早兩個月去都未見有，不過要$1000呎，同埋十字位好似比較藏塵難清潔，所以以佢做藍本，不過將玻璃門轉返做簡單田園款，但係呢個款有幾個大雕花，所以要$880呎，許生話啲雕花$30一個都買唔到，都唔知係咪真嘅！7呎x8呎 $6160，連埋花花手抽，實收$6000
另外抄咗blog友仔mei_chuchu嘅C型鞋櫃+飾櫃 ，原來裕興發都有display喎！
不過我只可以造4呎半，所以得兩個玻璃門，都係用花花手抽，同埋櫃頂會加波浪雕花，側邊櫃會造深啲，因為想收埋圓櫈入去，許生話下面鞋櫃都要一齊造深啲先好睇，玻璃櫃就凹入去，唔知會唔會好怪呢？仲有C字中間位會加紅酒格（紅色線位置），牛牛一直反對我買紅酒櫃，又唔比我加喺廚櫃，因為個廚櫃真在太迷你！而家終於有個小小嘅紅酒格喇！
4呎半做到頂 $3980田園油壓床，我比張相佢照造，許生話佢都做過，啲邊位係人手造嘅應該貴啲，不過冇加我錢！雖然係油壓床，不過下面一樣有三個拉櫃桶，夠晒方便實用！4呎x6呎 $3000
迷你梳妝電腦枱，我比張相佢參考，不過人哋呢個係4呎闊，我個得2呎左右，要加波浪邊﹑小雕花同埋公主腳，咁先似梳妝枱嘛！6呎高 $1700
Total $14680，實收$14500，約咗星期三上門度呎
裕興發
深水埗青山道121, 123, 125號地下, 電話: 2708 3068
張床好靚~
回覆刪除[版主回覆06/08/2010 00:44:00]yeah...希望造出嚟真係似啦!!
好抵呀好抵呀, 等我去呢間睇下先,
回覆刪除thanks! 小妹~
[版主回覆06/08/2010 22:09:00]佢display嘅款唔多架,不過可以比圖佢造囉!
張床真係好鬼正...瞓住佢一定晚晚發好夢呀~! 唔見你整埋電視櫃..床頭櫃既?
回覆刪除[版主回覆06/08/2010 22:11:00]呵呵...我都想晚晚發好夢......
電視櫃我會淘寶買!!好大膽呀~~ 床頭櫃冇呀,間房冇位喇!!
張床真係好靚wor~~~
回覆刪除[版主回覆06/08/2010 22:11:00]係呀...所以好期待製成品哩!
造床3000蚊都好抵啊, 出面好多現成既普通款都唔止呢個價錢...
回覆刪除不過唔知可唔可以做油壓既呢, 我都心思思想整返張,,,,
[版主回覆06/08/2010 22:16:00]呢張係 油壓床呀!不過係用高鑯板,唔係夾板,所以會冇咁襟囉!!
好靚啊! 可否比個地址我? 同埋你d價錢是港幣嗎?
回覆刪除[版主回覆06/08/2010 22:23:00]裕興發 深水埗青山道 121, 123, 125 號地下 , 電話 : 2748 6488
係港幣呀!!
我都唔知原來田園風格都有油壓床架wo~ 造咁多件都係萬幾蚊真係好抵呀!!!
回覆刪除[版主回覆06/09/2010 00:15:00]如果唔要 油壓會平幾百蚊添！
我岩岩都係淘寶買左珍珠鍊...XDDD 呢2日收貨...你呢?
回覆刪除[版主回覆06/09/2010 00:43:00]個電視櫃月尾先有貨呀,到時連埋茶几﹑鏡架﹑屏風先一次過買!
田園風真係好靚，可惜我bf唔buy.. btw，我都揾左呢間訂造傢俬呀~~
回覆刪除[版主回覆06/09/2010 00:48:00]我bf咩都冇意見!我可以自由發揮...都唔知係好定唔好!
係?佢哋價錢都幾實際,希望收貨順利啦!
謝謝你,好抵,明天去看看先,
回覆刪除[版主回覆06/09/2010 10:01:00]要預鬆啲時間呀,佢哋好多單架,話3星期起貨,都唔知會唔會遲添!
佢做床真係好抵喎, 仲好過出面買. 佢 display 個衣櫃真係幾靚喎, 你做 7 呎真係勁大, 你就好啦, 咁多位放衫
回覆刪除你唸到將我個個 C 字櫃改裝, 幾好喎. 其實下面深 d , 玻璃櫃做淺 d 我都覺得無問題, 因為我開頭都唸過, 係可以放到多 d 野嫁, 不過後來因為想慳 d 位, 望落個廳闊 d 所以無咁做. 加油呀 !! 到時 update 下大家啦 !!
[版主回覆06/09/2010 23:25:00]因為我拆咗個廚房嘛!!
多謝!!
哈哈哈，那麼，妳要買定一大堆綿花棒清潔啦......
回覆刪除[版主回覆06/10/2010 00:48:00]全中......我已經委任咗bf負責...
妳 bf 真係好 ！
回覆刪除[版主回覆06/10/2010 10:12:00]暫時仲係......婚後就好難講喇~~
d 傢私真係幾靚呀!! 又唔係貴wor!!
回覆刪除好期待你間屋搞好晒0既勁田園feel 呀!!
[版主回覆06/10/2010 11:09:00]我間都唔算勁田園feel喇...我見過有blogger間屋田園到我都覺得太誇張,哈哈!! 唉......最快都要7月喇...
田園油壓床~~好吸引呀~~我行暈澳門都睇唔到呢d feel ge 床..加上我最想好選油壓式..我太多立雜野啦~~haha
回覆刪除[版主回覆06/11/2010 12:07:00]所以要訂造囉!都唔算貴,到時有製成品再影相比大家睇!
香港造好過我大陸訂喇，價錢差唔遠，但唔洗隔山打牛，穩陣好多~
回覆刪除[版主回覆06/12/2010 03:34:00]我都見你之前大陸訂嘢好多問題,所以我都驚驚哋,而家淨係會大陸造廚櫃囉!
我想問下,你有冇見過用夾板田園傢俬既實物,靚唔靚啊?
回覆刪除因為我煩緊用中纖好,定夾板好~ 最初報價係要夾板GA, 襟用D! 但夾板唔係令面,好似冇咁靚...
好猶豫啊...
[版主回覆06/14/2010 22:30:00]香港有幾間賣夾板田園傢俬架,你可以去taste living睇睇,或者yahoo auction search另外仲有2間喺荔枝角都可以睇實物,不過冇得訂造尺寸!同埋有部份係淘寶嘅貨! 夾板同高纖板都唔係令面架喎!係啞面的!!
我都好喜歡田園傢俱......因為我覺得白色令人感覺好舒適...:)
回覆刪除等我去你LEE間睇下先...HAAA
[版主回覆06/19/2010 20:28:00]白色仲會覺得間屋大啲添...hehe.....
如果你真係去就搵許生啦,話係劉太介紹叫佢收平啲!
D傢俬好靚呀!!都好似唔係好貴咁喎~~~
回覆刪除我都想做田園feel....不過一D原因,可能會用簡約feel....好羨慕呀!!!!
間舖除左田園feel..會唔會做其他Style的傢俬架???
[版主回覆06/22/2010 12:30:00]呢間係普通傢俬店,有其他style架!! 你屋企好好好大工程喎~~
咦??!咁可以去完深圳睇再返嚟比較下都得喎~~
回覆刪除其實我屋企又唔係好大工程,連地椿都唔使打架,只係挖個坑就可以起架喇!不過...我都係第一次見成個過程咋!
[版主回覆06/22/2010 14:45:00]咁你間屋仲要整幾耐呀？
其實如果就咁起一個外殼出嚟,只要一個多月,不過因為之前則師有好多地方都要改,所以我地三月起都呢家都未起好外殼...
回覆刪除而家承建商估七月中外殼就搞掂喇!然後開始做裝修...好似外牆鋪磚/油油,室內D水電,鋪磚,所有野...咁承建商做埋基本裝修,就預計十一月中左右可以完成...我地都希望十二月中前可以搬去住啦!
星期六同則師傾完就開始努力咁搵唔同的裝修材料,所以呢家參考周圍朋友既分享,等到時唔使盲中中
[版主回覆06/22/2010 15:45:00]真係有排攪喎！ 好想睇吓你個大工程做完係點呀！！加油呀～～
thx thx ^^
回覆刪除因為如果無特別野,我只有星期六日會返去睇...所以基本一個星期都會update下D相~我add左你,因為D相係朋友先睇到,所以你有興趣就可以去望望個進度啦!我都會keep住睇你屋企既裝修架!! :>
[版主回覆06/22/2010 16:20:00]我都ａｄｄ咗你喇！ 一個星期先睇一次，你唔驚佢哋做錯嘢呀？我間屋咁細都錯咗幾樣呀！！
無辦法哦...我同老公暫時租住港島東...而起緊個度係新界西....所以都唔可以日日返
回覆刪除[版主回覆06/23/2010 09:50:00]嘩......好遠呀!我娘家都係港島東喎!
係呀!超遠...係地圖上一條大斜線呀!!!
回覆刪除你娘家都係港島東呀!!我係小西灣呀!
[版主回覆06/23/2010 11:01:00]oh......me too!!住咗十幾年喇~~
咁橋!!!等我平時係條街度行時,睇下會唔會見到你先!!不過我暫時對西灣河既認識,都只限於太安樓至蘇豪東一帶咋>.<
回覆刪除哈哈!!!我打錯添....應該...之前我老公(未係我老公時)租小西灣,我地結婚後,就搬去西灣河....噢...咁即係好難係條街撞到你lu~~~
回覆刪除[版主回覆06/23/2010 11:42:00]哦．．．我有朋友住西灣河，我有時都會去架！
好靚呀,價錢有驚喜~~但係可唔可以訂造其他顏色呢?
回覆刪除[版主回覆07/13/2010 23:45:00]我冇問過喎!!因為一開始都係想要白色!!
我都經朋友介紹係這間公司買了傢俬.但第一次買.我就比較小心.先訂了一間房的傢俬.都系搵許生..都等了大約4星期.就有傢俬用了.設計同款式都幾好.到最近想搵許生訂造客廳的傢俬.但打左好多次電話都無人接.後來先知道佢間公司搬左去前幾個鋪位.連電話都改左系.23600973..
回覆刪除[版主回覆10/24/2010 02:16:00]thanks!
你好~我同我都一樣咁鐘意田園傢俬, 得閒上我個blog睇下^^ http://hk.myblog.yahoo.com/manchunip
回覆刪除[版主回覆02/28/2011 17:09:00]你間屋又大又靚,好正呀!!
多謝^^你同我老婆一樣都好喜歡田園傢俬~
回覆刪除你好呀~ 我都打算訂田園傢私呀~ 想問你香港有邊幾間訂造呀?
回覆刪除[版主回覆03/03/2011 21:32:00]深水埗青山道有幾間傢俬店可以訂造,你可以去睇吓手工質料,另外牛頭角淘大附近都有,不過價錢比 深水埗貴少少
看見有很多綱上的朋友都揾這間 " 裕興 X", 在深水埗的做田園傢俬 ..... :(
回覆刪除講起就一肚氣 ....
等我這三兩天 比 d 相大家睇 , 就知道幾差 !! 想揾佢地做傢俬 , 真係要三思 , 三思 , 三思 ...
[版主回覆05/18/2011 16:47:00]我嘅傢俬都有花有崩嘅地方,之前都有post相出嚟,不過一分錢一分貨,我覺得可以接受囉!我有朋友上個月都搵咗裕興發造全屋傢俬,都冇咩大問題,希望裕興發快啲幫你整番好啦!
你好,我也有興趣做傢俬,請問他們造的傢俬會很大味嗎? 很擔心有很多甲荃.....
回覆刪除[版主回覆08/09/2011 11:23:00]都有味架,而家有好多去甲荃產品,你可以試吓吖!