擺酒?唔擺酒??

我早兩年已經同牛牛講如果真係結婚我唔想擺酒！佢又冇咩所謂，係驚屋企班大朋友唔制啫！好彩媽咪都比我自己決定(其實我知佢想我地擺！)，阿麻又無咩所謂，淨係話「終於肯嫁嗱!?」係呀阿麻，趕時間吖嘛！！

跟住輪到佢屋企，佢爺爺果邊咁大家族！ 不過真係比阿牛生激死！呢啲嘢梗係要快啲講架啦，萬一有一個話反對一定要擺，咁都多啲時間安排嘛！佢又唔嗲唔吊，成日叫佢返屋企食飯就傾埋啦，佢又唔理！終於等咗幾個禮拜佢先敢開聲！！真係咁難開口同屋企人講咩？好彩佢果邊班大朋友又冇咩意見，總算安落啲，煩少好多嘢！