馬爾代夫Honeymoon～Day5～Part1：再嚟post-wedding photos

今日係最後一日stay喺Inocean Villa，聽日就走喇！我哋所有要比錢嘅活動都冇玩！

night fishing冇玩．．．因為有blogger話大浪就釣唔到魚，我哋stay嗰幾日正正係大風大浪，我又怕悶！

snorkeling safari冇玩．．．我勁想去架！又有blogger話好多魚一定要去！不過一星期得兩日有，剛剛就係我哋check in & check out嗰兩日！即係去唔到啦，如果包船去就us$100 each ppl，即係double價錢呀！no way！！

深潛．．．us$170 each ppl，太貴喇！去布吉﹑沙巴潛平好多！同埋牛牛話我而家年紀大，唔比我潛！

算！！我已經plan好last day活動！照舊8點半食早餐．．．睇吓牛牛個樣幾為食！

日日都係對住咁嘅景食早餐，返到香港會唔會唔慣呢？

其實coffee唔好飲，tea都麻麻！全部tea都有個七字，房嘅茶包都有架！

Omelet等咗好好好耐，以為係正嘢，點知都係一般貨色！

我哋食飽又到魚魚食喇！

佢哋食極都唔飽．．．．．．

無咖啡不歡嘅我，返房都係要飲多杯好味咖啡先滿足！

原本plan咗上午snorkeling，點知好大浪！！牛牛話唔好落去浮潛．．．其實我真係識游水架！

睇浪．．．懶浪漫．．．其實好dry！！

咁我就提議．．．．．．再影婚紗相！ 

我明明帶咗頭紗and蝴蝶頭飾去架嘛，尋日完全冇咗件事都冇用到！梗係唔好嘥啦．．．既然尋日影咗咁多外景都攰喇，今日就影室內影樓啦！

蝴蝶頭飾＋我嘅標誌丸子頭

買淘寶婚紗送嘅頭紗．．．

牛牛出場！！！

客廳梳化

樓梯again．．．

床尾梳化仔．．．

喪抄FB pose．．．冇執相即刻手臂粗晒！

其實我都有痴假眼毛毛and畫眉架！

老翻長腿相！

家姐推介呢part三級相一定要post出嚟．．．竟然比我搵到一張係牛牛冇露點嘅！

浴缸都要影？？梗係啦！係室內影樓嘅佈景之一！！

浴缸＋海景

浴缸＋牛牛．．．幫牛牛打咗格仔！

跪喺度做咩！？

今日影咗個幾鐘都係影得百五張相咋！！攝影大師攰喇，食個晏仔先！係新餐廳呀．．．．．．私人天台餐廳！！！

對住呢個海真係．．．杯麵都特別好味！

飽晒．．．．．．又等陣睇吓下午有咩玩．．．．．．