酒店游出去已經有珊瑚礁（行出去都可以！），珊瑚礁梗係有魚啦，有＂魚糧＂就更加多魚自動獻身！
佢眼甘甘望住舊麵包呀！
其實去到珊瑚礁都到地架，唔識游水都唔怕！
扮捉住條魚，唔似囉！
呢條唔知咩魚好有型呀，好長好幼半透明架，咬住舊麵包！
佢唔會游落水底，只會喺水面浮游
啲水越來越濁，可能因為麵包有油！！啲水變濁我哋就去第二個珊瑚礁繼續餵魚
啲水清番喇
珊瑚上面特別多魚
水底有好多呢啲＂屎＂狀物體，係沙嚟架！（牛牛特登踩過証實咗！
）我哋懷疑係某種魚食咗好多沙之後屙番出嚟！！
餵吓魚影吓相就玩咗幾粒鐘喇！番上岸又見到狗狗瞓喺我張椅下面
玩完就番resort hea一陣再出去食晚飯，因為係最後一晚喺麗北島喇，第二日就起程去Bangkok，所以諗住食好啲～沙灘燭光BBQ！
呢間叫South Sea 嘅餐廳，有海鮮BBQ，比walking street 貴少少，睇在佢有沙灘燭光晚餐份上，豪比佢啦！
懶浪漫咁，點知賴嘢。。。
話說落咗order之後，傾陣計影吓相個冬陰公湯同咖哩炒飯就嚟喇，點知未開始食就開始落雨，職員唯有叫我哋搬入室內食
室內環境都Ok
燒大蝦同燒石班（其實唔知係咩班！）
大蝦真係幾大隻架！
食唔到沙灘燭光晚餐都算啦，仲要越來越大雨，係傾盤嗰隻呀！！再加埋行雷閃電，好似香港紅雨加雷暴警告咁囉！！
我哋一邊食一邊諗可唔可以打比Sita call車接我哋呢？但係我哋無Sita電話喎！唔知餐廳職員有無呢？定係叫餐廳職員幫我哋搵其他車呢？定係冒雨行番去呢？但係行雷閃電好危險喎！！算啦，都係食完先算！！
好彩食飽飽就停雨喇！咁梗係行番去啦，但係沙灘濕晒好難行囉，行到番酒店對腳勁攰呀！！不過呢3日都算好天，臨走一晚先落大雨都算好啦！咁又過咗一個難忘晚上喇！！
嗰堆屎...好似粉腸...爆趣!!
回覆刪除算好彩啦! 走先落雨!!
[版主回覆01/25/2013 23:36:58]所以要影低留念囉
想問由beach 行出去隻腳企到地都有魚and珊瑚呀？ 我未來都係22 oct 去呀， 同你一樣
回覆刪除[版主回覆01/25/2013 23:27:09]係呀，到地架！
又麻煩你， 即係你相中的餵魚相，在phattaya beach的左， 中 or 右 行出去有魚和珊瑚玩呀？
回覆刪除[版主回覆02/09/2013 04:45:46]係呀,phattaya beach行出去珊瑚礁好似好遠咁,但企喺度都到地架,已經有好多魚,不過珊瑚就唔靚,都係黃黃黑黑咁啦!
間resort 你認為邊種房最好質數？
回覆刪除[版主回覆02/13/2013 00:19:10]我覺得價錢最平嘅Pool View Deluxe已經OK啦,開頭想book sea view,但原來距離海灘好遠,要行上山,beachfront又太貴,大部份時間都唔會喺房架啦,pool view又有bathtub又方便!
[版主回覆02/13/2013 00:19:08]我覺得價錢最平嘅Pool View Deluxe已經OK啦,開頭想book sea view,但原來距離海灘好遠,要行上山,beachfront又太貴,大部份時間都唔會喺房架啦,pool view又有bathtub又方便!