考慮咗幾個月，貪靚嘅我都係決定著婚紗註冊﹑著晚裝食飯！
由於註冊同食飯都只係得屋企人出席，又唔會攪大龍鳳，所以婚紗晚裝都係簡單為主，同埋要平靚正！！
淘寶當然係好選擇啦！3個月前
淘寶買嘅婚紗已經改好喇，喺銅鑼灣改短＋收窄 $380，好貴！其實我唔係好中意個款，因為發覺我著A-line唔好睇呀，所以想買條泡泡款，不過唔會加鋼紗，但係呢條又會嘥咗喎！雖然話買多條都係幾百蚊，不過pre-wedding又影完，最多都係食飯著完帶埋去Maldives 自拍 post-wedding，買多條都唔一定滿意，到時又唔啱size或者唔靚咪又係嘥！好難諗呀！！
不過其實我已經揀咗3個款都好似幾好，考慮中．．．．．．
晚裝就一定會買架喇，一定要紫色，但紫色選擇唔係好多，所以搵咗好耐，有兩件心水，邊件好啲呢？
A．幻彩紫色，設計特別，比較elegant，不過唔知著上身好唔好睇，淘寶人嘅comment係胸部嘅形造得不太好同埋冇魚骨！淘寶 $428
http://item.taobao.com/item.htm?id=3130316256
睇睇吓比我發現原來香港有人可以訂造呀，實物仲好靚添！如果我真係揀呢件可能會搵佢造，好似穩陣啲！又唔算貴喎，$880仲包改一次添！！
Manythanks_Online Wedding Dress
http://hk.myblog.yahoo.com/manythanks_online/article?mid=267
B．呢款立體花好soft，有blog友仔買咗淺紫色都好靚，不過有少少似伴娘裙！又係
Manythanks_Online Wedding Dress訂造，$680-880 視乎質料而定，淘寶搵唔到呢個款！！
http://hk.myblog.yahoo.com/manythanks_online/article?mid=402
1．中意呢件胸位有波浪邊，同埋好似有魚骨，會修腰啲！唔係一般紗，係有花紋嘅！不過實物唔知會唔會偷工減料走晒樣哩！！淘寶 $222
http://item.taobao.com/item.htm?id=5572213673
2．睇中咗呢件好耐，不過淘寶只有一張相，咩detail 位都睇唔到！點知blog友仔
annieannie買咗呀，佢話相似度得七成，不過我見佢著得好靚吖！淘寶 $189
http://item.taobao.com/item.htm?id=6156968161
3．呢件好common，淘寶差不多個個seller都有賣呢個款，不過去馬爾代夫好似幾好！淘寶 $138 （無拖尾）
http://item.taobao.com/item.htm?id=3996302963
大家覺得邊件紫色晚裝好啲呢？買唔買婚紗好呢？？如果買，又買邊件好呢？？？
過程好辛苦但係難忘．．．中間亦有意外同做錯嘅地方，好彩最後都攪掂！
其實而家間田園小屋都有啲小問題同瑕疵，不過我哋接受咗啦！如果事事要求完美，真係比多10萬加一個月時間都攪唔掂！點都好，呢個都係我同牛牛嘅心血結晶～～～
