honeymoon準備一～防水相機

仲有唔夠兩個月就同牛牛飛去馬爾代夫嘆世界喇！ 期待咗咁多年嘅dream place，梗係要做足準備啦！第一樣就係買番部入水能游﹑出水能跳嘅防水相機喇！
因為我同牛牛講唔掂數，佢應該99%唔會比我潛水（深潛），佢話我年紀大﹑游水又唔叻．．．．．．所以平平哋買部3米防水都夠浮潛用啦！經過一輪resarch之後，（即係比較外型／價錢！不包括功能，因為我唔識！）勝出嘅係Fujifilm FinePix Z33，本來想買粉紅色架，好似sharp啲型啲，不過冇貨，所以買咗黃色，都幾靚吖！最好係夠細夠輕，仲有1000萬像，平時出街都可以用！應該好過我而家用緊嘅Canon IXUS850IS 啩！
上網買全新水貨$799，送保護貼、迷你腳架、代用相機袋，7 日內有問題可換/退款，間公司喺沙田，係樓上辦公室，不過加$10就有courier送到公司，正！！尋日confirm今日courier就送到嚟喇！

有咗迷你腳架我同牛牛就可以合照啦，唔係人哋以為我自己一個人去！！不過真係好迷你！！

黃色都幾靚仔！

相機簡介：
－全球最細的3米防水、防塵相機IP68*等級20.6mm 流線型纖薄機身，貼近手型
－全新SR AUTO 及FACE DETECTION 功能
－ISO 1600 高感光度
－智能閃光燈，自動調節最佳的閃光亮度及感光度
－防震、防模糊模式

相機規格：
－1000 萬像素
－內置 50MB，SD/SDHC 記憶卡
－3倍光學變焦
－5.7倍數碼變焦
－2.7" LCD 顯示屏，230,000像素
－機身體積92.0 (W)x 59.6(H) x 20.6(D) mm
－機身重量110g (淨機身)

Yahoo拍賣店～Citiwide Online

http://hk.user.auctions.yahoo.com/hk/booth/katyeung2004

免費試妝～take 3

weekend又去咗免費試妝，其實應該叫做“新娘試妝model”，如果真係試妝要比$300，兩者有咩唔同？“新娘試妝model”要比佢post 妝前妝後相上blog，三個小時只係試一妝（晚妝）加幾個造型！最唔同係“新娘試妝model”會化到勁濃妝，因為影相出嚟個妝會淡咗30%！即係話試唔到真正效果！

一開始mua有問我想整咩頭，我話要側髻同埋蝴蝶髻．．．可能係我冇講清楚，我係想要young嘅側髻，最後變咗復古側髻！而蝴蝶髻係冇整到嘅，唔知係佢唔識整定冇時間，想一嘗心願都冇機會添！不過第一次著掛都幾得意吖！我應該唔會再有機會著啦！

第二個造型係mua自己決定，好wild，其實幾型架，不過梳起晒啲陰唔襯我方方面囉！同埋好似老咗幾年！

我見佢個blog啲相都係每人整三個造型，我只係整兩個已經用咗三個鐘喇，可能我太多頭髮，又方方面，要勁打陰影！其實佢都好快手／熟手，不過始終唔係比錢試妝，係for影model 相，所以整出嚟唔係我想要嘅嘢！現場睇眼妝勁濃，下眼線畫到黑晒，假眼睫毛用公主李交义6，但我唔中意眼尾加長款，我係要大圓眼呀！粉底色略嫌深咗少少，可能要遷就閃光燈啩！連牛牛都話現場睇我黑咗喎！

化得最好係遮到我眼袋同黑眼圈，Good！其實我都有啲想比$300正式試多次妝，見佢幾熟手又幾nice，試咗3次妝覺得呢個最pro，佢話真正新娘妝會化番淡啲，唔會好似今次咁！

＊＊ 註意：大家如果喺佢個blog見到我張妝前相要保持鎮定！我自己都有啲嚇親！哈哈！！只怪自己玩通宵之後去試妝．．．．．．

布藝坊晚裝起貨

等咗3個星期，喺布藝坊訂造嘅紫色晚裝終於起貨喇！今日上咗去試身，同我比佢張相可以話係100%一樣！！size亦都啱，唔洗改，非常滿意！ 因為我當日唔會著girdle，所以要求加魚骨，其實呢個款唔加都冇問題！

幻彩紫色超靚！！

上身設計幾特別！（胸位有墊）

都著得幾瘦吖！

長度啱啱好，我中意少少掂地！

如果膀頭條帶短少少仲好，胸位移高少少好似好睇啲！試身嘅時候冇留意，番屋企再試清楚就好似爭少少，而家諗緊改唔改短好，不過唔改都ok嘅！如果可以著呢件晚裝影夜景pre-wedding就好喇！可惜牛牛唔想再嘥錢影相！

非台MV成功拆解！

話說台灣輯pre-wedding送咗一隻MV，係用40張相製成一個video，不過呢40張相係唔會比softcopy我，而且個MV係冇執相！（送嘅係咁架喇．．．）其中有幾張個眼袋真係慘不忍睹！！

經過一個月嘅時間，周圍問人﹑上網search，終於將個MV成功拆解變番做softcopy喇！真係要再次多謝blog友仔☆★ 小雪豬 ★☆同埋佢朋友嘅幫助，我將佢哋提供嘅資料pass比朋友仔研究，最後成功搵到個 free嘅software將個MV分解！

其中有十幾相張我都好中意架！不過冇執相，我唯有用我有限嘅能力執吓眼袋同埋調吓色啦！

60 days Countdown

最近呢一個月嘅進度真係突飛猛進呀， 已經見咗家長﹑定咗過大禮日子﹑買咗餅卡﹑訂咗晚裝（聽日攞，返嚟再分享吖！），仲有決定咗要上頭﹑喺娘家出門﹑男家入門斟茶﹑即日回門，不過仲未揀到mua﹑未買龍鳳被﹑未租車﹑未決定搵邊個朋友仔幫手揸車同影相！（呢part assign咗比牛牛諗！）
其實都唔係好多嘢攪，嚟緊就開始準備馬爾代夫蜜糖月之旅喇！其實已經準備咗少少，遲啲又同大家分享吓吖！

仲有兩個月咋！加油加油！！

呢張相係咪好生面口哩！下回分享！

迷罔中．．．

仲有兩個月就到Big Day，暫時都冇興奮或者緊張感覺，反而好擔心．．．．．．由上年年尾決定結婚開始，已經諗定結完婚就會轉工，因為而家份工又冇發展又搵唔到錢，啲同事仔又中意講是非攪小圈子，做得唔開心！呢間公司唯一好處就係冇壓力唔洗OT，可以比我有足夠時間攪結婚同埋新屋，所以呢一年都係hea住做，對得住份人工就算數！
但係最近壓力開始嚟喇，我都唔明啲人點解咁中意明爭暗鬥，為咗博上位去篤人背脊﹑拉攏同事﹑奉承高層．．．我唔想玩呢啲呀，我都係想hea多兩個月啫，唔好煩我啦！而家仲要追target，我卒人數又要比人卒數，真係越做越冇心機！
好想hea盡啲等公司炒我，賠一個月錢比我走仲好，但係我又做唔出！或者自己resign，坐多一個月走人，但係牛牛又唔想我結婚前resign，因為計埋大假婚假，到時結婚可以放半個月有薪假，如果而家走咗又唔會搵工，咁呢兩個月就冇收入！就算真係搵到工，到時都唔可以請咁多日假啦！所以我唯有忍耐埋呢兩個月！
另一個問題係兩個月後我搵咩工呢？唔想再做呢行，但係唔做呢行可以做咩呢？我都唔知自己想做咩！轉行即係由零開始，要接受低收入低職位，要重新累積經驗．．．其實我都預咗，我只不過想搵一份安定﹑唔係太大壓力﹑做得開心嘅工，真係咁難？

免費試妝～take 2

上星期六又去咗尖沙咀試妝，今次只係試一妝一頭，仲要唔比自己影相！mua有幫我影妝前妝後相，但係我最後冇confirm所以佢唔會send番啲相比我！

mua比較cool，開始時佢問我有冇帶上次試妝相﹑之前試妝有咩唔滿意．．．原來要試過第二間佢先offer免費試妝呀！

今次我都係要求化紫色眼妝，set 側髻後面加鬢辮，效果ok，個妝幾自然不過唔係叮一聲嗰隻囉，即係好似平時去街妝！因為mua都唔係好理我要求，我要深紫色eyeshadow＋濃密假眼睫毛，但佢堅持婚紗妝要清啲淡啲，佢話到時轉晚妝會加深eyeshadow同埋換濃密型假眼睫毛，但係而家試妝你唔試比我睇我又點會對你有信心點會confirm你呢？？最後化出嚟係ok不過唔係我想要嘅嘢囉！

而且佢用濕粉樸幫我上concealer，印咗落我隻眼度整到我好唔舒服！痴假眼睫毛又攪咗好耐，唔知點解佢夾翹咗我啲眼睫毛自痴，乜唔係應該痴咗先夾咩？同埋佢冇幫我打陰影，眼同面都冇，咁都算係新娘妝？最唔滿意係佢竟然用口咬開啲髮夾！！so scary～～

訂造晚裝

8/8/2010
之前睇到blog友仔wing介紹布藝坊造姊妹裙，見佢可以來圖訂造，咪即管send 紫色晚裝張相比佢報價囉，Sarah 即晚就覆我話可以做到95%以上相似，用相同布料造，可以上去度身，起貨後包改至合身，只須$600！Good！！ 之前問過兩間香港online shop訂造要八百幾至千幾呀，就算淘寶計埋匯率運費都要五百幾啦，而家真係超值！所以早一個星期就上咗去度身喇，佢仲比咗兩件現貨我試，其中一件就係我之前揀嘅心水晚裝之一，雖然佢呢件size大好多，同埋係藍色，不過著上身好舒服，啲布料幾靚，又滑又挺身！另一件係近排大熱嘅希臘女神款（紫色），我有諗過造一件白色去馬爾代夫影post-wedding，不過好似好嘥，兩件都係$450唔算好平，淘寶只係二百幾，但佢勝在有得揀布﹑用料足﹑有得試﹑有得改！！

左試右試最後都係揀番原本揀咗嗰件幻彩紫色，個款原本係冇魚骨，但係因為我唔會著girdle，Sarah就話可以幫我加魚骨，但又冇話要加錢喎，佢仲話可以造到100%一樣！！ 2-3星期起貨喇，即係應該月尾之前有啦，到時再影實物比大家睇啦！

布藝坊

電話        :6237 0165  

office hour: 星期一至六 10:00-21:00 (星期三休息)

                  星期日 15:00-21:00

地址         : 長沙灣道80-82號文海樓1字樓A室(深水埗站 B1 出口(往旺角方向行數分鐘)  ;楓樹街球場對面, 7-11 樓上

法國婚紗8寸相架

話說上星期FB送貨漏咗個8寸相架，我都唔記得之前揀咗邊張相喇，而家要再揀過，我又病發喇，大家幫我三選一吖！

自己試化新娘妝

一路都諗住搵日得閒自己喺屋企試妝，今日放工冇嘢做返咗屋企，發覺原來我係化咗紫色眼妝返工喎，咁就唔好嘥啦，一於加勁啲eyeshow﹑畫粗啲eyeline﹑“痴”埋假眼睫毛﹑補一補粉．．．．．．咁咪差唔多囉！！哈哈～～其實咩叫新娘妝呢？我都唔識！！

個妝好似唔夠sharp！個頭花求其夾上去，好似太細．．．因為我個頭大！

近睇ok嗎？？

呢張係用手機影，眼圈眼袋即刻現形！所以一部靚相機同一個pro嘅cam man都好緊要！不過我兩樣都冇，亦都唔會花錢！！（其實呢張算影得好，有啲真係嚇親街坊唔敢post出嚟，哈哈！）

我係用呢隻勁誇假眼睫毛，之前諗住買去台灣影pre-wedding點知冇用到！第一次自己“痴”假眼睫都ok吖，唔係想像中咁難啫！ 現場睇對假眼睫好似誇張咗啲，都係買過對低調少少嘅先得！最衰我唔帶得大眼con，如果唔係會精靈好多！

同埋我冇用concealer，因為用過好多隻牌子都唔得，最出名嘅bobbi brown﹑YSL﹑laura mercier都唔得喎！一來遮唔晒黑眼圈，二來眼紋現晒形！大家有冇咩好介紹？？

註冊妝邊個MUA好？

我仲諗緊淨係化註冊妝好，定係夜晚食飯轉埋妝好，晚飯只有親戚冇朋友，唔會請人影相（朋友幫手影），夜晚唔換衫（得一件簡單晚裝），值唔值比多一千蚊呢？

以下4個MUA係心水之選，一來唔貴，二來試妝都唔貴，三來blog啲相幾靚！我中意對眼化得精靈，不過唔係勁smoky！

		註冊妝	早+晚	包頭飾,飾物	包伴娘造型	試妝
Joey		$1,680	$2,680	no	no	$480
中意佢set個蝴蝶頭and閃閃眼妝唔太誇張,朋友介紹有優惠
Coco@Destiny		$1,580	$2,580	yes	yes	$100
blog啲相好靚,不過唔知正常燈光下係點！即時落訂95折
瑩囍Kitty		$1,488	$2,488	yes	no	$300
台式化妝,頭飾好靚,不過多數係試妝, 因為係新公司
Triangel-Cici		$1,888	$2,888	yes	no	$300
出名頭飾好靚不過都幾誇張,同埋貴咗啲

下面呢幾個都可以考慮．．．．．．

		註冊妝	早+晚	包頭飾,飾物	包伴娘造型	試妝
Fascination Bridal Co		$1,588	$2,588	yes	no	$380
日系風格大眼娃娃眼妝,見過朋友仔試妝好靚
Maggie Yeung		$1,500	$3,000	yes	註冊妝唔包	$500
台式新娘化妝
Rita Hung		$1,380	$2,280	yes	no	$350
曾任 "法國婚紗" 及 "芝柏婚紗" 化妝師
Kelly		$1,288	$2,288	yes	yes	$200
化大眼的化妝師,即時confirm仲有9折
Ophelia Lam		$1,288	$2,288	yes	no	$400
專長化大眼妝
The Day Wedding		$1,280	$2,080	no	no	free
抵!

以下係貴價之選，梗係一分錢一分貨啦，不過over budget喇！！

		註冊妝	早+晚	包頭飾,飾物	包伴娘造型	試妝
Sum Sum			$5,488			$500
Sum Wong		$2,980
May Chong		$2,288				$500
亞安		$2,080	$4,280	yes	no	$500
Sandy Wong		$2,000	$3,300	註冊妝唔包	no
Fiona Fi		$2,380

淘寶～新娘首飾／頭飾

因為之前諗住會自己攪掂大婚之日嘅造型，所以都揀定啲首飾 / 頭飾，即係又要淘寶啦！諗咗好耐帶鑽石鏈定珍珠鏈好．．．．．．珍珠鏈高貴啲﹑好襯註冊，鑽石鏈就young啲﹑夜晚可以襯埋紫色晚裝，最後揀咗鑽石鏈，我都係中意young啲！！

話說今年初已經喺淘寶睇中咗一套閃閃蝴蝶鑽石套鏈，之後不停再search其他款式，睇嚟睇去，睇咗無數咁多款，最後都係揀番呢款蝴蝶！我真係專一！！ 當然係假鑽石啦，不過見佢影相出嚟都幾閃，頸鏈＋耳環只係 rmb$45，咁咪即管買吓囉！另外仲買咗3個鑽石蝴蝶U型髮簪，細細粒幾得意架！同埋兩個白色頭花﹑一個紫色頭花，total 只係 rmb$84，好抵！今次係拜託長期喺國內工作嘅朋友仔幫我買，寄去大陸之後佢帶番香港比我，咁又慳番啲運費啦！！

鑽石蝴蝶套鏈 rmb$45
呢張係我影嘅實物相，同下面淘寶張相一模一樣，Good！仲好閃添！

鑽石蝴蝶U型髮簪 rmb$4@
原來中間係彩石，好似冇咁靚！

白色頭花一套兩個 rmb$15
唔係好靚，啲珠珠有啲cheap，應該唔會用！如果for pre-wedding可能好啲，最衰我已經影晒啦！

紫色頭花 rmb$12
呢個幾靚喎！食飯嗰晚我唔想咁誇張，7cm呢個size啱晒，隻紫色又靚！或者做襟花／手花都得！

呢間勁多誇張頭飾，仲未影晒 pre-wedding嘅朋友可以睇吓！
http://iris-land.taobao.com/