又淘寶．．．．．．窗簾﹑花花家品

搬咗入新屋十幾日，都未有心情影相﹑寫blog，好似仲好忙咁！張梳化又未整好﹑每日都有各式各樣嘅日用品要買﹑返娘家執咗幾大袋衫同雜物返嚟又要再執一餐﹑結婚啲嘢又未攪﹑加上工作煩惱．．．．．．

新居嘅相都係等攪完晒 house warming先比大家睇啦，保持神秘嘛！（其實大家都估到我間屋係點啦！）

不過之前喺淘寶買咗啲屋企嘢可以比大家睇咗先！

因為中意光猛啲，所以買咗線簾代替窗簾，紫羅蘭色加密型 rmb$13.5/米（佢哋唔係叫深紫色，深紫色係另一隻灰灰哋嘅紫色，唔靚！），加工另計（車布帶連十幾個掛勾）rmb$3.5/米 。我買咗一幅3米 x 3米連加工 rmb$51，運費 rmb$30（韻達快遞 ），平過順豐不過好慢，5日先收到！我幅牆9呎幾闊，幅線簾掛咗上去長咗好多，要自己剪短，好彩冇披口，質量唔錯！同埋太稀疏，要再買多幅先好睇（下圖只係拉咗一半，買多幅就應該係呢個效果喇！），第二次就用順豐到付，運費$48，第二日就收到喇！

http://shenxiu.taobao.com/

另一間買咗6樣嘢，都係花花架！　有兩款花花枱布﹑防蟲紙﹑生果碟﹑窗簾扣﹑“爸爸”袋﹑仲有個花花杯墊係送嘅！

http://shop33911665.taobao.com/

呢幅枱布60x60cm有防滑膠粒 rmb$16，原來尺寸係計埋條花邊，太細喇，所以用咗嚟鋪雪櫃面，啱啱好唔好嘥！

另一幅枱布72x72cm水彩玫瑰 rmb$12，本來買嚟做後備，未諗到點用，點知鋪茶几又fit喎！仲好靚添！

“爸爸”袋（即係放bra入去再放入洗衣機防止變形）rmb$5.5，好大個超抵！

生果碟 27x20.5cm，好似細咗啲，不過又平又靚！rmb$9.9

呢個花球物體其實係窗簾扣，rmb $9.5，買咗兩個

防蟲紙（鞋櫃用），好靚不過好貴！45x350cm（大號） rmb$29，買咗兩卷

以上六件運費 $62，順豐到付，唔知點解今次計體積唔係計重量，好似好唔抵因為啲嘢好輕！



幾日之後我竟然喺惠康發現下面嘅防蟲紙，不過唔係玫瑰花而係蝴蝶圖案，冇咁靚但係細卷只須$7！激死我！！死冇蝕抵又買多兩卷比廚櫃用！