Maldives～We are coming！！

煩咗大半個月，我哋嘅蜜糖月終於有定案喇！！
之前有諗過去完Honeymoon番嚟先註冊，當係旅行結婚．．．但係拍咗咁耐拖，一齊去咗十幾次旅行，如果連Honeymoon都唔係用“牛太”嘅身份去好似有啲遺憾！又有諗過結完婚之後半年先去，因為low season平好多！不過我又真係唔想等．．．．．．
blog友仔講得啱：「一結完婚以人哋太太嘅身份過去，延續新婚開始嘅甜蜜，呢個感覺，一世人一次，過咗就冇架喇！」 所以我哋決定10月27日註冊食飯，10月28日就出發去實現我同牛牛多年來嘅夢想和承諾～～去馬爾代夫渡蜜月！！而最後被選中嘅Resort就係 Angsana Velavaru～In Ocean Villa



Angsana
Velavaru 位於妮蘭朵南環礁(South Nilandhe Atoll)，距離機場島約146公里，水上飛機大約40分鐘的航程。Velavaru 是馬爾地夫話海龜的意思。因此Velavaru又稱為海龜島。Angsana Velavaru屬於Banyan Tree酒店品牌集團，大抵就是Banyan Tree的Young Line。


Banyan Tree 一向是 resort 及 spa 的保證，Banyan Tree Angsana
Velavaru 09年7月推出完全脫離小島的 InOcean Villa。新的 villa 位於 Velavaaru 島一公里外，共有 33 間別墅及一意大利餐廳 Azurro，絕對遠離人煙。其中最細的海中閣也有
1900呎，最大的海靜軒更有 3158呎。每幢 villa 均有兩層和獨立 infinity pool 及水上網床，且以落地玻璃作為門窗，無論在任何角度也可看到湛藍的印度泮風景。入住 InOcean Villa 的客人更可以選擇在別墅的涼亭內進行 Banyan Tree Spa 的按摩療程、in room 燭光晚餐，房內也有浮潛工具讓你隨時下水，完全是足不出戶自閉式享受！

其實我哋大半個月前已經問過Sun n Sea，個agent姐姐話10月28冇機去，要10月29出發，但係10月29出發橫跨11月頭就冇晒優惠，因為好多Resort 嘅promotion都要10月31日之前完成入住！咁我哋唯有考慮11月high season都唔會好貴嘅resort，但係．．．又要平又要靚又要大又要多魚又要多嘢玩－－＞發夢！

好彩有blog友仔提供嘅資料同鼓勵，我哋（應該係我！）做完一輪功課之後再問Sun n Sea，今次嘅答案同上次竟然完全唔同！今次個Agent哥哥話10月28有機位，仲係搭星航A380添，咁我哋就趕到 In Ocean 嘅2+1優惠尾班車！原來上次個agent姐姐講話冇機去嘅係馬航！但係又冇話可以加錢轉airline，等我以為咩機位都冇！！仲嘥咗咁多時間揀酒店﹑格價，激死！如果搭馬航每人會平多$600，不過轉機要等四個幾鐘，回程時仲要停斯里蘭卡，又唔見多兩個鐘，搭星航轉機只係個幾鐘咋！


經過咗呢幾個月嘅講價訓練，當然仲爭取到啲優惠啦，而家In Ocean又肯比埋我哋 updrade half
board，所以連埋tax埋單每人$20xxx，其實都仲係好貴呀！不過已經比我哋原先預計11月出發，每人平咗4千幾蚊呀！！我仲request 咗要sunset villa添，好似話多啲魚架！！
我哋會10月28日出發去7日5夜，唔stop over Singapore（牛牛堅持唔去，佢話冇嘢玩冇興趣！）。雖然In Ocean Villa係多國內人士﹑去主島要call 船有少少唔方便，不過呢個價錢可以搭A380﹑搭seaplane﹑住4晚兩層水上屋﹑有天台夜晚可以睇星星﹑包早晚餐﹑有infinity pool﹑水上網床﹑每日仲有free trip出海浮潛．．．．．．都係嗰句啦～～未出發先興奮呀！！