馬爾代夫Honeymoon～Day4～Part3：Main Island buffet dinner

喪影婚紗相之後抖一陣，換衫出去搭船仔過main island，今晚會喺main island Kaani Restaurant食buffet，都係free架！因為我哋join咗half board包dinner，只要早一日book定枱就可以過去食架喇！

呢度係碼頭，有得坐好舒服！

船未到又餵吓魚．．．．．．（麵包係隨身物品之一！）

睇blog睇得多，終於親眼見到用腳揸船

去main island行沙灘，梗係唔好整dirty自己對靚拖鞋，一於著酒店嘅去！ 不過唔好諗住帶返香港呀！收錢架！！

到喇．．．．．．幾靚喎！

牛牛成日玩人啲洗腳水

懶浪漫．．．．．．

影個招牌留個念先！

教堂．．．唔知係荒廢咗定從來冇用過！

冇人架！！早知帶埋件婚紗嚟再影過啦！！

都冇人玩嘅！擺喺度裝飾？

沙灘上燭光晚餐．．．．．．千幾蚊一餐唔洗預我！

呢個洞入去就係beach villa，間間villa門前都種滿植物，咁就有晒privacy啦！不過我唔會住，因為唔想同蟲蟲為伴．．．．．．

嘩嘩嘩！蝙蝠呀！！ 好多架．．．．．．

後面遠處就係Inocean Villa喇！

人人都喺沙灘畫心心．．．．．．我又要！！

「牛比1027」．．．．．．咁醜樣嘅！？

夠鐘喇，七點半可以入去，好少人，可能31/10promotion 完，好多人都走晒！

原來今日Holloween會有特別deco架，全部都係麵包做架！

so scary．．．

右邊兩個係南瓜，左邊曲奇餅都有鬼鬼樣呀！

蛋糕又有．．．

因為喪影婚紗相之後唔記得幫部相機义電，其他食物冇影喇！呢餐都好食過琴晚餐buffet，即燒羊肉串好好味！加上有Holloween deco，都叫多個surprise啦，食都食得開心啲！

食飽行過去Angsana receiption，都幾大架，地下都係沙，後面橙色backdrop係海龜仔（梗係假架啦！），仲有一間紀念品店（好貴冇嘢睇）﹑一間迷你圖書館，blog友仔話有兩部電腦可以上網，我又唔覺眼喎！

逛個圈就搭船返去喇，返到房梗係第一時間睇吓今日有咩小禮物啦！係Sleep Enhancer，即係噴幾下喺枕頭上面，聞咗會好瞓啲．．．．．．諗起放完大假要返工實失眠，啱晒我用！

又有兩塊handmade cookies，今次冇“淋”好味啲！（左邊嗰塊係隔夜架！）

之後諗住上天台睇星星，房入面有兩件風褸，咁大風梗係著埋上去啦！睇吓牛牛成個雨衣怪客咁．．．．．．點知上咗去坐唔夠十分鐘就返落嚟！點解？因為黑麻麻梗係要開樓梯燈&天台燈先上到去啦，但係原來開晒燈太光係睇唔到星星架！！我咪叫牛牛過去熄燈囉，但係太黑我哋都唔敢．．．．．．最後坐咗一陣就返落去瞓喇．．．．．．

又玩完一日．．．．．．