生日節目 - 睇結婚戒指

本來生日請咗假諗住同牛牛去迪士尼，因為我未去過香港迪士尼，同埋人哋話有生日襟章就會好多公仔埋嚟同你影相架．．．點知天文台話得14度！咁入到迪士尼咪得番12度？咁怕凍嘅我梗係唔制啦！最後我哋決定行商場避寒！yeah！！其實target係睇結婚戒指

之前已經上網search咗一輪，有幾個brand嘅wedding bands都好出名，eg.PN,4C,Tasaki,VCR，我對PN都幾有興趣，好似多啲款特別啲。4C、Tasaki and VCA就好似差唔多款，不過係日本品牌又係PT950 or PT1000，好似鉑金矜貴啲咁囉，不過又貴成倍囉！！

最後我哋決定山長水遠去荷里活廣場，因為有PN！仲有好多大金鋪and珠寶店，我哋一去到就搵PN，sales姐姐又好人，攞左好多款比我哋試 ，佢話Xmas係high season可能加價，而且金價貴咗咁多，而家嘅price係幾個月前啲金未升之前set嘅價！！雖然唔知係咪真！不過佢都冇push我哋買！好快我哋已經揀咗對大家都幾中意，不過咁緊要嘅嘢我哋當然唔會咁快決定啦，點都要睇多幾間先！sales姐姐又好好人咁叫我哋諗吓先，仲寫低咗我哋睇中個款嘅code、price and畫埋圖比我哋，佢話畫埋公仔就唔怕唔記得個款啦！(好細心呀！！)

我哋仲行左ctf2、周生生、Mabelle、My Jewelry、Diamond Link，之後再去中環Couple Forever，再返Mongkok睇埋點精品、周大福、六福、金至尊、謝X麟、PN，啲行程緊湊到哩．．．

講得出嘅bands都睇晒咁濟，睇咗咁多間，大概都知想要啲咩款！原來牛牛唔中意幼身款，因為佢手指長，要帶粗身款先好睇！仲有我哋都想揀special嘅款，唔想咁standard 搭地鐵揸住扶手都有機會撞款果啲！！其實玫瑰金都幾靚，好似冇咁DRY都幾特別，不過牛牛又唔中意！原來佢仲揀擇過我！我都睇中咗好幾款，反而佢嫌三嫌四！！