新世紀個sales Connie好好呀！其實我哋去睇過三次喇！第二次去時，Connie一見到我哋就認得(我仲剪咗頭髮)，竟然連我哋睇中咗邊兩個款都記得添！因為牛牛睇睇吓覺得男仔冇石好似好dry，碎石又好似好浮誇，so仲要諗諗！Connie又無黑面，仲全程好好笑容，臨走仲笑住話「希望過幾日再見到你哋」。就係咁，我哋過左一個禮拜又再去睇，最後就決定男女都有碎石，原來牛牛都係中意浮誇！！
仲要唔該朱sir，因為借佢家姐VIP，so全數9折，又慳多三百蚊，好優惠呀^o^ 開頭有諗過轉 pt950，不過一隻$18000，嘩！咁我買Cartier好過，諗吓啫．．．
本來係頭三千蚊冇discount，要over三千蚊之後先可以join VIP，尾數就有9折。而家借VIP就連頭三千蚊都有9折，所以慳多三百蚊囉！不過我自己就冇得再join VIP喇，同埋冇咗個戒指盒送(join VIP禮物)！不過冇所謂啦，個戒指盒唔係好靚，又冇咩用，反而over一萬蚊有對bear bear結婚公仔送，可以當介入枕，都幾靚架！不過得番一對有啲 dirty，so我哋攞戒指時先攞埋對公仔！仲叫Connie幫我哋hold對乾淨啲嘅！
仲有送埋免費電腦刻名呀！我見人哋話要加錢，$5一粒字，人手刻就唔洗！咁我哋咪又抵咗！！
開1月23號先有得攞呀!有排等．．．．．．好彩有帶相機，睇住sample先啦！(花晒！)
沒有留言:
張貼留言