好迫呀好迫呀．．．．．．
Sunrise浴屏～都幾靚仔吖！暫時冇漏水！
Roca坐廁咁多人用，都唔知有咩咁好，我仲未發現到！
Delong雨淋花灑確係正！！不過冬天用會有啲問題，就係有“到汗水”滴落嚟！
紫色水珠玻璃窗台真係幾得意，我日日都望住佢嚟沖涼，好似抺唔乾咁！
牛牛最親密嘅朋友就係呢部白朗洗衣機，佢哋晚晚都有約會，而我同“佢”係零交流，因為我仲未識用！洗手盤櫃係廚櫃公司一齊造，不過太高喇，洗面好唔方便，啲水會由手臂流落手肘！！
雕花鏡原來都唔係好細，啱晒個迷你廁所，不過唔知會唔會好快晦（係木造）！
大牛龜電水爐，呢個已經係最唔當眼嘅地方！（自己呃自己！）
玫瑰花雙掛勾～真係幾靚架，唔知會唔會好快爛呢！
迷你田園Love House的誕生過程請按－－＞裝修篇
點解你唔用石油氣爐既
回覆刪除[版主回覆07/26/2010 11:07:00]因為我哋又好少煮食,廚房改咗位,條石油氣喉要走好遠先到,cf 話整唔到入牆喉,同埋石油氣爐好似好貴,open kitchen又好似唔用得明火......所以費事煩!而家淨係交水費電費就ok啦!
哈哈!!我屋企部洗衣機...都係我老公既朋友仔...因為佢負責洗衫同洗碗....所以我好好架...我唔會侵佔佢領土範圍...哈哈哈!!
回覆刪除[版主回覆07/26/2010 11:08:00]yeah!!
裝修得好靚~
回覆刪除[版主回覆07/26/2010 11:21:00]多謝!! 你間新居都唔洗點裝修啦,煩少好多呀!!
hehe，都係~，始終結婚已經要整好多野!!!
回覆刪除[版主回覆07/26/2010 18:25:00]我就掉番轉．．．結婚唔攪咁多，擺晒ｄ時間心機落間屋度！
我最鍾意浴屏, 正呀~
回覆刪除我8月開始裝修啦, 而家日日係度執野, 超想死~
[版主回覆07/26/2010 18:27:00]你係第一個讚個浴屏呀！！我猶疑咗好耐先決定買架，點知冇人識欣賞！！ 8月開始裝修而家咁快執野？
唔係呀, 我最鍾意呢款浴屏嫁啦~ 無人識欣賞就等我欣賞囉~~ HAHA
回覆刪除因為我係搬走俾佢裝修呀, 感覺超煩, 因為又要搵地方住......
[版主回覆07/26/2010 22:00:00]哦......咁就真係好煩喎,啲嘢要搬來搬去!
你似乎係鐘意MELODY 架喎~哈哈~
回覆刪除[版主回覆07/28/2010 00:06:00]hehe......Melody同Kuromi我都中意架！不過Melody出嘅產品多啲嘛！