Day5 ~ Bangkok - Grande Centre Point Sukhumvit - Terminal 21

話咁快就喺Koh Lipe stay咗3晚，今日起程返Bangkok喇！尋晚lobby嘅staff主動問我哋今日搭邊班船走，會安排車送我哋去碼頭，好細心吖！

再見喇～寧靜嘅麗北島！


Sita專車接送

今次唔經沙灘去碼頭，改由酒店後門去，尋晚落完大雨成條路浸晒，地面又凹凸不平，我哋仲要背住坐車尾，勁驚險囉！！

去到碼頭要登記

跟住又好似沙甸魚咁迫上快艇轉大船，我哋班船係930am但1030am先開囉，low season成日都有呢啲情況，兩班船二合為一！！

又經過1.5hr船程同1.5hr車程，我哋又返嚟合艾機場喇！成個機場似乎得呢間cafe有free wifi，睇吓牛牛幾忙，不停whats app

間cafe叫"Black Canyon Coffee"，飲品同食物水準都不錯！

3:45pm起飛，搭多個幾鐘頭機就到Bangkok架喇，影吓相瞓一陣好快到。。。

發光嘅雲好靚呀！

去到酒店已經差不多7點喇，因為塞車囉！！！行高速公路都要個幾鐘呀！連埋機場服務費,公路費，盛惠THB390

唔知點解間房未準備好，唯有周圍影吓相等一陣啦！

lobby好大，好grand呀，新酒店係唔同啲！

lobby另一邊有免費報紙咖啡飲品提供，有款lemongrass water好好味，味道好特別，第二日諗住再去飲多兩杯已經轉咗款喇，轉咗我最無興趣嘅Raspberry drink！

check in完上房放低行李就去醫肚，一早plan好Bangkok第一餐要去Terminal 21 食Mo-Mo Paradise Shabu-Shabu，因為近嘛，酒店lobby有條電梯一上去天橋行幾步就係T21喇！

T21入口有勁大隻one piece，牛牛都忍唔住要同佢合照

紫色餐廳好靚呀，不過我哋無幫襯！

傳說中嘅老翻金門橋

3/F Istanbul好靚呀

1/F 日本feel

牛牛曳曳！！

獨眼貓？？

靚女

等到9點終於有得食喇！我哋揀咗Shabu Shabu + Sukiyaki，THB449任食牛肉豚肉，仲有自助區蔬菜任你攞，加埋17%稅每人約HK$130，好食過香港牛陣好多！！

我已經唔記得牛牛食咗幾多碟牛！！算啦，見你幾日喺Koh Lipe都無牛食，比你放縱吓啦！

下次去Bangko都會再嚟食！

食飽飽梗要探吓個廁所啦，每層嘅廁所都有唔同主題，餐廳呢層嘅廁所就係麵包店

10點幾好多鋪頭都關門喇，咁我哋都返酒店嘆吓啦！因為book酒店時咁啱有優惠，book 3晚 Superior room可以免費 upgrade Deluxe Premium，間房大咗又有bathtub，正！連煮食爐微波爐洗衣機都有，雖然無洗衣粉供應，我哋都每日洗衫，唔洗臭亨亨放番入喼嘛！同埋乾衣功能真係幾乾囉！

有洗pat pat 功能嘅座廁，但我從來唔會用，都係自己洗好啲！

玩完成日浸個泡泡浴，真係人生一大樂事！

企缸入面有細支裝shower gel, shampoo & conditioner, body lotion都好香，我全部拎晒返香港！收埋咗入喼之後第二日會比番一set 新嘅你，但係我第二日唔記得收埋，所以住咗三晚得兩set 囉！

仲有我好中意嘅屏風，好靚吖！

好有家的感覺

King size大床

超大玻璃窗日景夜景都咁正，仲有兩層電動窗廉，怕光可以落晒兩層，好貼心吖！

好喇，瞓覺喇，準備聽日迎戰翟度翟！