．．．今年終於有機會偷師喇！
其實都唔係好難整，不過整完之後好攰，手軟腳軟．．．．．．
首先將蝦米﹑臘腸﹑臘肉蒸熟切粒，梗嘅時候好難切架！
莞茜﹑蔥又係切碎
蘿蔔要刨成絲，呢part係最攞命的！（呢度只係一部份）
嫲嫲的秘密武器～刨蘿蔔器
攪掂！
跟住將粘米粉開水
要確保滑滑的冇起粒粒，如果唔係一舊粉會蒸唔熟架！
又攪掂！
之後將蘿蔔絲＋蝦米﹑臘腸﹑臘肉撈埋蒸一陣
襯熱將粘米漿混入蘿蔔絲攪暈，要由底至面再由面至底攪到好暈，又係攰攰攰～
攪暈就可以“上碟”喇！
嫲嫲個超級大煲可以一次蒸三底糕糕
三小時之後試味，冇粘米漿味就OK喇！加埋topping，我最愛大量芝麻莞茜蔥！
即蒸即食超正！！等埋牛牛上嚟我哋3個人就KO咗一底喇！
嫲嫲一共買咗18斤蘿蔔，整咗7底蘿蔔糕，有幾底好大架，我估有標準裝十幾底嘅份量！
另外仲準備咗每年必備嘅自家製賀年食品～炸蝦片﹑芋頭片﹑花生﹑腰果．．．
真係好難想像一個七十幾歲，得90磅嘅老人家，點可能一個人整咁多嘢！下年要拉埋牛牛去幫嫲嫲手先得！
好似好好味啦喎, 勁呀 ~
回覆刪除[版主回覆02/02/2011 00:27:00]最勁嘅係嫲嫲!我自己一個一定整唔到啦!
我未有咁叻整蘿蔔糕..不過今日就要幫手整油角架..(肥)..haa
回覆刪除[版主回覆02/02/2011 00:35:00]油角即係角仔??我都好中意食架!!尤其係脹卜卜好多"咸"果d
家有一老，如有一寶!!你好幸福呀!!!嫲嫲好勁呀!!羨慕又妒忌!!!!
回覆刪除[版主回覆02/02/2011 09:21:00]老人家真係咩都識又唔怕辛苦!!我地都要學吓呀!
係呀....自己整有個好處... 就係多糖少糖都可以自己控制...不過都係油既..HAHA
回覆刪除[版主回覆02/02/2011 09:20:00]我下年都要叫嫲嫲教我整角仔!
年年叫佢唔好整佢就年年都要整！其實都係想一家人一齊分享，開開心心過新年啫！ 下年我都要參加番...
回覆刪除[版主回覆02/02/2011 11:50:00]你下年知醒起身先講啦!!
嘩哈哈，估唔到妳都會去「偷師」學整糕.....
回覆刪除[版主回覆02/03/2011 00:37:00]嘻嘻......其實我都幾中意整嘢食架!!上年端午節有學包稯添呀!!不過平時懶啫!
一睇就知好味道啦,,,,仲有炸蝦片﹑芋頭片,, 好耐都無食啦,,,,,
回覆刪除[版主回覆02/03/2011 16:08:00]新年梗係要放縱吓!食食食
咁足料，一定好好味！
回覆刪除[版主回覆02/07/2011 14:27:00]好味架!!所以好快比我KO晒喇!
見到都想食呀
回覆刪除[版主回覆02/07/2011 17:28:00]玉琪屋企仲有呀！叫佢留返ｄ比你同唐生！
哈...勁!見到都想食....你好有潛質呀!
回覆刪除[版主回覆02/08/2011 15:49:00]我都有少少整嘢食嘅潛質架,只係平時比d懶細胞遮蓋咗!!