法國婚紗France Bridal ～ 偷影篇（二）晚裝出埸

第三個造型係 pink+gold 晚裝，Bonny suggest 放晒頭髮落嚟再加皇冠，到 last 造型就側邊束住少少，望落去感覺有啲唔同，又即管 try try啦！本身整完出嚟係好似普通大鬈咁，老老哋，我啲頭髮又大把，所以我request 而家就喺側邊束住少少，再揀個大皇冠，好彩條裙夠young ，唔係又老幾年！！條裙真係好靚，好中意，多謝X小姐advice我加$500租埋佢！

我哋帶去嘅紫玫瑰同戒指就係著呢條晚裝影咗好多，阿卡不斷諗post 務求清楚影到啲道具！唔錯！不過有啲美中不足就係綱琴景著咗呢條晚裝唔係著婚紗！本來我想著大拖尾影架！

我著晚裝牛牛就換黑色禮服

最後一個造型係深紫色晚裝，原來加$500只係包套晚裝＋頭飾，轉髮型係唔包嘅！所以髮型同之前一樣，只係換咗兩邊都有深紫色頭花襯番條裙，不過我覺得太細唔覺眼，所以叫Bonny 幫我加多舊紫色紗，其實啲頭髮應該再束實啲，感覺好似扎咗兩條辮咁會young啲！當時唔覺，而家就後悔！

呢個白玫瑰景只係出咗一個月，所以睇人哋啲相簿都未見過，白襯深紫，I like it！

因為其他景有人影緊，我哋一邊等一邊偷影，阿卡見到竟然話：「係啦，影吓相先啦！」嘩．．．正！！不過我哋都唔敢咁揚，費事比其他cam man見到！

其實影到第4個造型，阿卡已經諗唔到有咩pose，好彩之前有咁多道具，如果唔係我諗影兩個造型佢就冇貨喇！同埋啲pose來來去去都差唔多，唔望鏡頭﹑扮諗嘢﹑老公望住老婆﹑鼻掂鼻．．．其實我中意望鏡頭多啲！仲有唔知點解佢幫我影好多單人相，每個景影完幾張合照就話：「老公bye～～」但係牛牛得幾張單人相，其實我中意多啲合照，結婚相梗係兩個人架啦！！

最後我哋 total 偷影咗三十幾張相，勁呀！不過真係好驚，特別係外景個 look，好驚要重影呀！！

之後我發覺我哋冇影到燭光晚餐張檯，同埋冇影瞓喺度面對面果啲經典pose ，瞓梳化都係我request 先影咋！所以即將影相嘅靚女們記得有咩要求投訴要即刻出聲，我都後悔冇做足準備，所以唔知自己有咩要求！！