但係cf 話普通磚造唔到，用紅磚又唔平，鋪文化石仲貴．．．所以我哋諗住貼白色磚紋牆紙扮嘢！cf 話最好揀韓國貨，質料厚啲唔驚幅牆冷縮熱脹，即係襟啲冇咁易甩！同埋外國貨好多都係大陸出產，反而韓國貨就真係韓國造！
行行吓睇到另一款白玫瑰花都幾中意，有少少閃，幾型唔娘，又襯番玫瑰暗花地台磚，不過係馬來西亞造，唔知好唔好呢？呢張相用mobile影好暗，實物靚好多！
可能最後都會揀番磚紋款，因為係日本紙，好厚身，明顯紙質係好啲，都唔平呀，$55一碼，每5碼計，我哋要10碼，total $550，不過未買架，可以遲多一星期先，可能到時又睇啱其他款哩！
本來plan咗今日去裕興發，諗住訂造雙人床﹑梳妝書枱﹑C型鞋櫃+飾櫃，點知尋晚開始肚痛，落唔到床﹑行唔郁，今日睇咗醫生，醫生話我可能係腸胃炎，不過我覺得唔係囉，似腸抽筋多啲，如果聽日好番啲先去搵許生啦，下星期先去就太遲喇！
讚成整 feature wall...... 我個度都係成個廰白色, 整左淺綠色樹葉紋既牆紙做 feature wall.....
回覆刪除[版主回覆06/06/2010 21:33:00]係咩?之前你post電視櫃都唔覺嘅?
裕興發造傢俬平嗎?地點係邊呀?thanks
回覆刪除[版主回覆06/06/2010 21:18:00]深水埗青山道 121, 123, 125 號地下,價錢唔係特別平,嗰條街好多傢俬鋪都差唔多價錢,不過裕興發造田園傢俬出名啲
我好鍾意幅牆wo~. 咁如果d磚紋款會唔會都有凹凸feel架??
回覆刪除[版主回覆06/07/2010 00:13:00]磚紋牆紙都有少少凹凸架,不過唔係真係好明顯囉!
我家姐都打算整磚牆呀~~ 最近見到d牆貼都唔錯又可以成日換款添~~!!
回覆刪除[版主回覆06/07/2010 00:15:00]牆貼好似假啲,同埋驚搣番出嚟會整爛幅牆呀!
咁你家姐整真嘅定係用牆貼/牆紙呀?
Take Care, 呢排太辛苦呢?
回覆刪除[版主回覆06/07/2010 00:16:00]多謝...呢排真係好累呀!
你要小心身體呀~
回覆刪除[版主回覆06/07/2010 12:28:00]知道!!
依加好多人都會用特色wallpaper多過整特色牆~~ 可以換and 多變化d~^^
回覆刪除[版主回覆06/07/2010 12:31:00]所以我都諗住用牆紙囉!
用牆紙做, 第時有得轉款WOR, 不過第一幅白色磚牆好靚
回覆刪除[版主回覆06/07/2010 21:44:00]幅白色磚牆我都好中意呀,不過又貴又冇得轉款,都係牆紙經濟啲!!
我成日腸胃炎架 , 有時真係痛到好似腸抽筋咁架 , 呢排記得要食清淡 d ~~~
回覆刪除[版主回覆06/07/2010 21:46:00]其實我都唔知自己咩病,第一次痛到咁咋!!嚇死我,以為中咗腸病毒!!
咁你都要小心身體呀!!
好好保重身體！
回覆刪除[版主回覆06/08/2010 00:31:00]知道!!
小心身體呀小妹, 病左就乜都做唔到喇~
回覆刪除[版主回覆06/08/2010 00:32:00]係!!我有準時食藥架!
嗰條街有無普通傢俬架
回覆刪除[版主回覆06/07/2010 21:42:00]青山道好多傢俬鋪,多數都係普通傢俬架 !!
係呀, 因為我 feature wall 唔係太特出, 係淺綠色, 同埋花紋都係暗紋..... 下次用相機影比你睇下 (因為之前d 相係用我手機影, haha.......)
回覆刪除[版主回覆06/08/2010 00:40:00]好呀...其實我都未決定係咪用磚牆款既牆紙,都好似唔係好特出,同埋都係假假哋...
佢要下個月先收樓呀~!!而家都係計劃中...
回覆刪除[版主回覆06/08/2010 22:31:00]我都係買咗牆紙喇，比較方便啲！
Feature Wall 係咩黎架?
回覆刪除[版主回覆06/10/2010 00:42:00]Feature Wall=特色牆,即係全屋入面有一幅牆係特別突出嘅主題牆,可能係油唔同色﹑可能貼牆紙﹑可能鋪文化磚......睇你自己中意咩款囉!
其實我都覺得白色磚牆幾靚...但好驚好難打理...有塵變灰左會好污jo 的感覺
回覆刪除[版主回覆06/11/2010 12:08:00]係呀,所以而家用牆紙,舊咗又可以換款!
哈哈…我都想用呢個白色磚牆整係電視地櫃後面幅牆到呀！
回覆刪除[版主回覆06/17/2010 09:30:00]好呀!真係幾靚架!!不過都唔平,所以我哋最後都係用牆紙咋!當然效果都差好遠......