以前啲人一講結婚就會話去紅棉路，所以我哋一話結婚，媽咪都提議我哋去紅棉路註冊，我同牛牛都覺得幾好吖傳統啲，反正我哋擺酒嗰晚（即係屋企人食飯）咩都唔攪！
今日7月13日我哋可以上網預約喇！（舉行婚禮日期的3個月前的14日內），喺新屋一邊食早餐一邊等夠鐘！準備好雙方個人資料，包括出生日期、身份證號碼，以及聯絡電話號碼，準時八點打電話預約，
仲攞到一號籌添！！Yeah！！
梗係啦．．．2010年10月27日唔係假期﹑唔係特別好日，只係一個值得我同牛牛紀念嘅日子，有鬼人同我哋爭咩！
7月27日要去交通知書，同埋選擇舉行婚禮的確實時間，不過我哋仲未傾註冊當日rundown，所以都唔知揀咩時間好！真係要快啲同媽咪傾吓先得！！
http://www.gov.hk/tc/residents/immigration/bdmreg/marriage/bookgivingmarriage.htm
紅棉路婚姻登記處
香港中環紅棉路19號
羅年信大樓地下
（港鐵金鐘站C1出口）
辦公時間：
星期一至五：上午8時45分至下午12時45分及下午2時至4時45分
星期六 ：上午9時至11時30分
星期日 ：上午9時至下午12時45分及下午2時至4時45分（只供舉行婚禮）
公眾假期休息
電話 ：(852) 2869 0500
恭喜你攞到頭籌呀, 你會著婚紗行禮嗎???
回覆刪除[版主回覆07/13/2010 23:53:00]em......仲諗緊呀!!bf 想好casual咁簽個名食餐飯,不過媽咪又想我哋formal啲!!
恭喜晒
回覆刪除[版主回覆07/13/2010 23:54:00]多謝!!
你間蝸居攪成點呀??
我都係係紅棉路註冊嫁, 仲可以係香港公園影埋相, 幾靚嫁!!
回覆刪除[版主回覆07/13/2010 23:54:00]不過我仲未決定著唔著婚紗呀!!
好 lucky 呀!!!~拎到一號籌! 恭喜恭喜~!
回覆刪除[版主回覆07/13/2010 23:55:00]yeah!!多謝你!!
恭喜恭喜
回覆刪除[版主回覆07/13/2010 23:55:00]多謝呀~~
yeah,你又完成一樣好緊要既事項了~
回覆刪除[版主回覆07/13/2010 23:55:00]係呀!!不過仲要去交通知書呀!
恭喜哂呀~~ 拎到一號籌^^ 乜唔係佢地指定一日去交通知書架?
回覆刪除[版主回覆07/13/2010 23:57:00]多謝!!
唔係呀!佢有電話錄音話27號前,即係兩個星期內啦!
恭喜呀!!! 一號籌, 鍾意咩時間都得~
回覆刪除[版主回覆07/13/2010 23:57:00]係呀係呀!!不過仲未決定哩!!
我仲以為係3個月前果日...差d打算2月先返香港添~~ 不過我5月7註冊...3月個前又近農曆新年喎~~都唔知行唔行得開添 ><
回覆刪除[版主回覆07/14/2010 09:45:00]農曆新年前會好忙??有兩個星期時間,點忙都要行一轉啦,咁重要喎!!
你就好啦,可以拎到一號籌,想當年我又係去紅棉路,都唔記得拎到幾多號籌,最終揀唔到時間,搞到要提前一日行禮,好掃興
回覆刪除[版主回覆07/14/2010 11:56:00]我揀呢日係平日嘛，又唔係大吉日，梗係冇咩人揀啦！
哈哈!!我都唔知原來拎到幾好籌,就係揀先添!!
回覆刪除因為我行教堂,所以少左呢個驚心動魄既一刻...但我個時網上預約交申請表,都成日full晒,幾難先搵到日我老公放半日而我又可以拎假既日子呀!!
[版主回覆07/14/2010 12:02:00]係呀，先到先得架！我哋都未知幾時得閒去去交通知書，應該都係星期六啦，不過又要早起身．．．．．．
好勁呀~!!!! 繼續加油!!!!
回覆刪除[版主回覆07/14/2010 12:06:00]多謝！！你都要加油呀～～雖然仲有大把時間！！
唔洗驚, 到時無論係搬屋定結婚, 我都會慢慢"lon"你個blog的~!!! ^^
回覆刪除[版主回覆07/14/2010 13:56:00]哈哈!!我嗰啲小意思啦!!你似乎係攪大project喎!!
傻啦~ 根本無得大攪~~ 都無 $$
回覆刪除[版主回覆07/14/2010 17:39:00]仲可以儲多十幾個月喎!!
太好了....又攪掂一個項目...
回覆刪除[版主回覆07/14/2010 17:58:00]yeah!! 不過仲要諗當日安排,又想簡單啲又唔可以太簡單......
你岩, 不過果十幾個月要留力儲酒店果筆, 所以都係無$$攪其他~~!!
回覆刪除[版主回覆07/14/2010 17:57:00]擺酒有人情幫補嘛......唔通要全數上繳中央??
通常我都係有份輸果個, 咁係咪應該見少d好d呢... @@!!
回覆刪除恭喜你, 一號籌.....
回覆刪除[版主回覆07/14/2010 23:30:00]多謝!! 話咁快得番3個幾月,好似咩都未準備咁!
梗係著婚紗啦, 橫掂你都買左, 唔使租.
回覆刪除[版主回覆07/16/2010 14:21:00]咁又係,唔著婚紗驚第時後悔......
我都要拎定呢張野返公司申請婚假
回覆刪除[版主回覆07/16/2010 18:25:00]要咁早申請？
CONGRATULATIONS!一號籌~~你想要乜野時間都得喇!
回覆刪除我結婚個日係星期六只開上午，所以無得去註冊處。若果唔係，我實揀文化中心O家!
[版主回覆07/16/2010 18:28:00]多謝！ 如果星期六可以揀靚場，叫晒親朋好友去，熱鬧好多！我哋而家係“低調進行”咋！
恭喜晒...一號籌好難得!!!
回覆刪除我都好想係紅棗道行禮，呢個情意結始終都係無法完成，因為我個日係星期六，得半日工作天，仲要過海.....實趕唔切....最後改左係第二度行禮!!
[版主回覆07/20/2010 09:28:00]你揀註冊嗰度都好靚呀!!
2011-DEC-18
回覆刪除yeah~~~~~~~~
你都黑唔晒啫! 攞到No1喎! 應該下午註好d啦, 唔洗咁早起身, 多d時間準備, 又唔怕眼腫! 攪掂影完相去酒樓時間啱啱好!! 話晒紅綿道註冊梗係點都要著婚紗啦! 唔著你實後悔! 到時見到人地著自己又冇得著...肯定好冇癮!
回覆刪除[版主回覆07/22/2010 01:06:00]我都想著，不過牛生想好“茄”咁恤衫老牛囉！
星期六上嚟幫手揀衫啦！
揀衫簡直我强項同興趣啦！ 其實恤衫老牛都可以好四正啫！你幫佢買件有少少款特別ｄo既恤衫都得呀！
回覆刪除[版主回覆07/22/2010 21:52:00]台灣紫色嗰件囉!