的，我沒有特別指定要甚麼型號，在名華軒試坐時覺得張張都好舒服 (除了最便宜那張 L 型外，但都比其他牌子舒服)，唯一要求是電動較。 後來，我才發現名華軒倉同門巿賣的款式跟傢俬店賣的是不同。我那張梳化在門巿和倉都找不到，在大陸網站才見到。不過.....都無咩所謂啦，價錢相宜，好坐就得啦！
回覆刪除[版主回覆06/24/2010 16:09:00]係呀,間間賣啲款都唔同架!傢俬店啲款我放唔落呀,除咗 L 型嘅三坐位款!不過真係麻麻哋好坐!!
嘻嘻...慳錢嘛~
回覆刪除鬼叫我地訂傢俬咁死貴咩...
惟有呢到慳返d
[版主回覆06/24/2010 21:30:00]一分錢一分貨嘛!!
我本來都睇中左張芝華仕梳化~~ 諗住confirm 的時候... 口多多話要cut左個廣告膠... 個sales 先話我知唔剪得... 即走! hahaha~
回覆刪除[版主回覆06/24/2010 23:44:00]睇吓新款嗰啲啦，可能仲有其他款冇塊膠架！ 咁你裝修攪成點呀？
哈哈~ 前2日去再去睇... 真係出左張新ga!!! 超靚又無膠!!! 不過..... 過萬...... 唔係好捨得...........................................
回覆刪除[版主回覆06/25/2010 00:29:00]wow．．．過萬太貴喇！
菲比小妹~~
回覆刪除你裝修嘅進度都真係非常之好好好好呀!!!!
相比起我同你同一日收樓... 我哋間屋仲未開工! :p
怪只怪自己太過麻煩，啲圖紙改完再改再改改改!
睇你個blog真係好開心~ 好多謝你呀~ 哈哈~~
講開芝華仕梳化，我哋都睇中咗呀! 仲要係頭等艙系列....
真係貴到嘔! 我bf仲想加電鉸點呀~ 真係唔得佢死......
乜原來舊客戶嘅定義係影相都得呀?! 唔駛俾返張舊梳化佢?! 好彩你講一講咋! 真係多謝你呀!!!! ^3^ yeah! 希望我哋都慳到500-1000啦~~~
小車車
[版主回覆06/29/2010 13:00:00]吓？仲未開始？？我１月已經開始籌備﹑諗定點裝修﹑邊度買嘢．．．所以進度都ｏｋ啦！ 因為同我夾份租屋嘅朋友仔已經搬走咗喇，所以我都要快啲，如果唔係比要兩份租﹑又要供樓好貴呀！ 唔駛俾返張舊梳化佢架！！我ｅｍａｉｌ張相比佢咋！如果頭等艙可以減$1000喎！記得７月中之前買定先呀！ 加油加油～～
菲比小妹~~
回覆刪除哈哈~~ 多謝你嘅鼓勵!
我哋會加油架喇~
你一月已經開始plan架喇~~ 勁呀!!!
我5月頭先開始揀師傅，睇咗差唔多成個月，所以6月頭先confirm師傅+落大訂，之後呢幾個星期我係咁改個圖紙，同埋睇牆紙囉...
我哋一星期已經用晒啲星期六日搞裝修啲嘢喇...... XDDD
我哋啱啱果個星期日先confirm晒啲圖紙~ 所以下星期終於可以開工喇~哈哈~~~
好嘢呀~ 好彩之前未俾訂名華軒咋... 可以減到一千太好喇.... 又可以慳返啲! 菲比小妹，我有樣嘢想請教呀~ 我想問，芝華仕啲梳化咁大，會唔會俾唔到門口?? 咁係咪要拆開佢先入架? 你有冇遇到呢個問題?
小車車
[版主回覆06/29/2010 13:57:00]係咁改個圖紙－－＞你係咪搵design house嗰啲呀？因為我哋屋仔細細，都冇咩設計可言，所以煩少一樣囉！ 梳化我未收貨架，不過又唔覺有人話入唔到門口喎！我星期日收貨，到時話你知吖！ 你會唔會寫裝修blog呀？
design house? 即係咩呀? 我唔識呀~
回覆刪除最後我搵咗『名匠』幫我訂造全屋櫃囉~就係因為我哋屋仔細細，所以訂造櫃會慳位好多呀!
但就因為我自己又有意見，所以咪係咁改師傅個設計囉... XD (如果唔係我咁煩，我諗6月頭果時已經可以開工喇... :p 都係自己衰...) 好彩紀師傅冇嫌我煩，係咁幫我改圖，又俾意見我囉~ 哈哈~
你星期日收貨呀... 咁我會繼續緊追你個blog架喇~ 咔咔咔!
我自己無寫blog呀... 因為好忙呀... 所以無時間寫... 其實我一直都心思思開blog，但一直都未搞... XDDDD
小車車
[版主回覆06/29/2010 15:17:00]即係室內設計公司嗰啲，會幫你諗埋點樣偷位增加空間，裝飾到好有style，又有３D圖嗰啲囉．．．不過通常都好貴！ 『名匠』都好出名，不過間間都有人話好有人話唔好，總之就自己跟足啲啦！ 我唔知呢個星期仲有冇時間update個blog呀！因為新屋裝修入直路喇，會好忙好忙．．．盡量同大家分享啦！
吓，咁我真係唔知名匠算唔算design house果啲喎... XDDD 因為佢哋其實係專造廚櫃果啲~ 但我哋就唔知點解搵搵吓就搵咗佢訂造全屋櫃囉~ 哈哈哈!
回覆刪除但係暫時由傾嘢、報價、度呎、再報價、出圖紙、覆呎、改圖紙，啲服務仍然係好到無得頂呀~ 不過我好同意你所講嘅『總之就自己跟足啲啦！』~ 因為間屋始終係自己住，唔係人哋，有時有啲嘢，唔係住果個都係會睇唔到諗唔到架嘛~ 所以自己跟緊啲，到時就算有嘢唔OK，都唔會係大獲嘢吖嘛! ^^
哈~ 恭喜你進入最後直路呀! 係啦~ 真係忙到傻，所以我真係好佩服你咁有心機update個blog! 多謝晒! ^^
小車車
[版主回覆06/29/2010 16:27:00]我之前裝修都有啲問題，好彩日日上去睇吓，及早發現救得番咋！ 其實我寫blog，原意係想記低呢個辛苦又難忘嘅過程，第時比自己睇番回味吓 點知寫吓寫吓又識到好多blog友仔,可以大家交流吓都好開心架！
hi~~我都岩岩買左呢張sofa 呀~~~真係好舒服~
回覆刪除其實計落都唔算貴, 可以坐7-8 年
平野坐幾年就要換啦!
呢張無膠紙係咪即係無保養呀?
[版主回覆11/04/2010 02:16:00]唔係呀,sales哥哥話呢張無膠紙都有保養架!!
我都買咗呢張呀,而家無優惠喇....$5380~~
回覆刪除[版主回覆05/30/2011 18:47:00]唉呀~~佢地點解唔做埋歐聯優惠呀!!