為婚紗相做準備～道具篇

聽日就影相喇，唔知點解一啲都唔緊張喎，淨係擔心到時會大出血！希望唔會over budget 咁多啦！

原本冇諗過帶咩特別道具去影相，只係帶最基本嘅花球同戒指，點知早幾日見到有blog友帶咗成20個毛公仔去，將FB間公仔房改頭換面變咗自己間房咁樣，咁我就問牛牛可唔可以帶我最錫嘅大BB去，哈哈．．．牛牛梗係唔批准啦！的確帶大BB出街係好有難度，我連自己出街都成日仆倒同盪失路，牛牛又點會比我帶大BB去吖，咁唯有影完相番屋企先同大BB傾心事囉！

大BB舊照

既然大BB冇份，咁我就搵另一愛將補上啦，就係monchhichi喇，我將磁石monchhichi變咗做襟花，雖然唔係好靚同埋好簡單，不過係我第一次送花比牛牛嘛！

其實我仲諗緊帶唔帶自己整個花球去呀，因為真係唔靚！牛牛就話帶，係我哋兩個一齊整嘅，不過唔圓嘅花球好失禮哦！！

或者帶埋牛牛求婚時送嘅紫色膠玫瑰花，不過影相效果又驚唔靚，因為會反光！