裝咗寬頻兩日之後連部電腦都壞埋！攪到我update唔到裝修進度！！好彩朋友仔放工過嚟幫我搶救成功，Yeah．．．．．．千呼萬喚嘅木工師父終於開工喇！兩日時間就攪掂咗個S形燈槽﹑TV wall 封頂﹑房門口玄關位封頂。裝修咗咁耐，整咗咁多嘢，呢個燈槽係牛牛最滿意嘅～靚＋手工好，激讚！
S形燈槽出場，睇吓牛牛幾得戚！後面係TV wall
房門口玄關位可以放少少雜物，同埋收埋個電箱
仲有4套門同埋Roca坐廁都送到喇，原來裝門都好大工程架，兩日都未裝好4套門，不過都整咗大半啦，啲門好靚呀，幾田園feel吖，係我揀嘅，哈哈！！
特別係白色房門襯埋淺紫色牆身，真係好想快啲搬入去呀！！大門．．．三個波浪花紋
房門．．．大細波浪花紋
襯紫色牆好靚呀～～
廁所門．．．好似好瘦咗啲！
坐廁未裝
S形比正方既難界, 真係好考功夫!
回覆刪除[版主回覆06/24/2010 23:29:00]佢哋有工具專界曲線架！我覺得手工都幾好
S燈槽好靚呢～
回覆刪除[版主回覆06/24/2010 23:30:00]好似冇咁dry．．．
越睇越有渡假酒店FEEL 呀~~
回覆刪除[版主回覆06/24/2010 23:43:00]哈哈！！咁就好喇．．．日日返屋企當渡假，Yeah～～
s 形燈槽又真係幾靚喎 !! 等我睇時都咁整先 !! 嘻嘻 ~~
回覆刪除[版主回覆06/25/2010 10:52:00]好呀...同普通燈槽差唔多價錢,懶係特別啲嘛~~
S形橙槽好靚呀~感覺好型好時尚呀~~
回覆刪除牛比屋差唔多進入最後階段啦~~~ +油
[版主回覆06/25/2010 17:25:00]時尚同田園好似唔係好friend......遲啲油埋白色應該會好啲！ 仲有兩個星期咋．．．好緊張呀！！希望唔好有咩問題啦！
好型呀...我都想噤整...不過地方細...個s...整左都唔覺...ahaha
回覆刪除[版主回覆06/25/2010 17:47:00]我屋企都細架！L位就覺啲囉！
真係好靚呀!!!好想睇吓裝埋燈,襯埋傢俬會變成點呀!!!
回覆刪除[版主回覆06/26/2010 00:02:00]我都好期待啲燈呀...不過應該最後先裝,即係仲有2個星期呀!
你真係無計錯數..整整2個月時間
回覆刪除[版主回覆06/26/2010 00:04:00]冇錯!!希望真係唔好再delay啦......我冇時間喇!!
讚、讚、讚.....好靚既屋企，快d快d...加油........仲差小小完工就可以搬入去住啦!!!
回覆刪除[版主回覆06/27/2010 00:26:00]如無意外仲有2個星期就攪掂喇!好緊張呀!!
個燈槽真係好特別呀~~~
回覆刪除[版主回覆06/28/2010 22:16:00]嘻嘻......不過好似唔係好襯我啲傢俬囉!
幾時有你間屋既全相睇呢？期待中～～～
回覆刪除[版主回覆07/13/2010 10:54:00]執咗幾日都未執完,超級累......不過好快有得睇架喇!!
執屋係最煩人ga~我好怕執屋~~~但執完就好有成功感啦~~~
回覆刪除努力啊~~~~
[版主回覆07/13/2010 14:41:00]多謝．．．仲差少少就可以見得人喇！