仲有最煩嘅係．．．．．．壞抽氣扇﹑壞熱水爐﹑壞冷氣機﹑壞梳化！都唔知點解我哋咁黑仔！！
話說個抽氣扇係上手業主嘅，因為見仲好新所以唔換，之前睇樓開過冇問題，裝修時冇用過，到入伙後竟然唔work！買個新嘅8" KDK $310，電器鋪叔叔話自己安裝好簡單，叫我哋自己攪掂，因為搵佢安裝要比多$50，既然叔叔教我哋慳錢，咁一於牛牛自己換啦！點知．．．．．．唔單止部舊機拆唔到落嚟，連窗口塊玻璃都整裂埋！！最後都係叫叔叔上嚟攪，又要換埋塊玻璃，比多$250！！激死！
熱水爐﹑冷氣機係之前提過貼錢買難受嗰間電器鋪買，一共買咗6件電器，竟然有２件有問題！出事指數高達33%
真係O晒咀！都唔知係佢有問題定係我黑仔！我哋冇搵間電器鋪攪，費事勞煩佢哋啦！直接打去搵保養，德國寶好快有人上嚟攪掂咗個熱水爐！冷氣機就煩啲，要fax去三菱等覆，都唔知等幾耐！好彩係電腦房部冷氣壞咋，如果係大房真係唔洗瞓！！
名華軒買嘅Cheers 梳化上星期五送咗嚟，不過一送嚟都未試坐就壞！咪就係個手制囉，送貨哥哥話有一邊彈弓鬆咗，所以腳位唔識彈出嚟！即場整唔掂，佢叫我哋坐住另一邊先，過幾日帶埋彈弓上嚟換，點知佢一走咗．．．．．．連另一邊手制都拉唔到！！
過咗5日都冇聲氣，今日打去hotline問，佢先話聽日會有人打比我約星期五 / 六上嚟整！（我相信如果唔係我打去問，聽日係唔會有人打比我！）希望快啲攪掂啦！唔想再有手尾跟呀！
我都係想有個舒舒服服嘅安樂窩啫！！
咁慘...樣樣都有D問題咁~~
回覆刪除不過應該好快可以攬返掂嘅!!!
開心D啦~~
[版主回覆07/14/2010 16:13:00]希望今個星期內可以攪掂晒啦!!
你真係好黑wow.....
回覆刪除唔好嬲啦~好彩有保養~
不過個間電器店真係一間黑店=-=|||
[版主回覆07/14/2010 16:30:00]唉......可能真係裝修之前冇拜四角!!入伙前一日有補拜唔知有冇用哩??
唔駛咁灰......都唔係得妳一個係咁..... 我之前咪一樣，買返黎唔係呢樣有問題就果樣用唔到....... 不過宜家諗返轉頭，咪覺得係一個好好o既經驗o羅..... 哈哈.....唔好灰心，好快雨過天晴....加油
回覆刪除[版主回覆07/14/2010 18:01:00]多謝你!! 而家見到間屋都好開心,希望快啲攪埋啲手尾啦!
黑仔的不只是你...
回覆刪除我業主原本好好咁搞人同間屋大裝修，話7月中可交樓，但業前日話我知個裝修佬拎o左佢3萬蚊訂走o左路，call極都唔聽電話，宜家佢勁頭痕！！佢話叫我預9月尾先可以搬入去喎~ 好在我真係預多o左時間唧，如果趕住都唔知點算。我只係怕業主俾人呃o左3萬蚊，佢再搵人裝修就會慳皮o左...免得過都唔整
[版主回覆07/14/2010 18:04:00]吓??咁都得??而家仲有呢啲劇情?? 9月尾 都趕得切啦,不過 業主 慳皮整少啲就一定啦!又唔係佢住!!不過睇相都幾四正吖,都唔洗大裝啦!
又真係激左d. 不過唔好"蚊", 俾d耐性, 因為尼個係你地既安樂窩
回覆刪除[版主回覆07/14/2010 23:00:00]知道!!我已經習慣接受喇......咩問題都係小問題,返到屋企就開心晒!
嗚~我都同你一樣.... 今日見cf 裝左個抽油煙機.... 開左黎試....點知....嘈到拆天... 我唔知係咩原因.... 同埋....唔知點解我拆唔到個面出黎洗入面lo.... 唉~~真係...... 你就好啦...己經搬左入去住... 我估...我仲有排等呀....
回覆刪除[版主回覆07/15/2010 11:29:00]咁快啲搵人整喇,又要等又要約時間好煩!!到時問埋佢點 拆出嚟洗囉!!
嘩!!真係好慘喎...
回覆刪除不過...我都預第日實有幾樣傢俬電器會有問題...有定心理準備會好D,希望你快快搞掂啦!!個安樂窩快D安安樂樂咁就好喇!!
[版主回覆07/15/2010 12:24:00]係呀,真係有定心理準備好D呀!!我已經習慣接受問題喇...
之前咁多野, 你都一一搞番掂, 唔駛唔開心既! 相信小妹好快樣樣都會換好~ 到時咪有個真真正正既安樂窩囉~
回覆刪除[版主回覆07/15/2010 12:30:00]呢幾個月我覺得自己叻咗呀!!再唔係製造問題,而係解決問題!!
我跟妳也有著相同的遭遇，就是見「新」，仲用得，無換.....結果..... 我張芝華仕都點問題，只是兩個多月貨仔，已經開始下陷了！雖然情況不是很嚴重，不過我對這個牌子的貨仔......實在有點失望。 我對呢啲麻煩事已經開始麻木，與其怒氣，不如努力儲下錢遲下換過新的算了！
回覆刪除[版主回覆07/15/2010 13:46:00]係啦,諗住大牌子又多人用應該ok,點知一樣有問題!! 哈哈...我都要努力啲儲錢喇!!
我地放工返到去都唔早嫁，食得飯都起碼八點半，但我想自己既屋企係團結d，所以盡量keep住一家人一齊係屋企既時候
回覆刪除我都唔係好識煮，煮親都係個d簡單野咋，你地都可以既
其實我間屋都仲有好多野未買，我仲欠6度櫃門呀，等ikea返貨
最近又要搞管理署裝修按金，呢度管理署真係好討厭
[版主回覆07/15/2010 14:08:00]管理署裝修按金我都未攪喎!!師父仲未比番張証我!!
壞開有條路....一壞就樣樣壞~~不過好易解決la, 開心番d la~ ^^
回覆刪除[版主回覆07/15/2010 14:09:00]嗯...應該好快ok喇!!
我個廳部冷氣都壞左呀... ><!!! 明明之前試都ok... 不過裝修完之後就燒左... 我男友話可能係cf 整機時無熄電.... 但都無辨法... 又唔見幾千... 好肉赤.....
回覆刪除見你咁多野壞... 都feel 到你的慘..... 加油!! 好快就可以settle 哂!! 有個安樂窩!!! ^^
[版主回覆07/16/2010 12:58:00]過咗保養??我嗰部都唔知幾時先可以整,要等三菱星期六有期,真麻煩!
嘩~~~ 咁大獲~ 芝華仕而家咁差咩...
回覆刪除我已經落咗一半訂hold咗世界杯個promotion喇~~~
係呢，菲比小妹，你張梳化送嚟果時駛唔駛拆件??
我問過sales, 佢話真係要拆，都唔會額外收錢架喎~
[版主回覆07/16/2010 13:00:00]我張唔洗拆呀,因為size細入到屋,不過整花咗我門口幅牆!! 聽日有師父嚟整喇,希望快快攪掂啦!
勁喎，梳化都坐壞
回覆刪除[版主回覆07/16/2010 13:02:00]係未坐已經壞!!
頭熱水爐我都諗住買德國寶ga wor~~~ 咁轉唔轉牌子好呢?
回覆刪除三菱冷氣and 芝華仕sofa口碑都幾好的, 點解會咁ga >.<, 真係櫈你心煩呀!!
[版主回覆07/16/2010 13:10:00]德國寶好似最多人用,我嗰部都係小問題,好快攪掂咗啦! 三菱同芝華仕就真係失望!!
你真係少少黑仔wor~ 哈哈!
回覆刪除不過最後你應該可以搞得掂0既! 好彩呀~~
呢d 咁難忘0既經驗先顯得出你地真係好用心搞間屋, 第日住落都會特別warm 架!!
add oil!! 尾聲架喇~~
[版主回覆07/16/2010 13:13:00]多謝你!!而家都8899喇,真係冇白費心機,返到屋企就開心晒!
算la, 買電器真係撞手神, 唔好咁諗
回覆刪除[版主回覆07/16/2010 13:58:00]唉......總之就無奈啦!
唉，睇嚟點小心搬嘢都好，啲牆都係會俾人整花~ >.<"
回覆刪除[版主回覆07/16/2010 14:00:00]係呀,爭在多定少! 同埋啲送貨哥哥都好粗老吓!!
又真係黑左少少喎...
回覆刪除不過你執屋執得咁快,好叻ga la~你控制到既野,全部都做得好好~
你仲有時間攪既~~~唔好太心急,急唔黎ga~~~你bf有冇幫手處理啊? 要一齊分擔啊,唔好自己孭哂,好辛苦ga~~~~
[版主回覆07/16/2010 14:07:00]就係好多我控制唔到嘅嘢令我好心煩!!失晒預算! 聽日已經有朋友嚟house warming,而家梳化冷氣都未攪掂!! 好彩bf都聽聽話話,喺我累到攤喺梳化嘅時候佢仲努力執緊嘢,如果唔係我真係支持唔住!
唔緊要..慢慢黎...一樣一樣整返好佢....
回覆刪除要整一個安樂窩係咁O家喇....整返就好好享受家庭樂~~
[版主回覆07/16/2010 18:24:00]嗯嗯．．．辛苦咗咁耐真係要好好享受！
希望所有問題事情盡快搞掂！
回覆刪除噢…真係無諗過張CHEERS梳化會咁？未用就要修理！
[版主回覆07/17/2010 10:01:00]係啦,真係有啲失望!!今日有人嚟整喇,希望快快攪掂!!
唉~~真替你不值！
回覆刪除[版主回覆07/17/2010 10:01:00]唉~~總之就黑仔啦!!
OH, 咁依家整好未呀?
回覆刪除[版主回覆07/20/2010 09:22:00]仲有梳化未整呀...
真係好多阻礙呀，希望好快冇事呀
回覆刪除[版主回覆07/20/2010 09:22:00]我都希望今個星期可以攪掂啦!
嘩...真係黑開有條高速公路bor，連咁出名既梳化都會壞，比我一定「慶」過鬼!!應該係會殺人都似!!
回覆刪除唔怕唔怕....通常黑完就會順順利利.....接住落黎你一定會好luck...，開開心心等大日子!!!add oil~~~
[版主回覆07/20/2010 09:23:00]哈哈!多謝你呀!!
唔怕唔怕, 柳暗花明又一村, 好快就有一個安樂窩架喇!
回覆刪除[版主回覆07/20/2010 11:47:00]就快ok喇!!
少少苦楚等於激勵! 就係因為咁辛苦咁激氣, 你地先會更加識珍惜! Keep住努力執屋呀! 執乾淨等我地上嚟玩! 哈哈!!
回覆刪除[版主回覆07/22/2010 01:00:00]星期五晚預咗節目啦．．．咪係執屋等你哋上嚟囉！