法國婚紗France Bridal ～ 偷影篇（一）

終於都影完相喇，比想像中辛苦好多，唔係因為累，係因為個girdle攪到差啲斷氣！再加上無限個失望～～

我哋唔係影遊艇，所以係第二輪化妝，10點開始，我哋 8點幾食完個常餐（冇錯，係常餐！）9點半就到咗，睇咗半個鐘DVD消磨時間，到10: 10a m到我哋化妝，“賴嘢”．．．唔記得帶花球！！唯有我化妝﹑牛牛飛地鐵番屋企攞花球，好彩住得近，我化完妝開始 set頭牛牛就番喇！

攝影師：阿卡

助手：阿明（帶眼鏡瘦瘦的）and 阿明（金頭髮高大肥啲）

化妝師：Bonny

Bonny話會出外景先，所以第一個造型係A-line婚紗，佢問我有冇咩造型想整，我淨係要求攪掂我嘅“駌鴦雙眼皮”﹑側邊留番頭髮遮住包包面﹑唔要成熟look，同埋要深紫色eye shadow，其他就佢話事！網上comment話Bonny都幾好，的確佢化妝係幾好，化得我對眼仔幾精靈，佢仲好盡責咁狂幫我遮個黑眼圈，我問佢：「係咪好嚴重﹑好難攪？」佢話：「盡遮啦！」其實我心諗「嘥氣啦，都係靠電腦執吧啦！」

至於個髮型就出咗事（下文有相為証！），初初整完都OK架，成個頭捲鬈咗set起，留一邊落嚟，都幾好睇（我腳得！）Bonny好驚訝我竟然用晒全部髮捲，我確實係難以想像咁多頭髮！

整完第一時間入toilet自拍

牛牛都有toilet自拍

臨出車前阿卡問我哋想影咩style﹑有咩景特別鍾意，其實FB啲相我都煲咗幾個月，淨係唔想影“扮落雪”，同埋唔要唔笑﹑唔要扮型，咁阿卡就話影得活潑啲啦！（根本係隨口噏當秘笈！下文有相為証！）

12點左右出車，我已經開始肚餓！Bonny話４點左右番嚟先食飯．．．Oh！my God．．．．．．

上車時髮尾已經冇咁鬈

恐怖嘅事情發生喇．．．都未去到赤柱我個頭已經頂唔住喇，髮尾唔鬈不特止，出到去影咗幾仲張成個頭都散散哋添！（我都係之後睇番偷影啲相先知！）都冇辦法啦，希望最後影出嚟唔覺啦！

牛牛狂偷影，阿卡同阿明都冇出聲，Yeah !

髮尾直晒！pose唔活潑！

髮尾直晒！

髮尾直晒！pose唔活潑！

影完美利樓同酒吧，阿卡帶咗我哋去石灘，好似石澳後灘咁！之前我都諗咗好耐影赤柱好定石澳好，原來赤柱都有石灘，賺咗，Yeah！

髮尾直晒！pose唔活潑！

之後去埋聖士提反灣，喺沙灘影到3點幾開始有幾滴雨，我哋即刻洗腳上車走人，點知一開車就落大雨，我哋都黑仔唔晒！不過我哋嘅秘密計劃就被迫取消，本來諗住回程時問吓阿卡可唔可以比我哋喺BU落車影兩張，因為見有blog友仔試過，而家問都唔洗問囉！

上到車阿明話：「我哋叫定外賣，不過冇咩揀，通常都係叫“百味閣西餐廳”」．．．Oh！係牛牛追我果時成日約我去食早餐嘅餐廳，哈哈～～不過我要換埋造型先有得食！

第二個 look係全部扎起，後面鬆鬆哋，不過我唔係好中意頭頂同埋側邊用嚟遮住包包面嘅頭髮都夾鬈埋，即刻成熟咗！！個頭飾係我自己揀嘅，我中意誇張頭飾可以分散注意力！（自己呃自己！！）

 

食飯時阿明仲走埋嚟問：「係味好回味哩！」其實阿明都幾細心，幫我哋拎袋拎花球，又成日幫我鋪好條裙，幫我撥頭髮，所以牛牛都請咗佢哋食飯盒。不過個好好味嘅黑椒雞扒意粉我只係食咗3份1就食唔落喇，個girdle攪到我前面又痛腰又痛！之後阿明有其他嘢做，所以換咗另一個助手好似都係叫阿明，呢個做嘢快手啲，不過好似趕收工咁冇咁細心！

第二個造型係影室外園景，因為落完雨地下濕晒，又要顧住我個勁大拖尾，所以牛牛都唔得閒偷影，只係得食飯果張咋！

monchhichi好乖呀！！

晚裝請看下篇．．．